Hyderabad Crime News : హైదరాబాద్ నుంచి అమెరికన్లను దోపిడీ చేసిన గ్యాంగ్ - సైబర్ నేరాల్లో ఇదో స్టైల్ !

హైదరాబాద్ లో కాల్ సెంటర్ పెట్టి అమెరికన్లను మోసం చేస్తున్న వారిని అరెస్ట్ చేశారు సైబరాబాద్ పోలీసులు.

హైదరాబాద్ నుంచి అమెరికన్లను దోపిడీ చేసిన గ్యాంగ్ - సైబర్ నేరాల్లో ఇదో స్టైల్ !

Hyderabad Crime News :  అమెరికా వాళ్లను మోసం చేయాలంటే అమెరికా దాకా పోవాల్సిన పని లేదు. హైదరాబాద్‌లోనే  ఓ కాల్ సెంటర్ పెట్టి అమెరికా వాళ్లను బురిడికొట్టేయవచ్చు. వాళ్ల డబ్బులు దోచేయవచ్చు. సాఫ్ట్ వేర్ కంపెనీని నడుపుతున్నట్లుగా బిల్డప్ ఇస్తూ.. అమెరికాలో సైబర్ నేరాలకు పాల్పడి డబ్బులు దోచుకుంటున్న ముఠాను సైబరాబాద్ పోలీసులు పట్టుకున్నారు. 

హైదరాబాద్ కాల్ సెంటర్ నుంచి అమెరికా  వాళ్లకు బురిడీ

హైదరాబాద్‌ మాదాపూర్లో  ARG సొల్యూషన్ పేరుతో అన్సారీ అనే వ్యక్తి కాల్ సెంటర్ నడుపుతున్నాడు.  ..దాని పక్కనే AG సొల్యూషన్ పేరుతో మరో కాల్ సెంటర్ నడుపుతున్నారు.  ఈ రెండు కంపెనీలు గుజరాత్ లో రిజిస్టర్ అయ్యాయి. యూఎస్, కెనడా సిటిజన్స్ డేటా సంపాదించి కాల్స్ చేసి వారి దగ్గర డబ్బులు వసూలు చేస్తున్నారు. మొదట ఓ వ్యక్తికి కాల్ చేసి.. మెక్సికో నుంచి మీకు పార్సెల్ వచ్చింది.. అందులో డ్రగ్స్ ఉన్నాయి. ఈ రకంగా  భయపెట్టి బాధితుల  బ్యాంకు డీటెయిల్స్, ఇతర వివరాలు సేకరిస్తున్నారు.  ఇంట్లో లేనపుడు ఇంటిపై కూడా రైడ్ చేశామని.. డ్రగ్స్ సంబంధించిన ఆధారాలు దొరికాయని భయపెడుతున్నారు.  యూఎస్ పోలీసులు మీపై రెండు కేసులు పెడుతున్నారని బ్లాక్ మెయిల్ చేస్తారు.  నిర్దోషులుగా ప్రూవ్ చేసుకోవాలంటే యూఎస్ మార్షల్ తో మాట్లాడమని చెప్తున్నారు. 

కొట్టేసిన సొమ్మంతా బిట్ కాయిన్ల రూపంలో ఇండియాకు!                        

ఆ తర్వాత యూఎస్ మార్షల్ గా మాట్లాడి బాధితుల నుంచి 5 నుంచి 6 వేల యూఎస్ డాలర్స్ కట్టించుకుంటున్నారు.  ఆ డబ్బంతా బిట్ కాయిన్ రూపంలో ఇండియాకు తీసుకువస్తున్నారు. ఈ ముఠాలో నిందితులు గుజరాత్‌కు చెందిన వారే.  నిందితులను అరెస్ట్ చేసిన సైబరాబాద్ పోలీసులు వారిపై కేసు నమోదు చేశారు.  

మరో కాల్ సెంటర్ నిర్వాకం కూడా బట్టబయలు                          
 
మరో కేసులో వెర్టెజ్ సొల్యూషన్ పేరుతో ఫేక్ అమెజాన్ కాల్ సెంటర్ నిర్వహిస్తున్న ముఠాను పోలీసులు అరెస్ట్ చేశారు. ఈ కేసులో 120 మందిని అదుపులోకి తీసుకున్నారు.  నిందితులు తెలివిగా కస్టమర్లకు కాల్ చేసి బురిడీ కొట్టిస్తున్నారని పోలీసులు తెలిపారు.  మీ పేరుపై అమెజాన్ డెలివరీ వచ్చింది. కస్టమర్ ఆర్డర్ చేయలేదని చెబితే చెక్ చేసినట్టు నటించి.. మీరే చేసారని మళ్ళీ చెబుతారు. ఆ తర్వాత ఆర్డర్ కాన్సల్ చేయాలంటే మీ బ్యాంకు నుంచి పేమెంట్ అవ్వాలని చెబుతారు.  బ్యాంకు వాళ్లలా మాట్లాడి పేమెంట్ ఆపాలంటే కొంత ఫైన్ పడుతుంది.. గిఫ్ట్ కార్డు కొనాలంటూ పేమెంట్ వసూలు చేస్తారని పోలీసులు తెలిపారు. ఆ డబ్బుని బిట్ కాయిన్ రూపంలో మార్చి ఇండియాకి తీసుకొస్తున్నారని పోలీసులు చెప్పారు. ఈ ఫేక్ కాల్ సెంటర్లో పనిచేసే వాళ్లకు అందరికి  ఫేక్ కాల్ సెంటర్ అని కూడా తెలుసని సైబరాబాద్ సీపీ స్టీఫెన్ రవీంద్ర వివరించారు.