అన్వేషించండి

Naga Shaurya Wedding: నాగశౌర్య వరుడయ్యాడు, ఈ రోజే పెళ్లి - హల్దీ వేడుక ఫొటోలు వైరల్

నాగశౌర్య ఇంట పెళ్లి సందడి మొదలయ్యింది. కాసేపట్లో ఆయన పెళ్లి పీటలు ఎక్కబోతున్నాడు. ఇప్పటికే పెళ్లికి సంబంధించిన ఏర్పాట్లు పూర్తయ్యాయి. అటు హల్దీ వేడుకకు సంబంధించిన ఫోటోలు వైరల్ అవుతున్నాయి.

By : ABP Desam | Edited By: anjibabuchittimalla | Updated at : 20 Nov 2022 11:19 AM (IST)

actor naga shaurya wedding celebration Naga Shaurya Wedding: నాగశౌర్య వరుడయ్యాడు, ఈ రోజే పెళ్లి - హల్దీ వేడుక ఫొటోలు వైరల్

Photo Credit: buttabomma dreams/Instagram

యువ నటుడు నటుడు నాగశౌర్య కాసేపట్లో పెళ్లి పీటలు ఎక్కబోతున్నాడు. ఇవాళ మధ్యాహ్నం బెంగళూరుకు చెందిన అనూష మెడలో మూడు ముళ్లు వేయబోతున్నాడు. ఇప్పటికే పెళ్లికి సంబంధించిన ఏర్పాట్లు బ్రహ్మాండంగా చేశారు. ఇరు కుటుంబ సభ్యులు అట్టహాసంగా నాగశౌర్య- అనూష వివాహం జరిపించేందుకు సిద్ధం అయ్యారు. వీరి కల్యాణ వేడుక బెంగళూరులోని ఓ ఫైవ్ స్టార్ హోటల్ లో జరగనుంది. పెళ్లి వేడుకలో భాగంగా హల్దీ సెలబ్రేషన్ కలర్ ఫుల్ గా జరిగింది. అనంతరం కాక్ టెయిల్ పార్టీ జరిగింది. ఇందులో ఇరు కుటుంబాలకు చెందిన బంధు మిత్రులు పాల్గొన్నారు. ఇక హల్దీ వేడుకలో భాగంగా కాబోయే శ్రీమతికి నాగశౌర్య బంగారు ఉంగరాన్ని తొడిగాడు. కుటుంబ సభ్యులు, వధూవరుల మిత్రుల సమక్షంలో ఈ వేడుక కన్నుల పండువగా జరిగింది. ప్రస్తుతం హల్దీ వేడుకకు సంబంధించిన ఫోటోలు సోషల్ మీడియాలో వైరల్ అవుతున్నాయి.ఇక ఈ ఫోటోలను చూసి నెటిజన్లు ఫిదా అవుతున్నారు. నాగశౌర్య- అనూష జోడీ చాలా బాగుందని కామెంట్స్ పెడుతున్నారు.

ఇంటీరియర్ డిజైనర్ గా అనూషకు మంచి గుర్తింపు

కొద్ది రోజుల క్రితమే తన పెళ్లి విషయాన్ని నాగశౌర్య సోషల్ మీడియా వేదికగా వెల్లడించాడు. బెంగళూరుకు చెందిన అనూషను వివాహం చేసుకోబోతున్నట్లు చెప్పారు. ఇక అనూష విషయానికి వస్తే, తను బెంగళూరులో ఇంటీరియర్ డిజైనర్ గా ఉన్నారు. సొంతంగా ఓ ఇంటీరియర్ డిజైన్ సంస్థను స్థాపించారు. ఆమె కుటుంబం వ్యాపార రంగంలో రాణిస్తున్నట్లు తెలుస్తోంది. ఇక ఆమె ప్రతిభకు ఎన్నో అవార్డులు వరించాయి కూడా. బెంగళూరులో అనూషతో నాగశౌర్యకు పరిచయం ఏర్పడింది. అదికాస్తా, ప్రేమగా మారింది. వీరి పెళ్లికి ఇరు కుటుంబ సభ్యులు అంగీకారం చెప్పారు. ఈ నేపథ్యంలో వీరి పెళ్లి బెంగళూరు వేదికగా జరుగుతోంది.

‘కృష్ణ వ్రింద విహారి’ మూవీతో ఆకట్టుకున్న నాగశౌర్య

ఇక నాగశౌర్య సినిమాల విషయానికి వస్తే.. ఈ సంవత్సరం ‘కృష్ణ వ్రింద విహారి’ చిత్రంతో ప్రేక్షకుల ముందుకు వచ్చాడు. ఈ సినిమా మంచి విజయాన్ని అందుకుంది. వాస్తవానికి నాగశౌర్య విజయం, పరాజయంతో సంబంధం లేకుండా సినిమా పరిశ్రమలో కొనసాగుతున్నాడు. సొంత బ్యానర్ లోనే నాగశౌర్య ఎక్కువగా సినిమాలు చేస్తున్నాడు. ఆయన కెరీర్ లో ‘శౌర్య’ సినిమా బిగ్గెస్ట్ హిట్ గా నిలిచింది. పెళ్లి తర్వాత నాగ శౌర్య మరికొన్ని ప్రాజెక్టులను ప్రకటించే అవకాశం ఉంది.