Toronto gold heist: ఇది రియల్ థూమ్ - కెనడా విమానంలో 400 కేజీల బంగారం లూఠీ - దొంగ ఇండియనే!

Toronto gold: కెనడాలోని టొరంటోనే ఓ విమానం లగేజీలో వచ్చిన 400 కేజీల బంగారాన్ని కొంత మంది గుట్టుగా దొంగతనం చేశారు. అమ్మేసుకున్నారు. ఆ ముఠా నాయకుడు ఇప్పుడు ఇండియాలో ఉన్నాడట

ఇది రియల్ థూమ్ - కెనడా విమానంలో 400 కేజీల బంగారం లూఠీ - దొంగ ఇండియనే!

Source : x

Toronto gold heist Accuse in India: కెనడా చరిత్రలోనే అతిపెద్ద బంగారు దోపిడీ కేసులో కీలక నిందితుడైన అర్సలాన్ చౌదరిని అక్కడి పోలీసులు అరెస్ట్ చేశారు. 2023లో టొరంటోలోని పియర్సన్ అంతర్జాతీయ విమానాశ్రయంలో జరిగిన ఈ భారీ చోరీకి సంబంధించి, దుబాయ్ నుండి టొరంటో చేరుకున్న అతడిని పీల్ రీజినల్ పోలీసులు అదుపులోకి తీసుకున్నారు. తన న్యాయవాదుల ద్వారా పోలీసులకు లొంగిపోయేందుకు ముందే ఒప్పందం కుదుర్చుకున్న అర్సలాన్, విమానం దిగగానే పట్టుబడ్డాడు.   

BREAKING—⁦@PeelPolice⁩ have arrested its seventh accused in the 2023 Pearson $40-million Airport gold heist. Arsalan Chaudhary taken into custody today at Terminal 1 — watch for column and video pic.twitter.com/MRAJmCZEcU

— Joe Warmington (@joe_warmington) January 12, 2026

ఈ భారీ దోపిడీ ఏప్రిల్ 17, 2023న జరిగింది. స్విట్జర్లాండ్‌లోని జ్యూరిచ్ నుండి వచ్చిన విమానంలో సుమారు 400 కిలోల బంగారంస 2.5 మిలియన్ డాలర్ల నగదు ఉంది. విమానాశ్రయంలోని కార్గో హ్యాండ్లింగ్ యూనిట్ నుండి ఈ నిధిని అత్యంత చాకచక్యంగా మాయం చేశారు. ఈ కేసులో ఎయిర్ కెనడా మాజీ ఉద్యోగుల ప్రమేయం కూడా ఉందని, అంతర్గతంగా కొంత మంది వ్యక్తుల సహకారంతోనే ఈ చోరీ జరిగినట్లు దర్యాప్తులో తేలింది.                                         

అరెస్ట్ అయిన అర్సలాన్ చౌదరిపై దొంగతనం, నేరపూరిత కుట్ర ,  అక్రమంగా సంపాదించిన ఆస్తులను కలిగి ఉండటం వంటి తీవ్రమైన ఆరోపణలు నమోదయ్యాయి. దోపిడీ చేసిన బంగారాన్ని విక్రయించడంలో,  ఆ సొమ్మును కెనడా వెలుపలికి తరలించడంలో ఇతడు కీలక పాత్ర పోషించినట్లు పోలీసులు భావిస్తున్నారు. అంతర్జాతీయ దర్యాప్తు సంస్థల సహకారంతో ఈ కేసును ఛేదించామని, నిందితులు ఎక్కడ దాక్కున్నా వదిలిపెట్టబోమని  పోలీసులు అంటున్నారు.  

#BreakingNow : CANADA's largest Gold Heist
World 6th largest Gold Heist
Arrests Made After 20 Million Dollar Gold Heist from Pearson International Airport(April 17th Last year).
Only $90,000 Value Gold ( in form of bangles) has been recovered yet.
Arrested :
* Parampal Sidhu:… pic.twitter.com/j1brzhirYD

— Sameer Kaushal 🇨🇦❤🇮🇳 (@itssamonline) April 17, 2024

అయితే, ఈ కేసులో మరో ప్రధాన నిందితుడు ,  ఎయిర్ కెనడా మాజీ ఉద్యోగి అయిన సిమ్రాన్ ప్రీత్ పనేసర్ ప్రస్తుతం భారతదేశంలో తలదాచుకున్నట్లు కెనడా పోలీసులు అనుమానిస్తున్నారు. అతని కోసం కెనడా వ్యాప్తంగా వారెంట్ జారీ చేయబడింది. 'ప్రాజెక్ట్ 24K' పేరుతో కొనసాగుతున్న ఈ విచారణలో మరికొంతమంది నిందితుల కోసం గాలింపు చర్యలు ముమ్మరం చేశారు. ఇప్పటివరకు ఈ దోపిడీకి సంబంధించి పలువురిని అరెస్ట్ చేసినా, పూర్తిస్థాయిలో రికవరీ ఇంకా కాలేదు.                   

 

మరిన్ని చదవండి

పోలీసు మెడ కోసిన చైనా మాంజా.. గాయాలతో ఆసుపత్రిలో చేరిన నల్లకుంట ఎఎస్ఐ