Anandhi: మీకు అర్థమవుతోందా.. ‘శ్రీదేవి సోడా సెంటర్’ ప్రమోషన్లో ఆనంది అందుకే కనిపించలేదంట!

అందరి తెలుగు హీరోయిన్లలానే ఆనంది కూడా టాలీవుడ్ లో కన్నా కోలీవుడ్ లో మంచి క్రేజ్ సంపాదించుకుంది. రీసెంట్ గా శ్రీదేవి సోడా సెంట్ మూవీతో ప్రేక్షకులను మెప్పించిన ఈ బ్యూటీ తల్లికాబోతోందట. సినిమాలో కాదండోయ్

సోడాల శ్రీదేవి తల్లి కాబోతోందా..

తెలంగాణలోని వరంగల్‌కు చెందిన ఆనంది.. తెలుగులో కంటే తమిళంలోనే హీరోయిన్‌గా మంచి క్రేజ్ సంపాదించుకుంది. ‘ఈ రోజుల్లో’ సినిమాలో స్పెషల్ సాంగులో స్టెప్పులేసిన సోడాల శ్రీదేవి.. ఆ తర్వాత ‘బస్‌స్టాప్’ సినిమాతో హీరోయిన్‌గా ఎంట్రీ ఇచ్చింది. ఆ తర్వాత  ప్రియతమా నీవచట కుశలమా, నాయక్, గ్రీన్ సిగ్నల్ సినిమాల్లో నటించింది. అయినప్పటికీ తెలుగులో పెద్దగా కలసిరాకపోవడంతో అందరి తెలుగమ్మాయిల్లా కోలీవుడ్‌కు చెక్కేసింది. అక్కడ ఇప్పటికే డజను సినిమాల్లో నటించింది. మరో అరడజను ఆఫర్లతో బిజీగా ఉంది. ఈ ఆరు సినిమాలు వచ్చే ఏడాది విడుదల కాబోతున్నాయి. కోలీవుడ్ లో ఆనంది క్రేజ్ చూసిన తర్వాత మనోళ్లకు మళ్లీ ఆమెవైపు చూపు మళ్లింది.

యువ హీరో తేజ సజ్జా డెబ్యూ మూవీ 'జాంబీ రెడ్డి' సినిమాతో సూపర్ హిట్ అందుకుంది. ఆ తర్వాత శ్రీదేవి సోడా సెంటర్ మూవీలో ఛాన్స్ కొట్టేసింది. సుధీర్ బాబు - డైరెక్టర్ కరుణ కుమార్ కాంబినేషన్ లో రూపొందిన 'శ్రీదేవి సోడా సెంటర్' సినిమాలో ఆనంది నటనకు ఫుల్ మార్క్ పడ్డాయి. మంచి టాక్ సంపాదించుకోవడంతో పాటూ..బాక్సాఫీస్ వద్ద వసూళ్లు కూడా బాగానే ఉన్నాయంటున్నారు నిర్మాతలు. సూపర్ స్టార్ మహేష్ బాబు లాంటివారు కూడా ఆనంది పెరఫామెన్స్ ని ప్రత్యేకంగా మెచ్చుకున్నారు. అయితే సినిమా ప్రమోషన్లో ఆమె ఎందుకు పాల్గోలేదంటూ పెద్ద చర్చలే జరిగాయి. కానీ అందుకు ఓ కారణం ఉంది. ఆమె గర్భవతి కావడం వల్లే బయటకు రాలేదనే టాక్ వినిపిస్తోంది.

కోలీవుడ్ అసిస్టెంట్ డైరెక్టర్ సోక్రటీస్‌ను ప్రేమించిన ఆనంది.. పెద్దల అంగీకారంతో ఈ ఏడాది జనవరి 7న వరంగల్ లో నిరాడంబరంగా వివాహం చేసుకుంది. ఇప్పుడు ఆమెకు ఆరో నెల అని, అందుకే సినిమా ప్రమోషన్ కార్యక్రమంలో పాల్గొనలేదని అంటున్నారు. ఈ వార్తల్లో నిజమెంతుందో తెలియాలంటే సోడాల శ్రీదేవి స్పందించాలి మరి.