8 నెలలుగా లోదుస్తులు మాయం, పక్కాప్లాన్‌తో దొంగని పట్టుకున్న మహిళ - చితకబాదిన స్థానికులు

Clash Over Innerwear: ఓ మహిళ లోదుస్తుల్ని యువకుడి కాజేయడంపై రెండు గ్రూపులు గొడవ పడ్డాయి.

ఓ మహిళ లోదుస్తుల్ని యువకుడి కాజేయడంపై రెండు గ్రూపులు గొడవ పడ్డాయి.

Clash Over Innerwear: 

అహ్మదాబాద్‌లో ఘటన..

గుజరాత్‌లోని అహ్మదాబాద్‌లో వింత గొడవ జరిగింది. కారణం చెబితే మనకి సిల్లీగానే అనిపించినా స్థానికంగా ఈ మ్యాటర్ చాలా సీరియస్ అయింది. ఓ అండర్ వేర్ విషయంలో రెండు గ్రూప్‌లు కొట్టుకున్నాయి. ఈ కొట్లాటలో 10 మంది తీవ్రంగా గాయపడ్డారు. 20 మంది అరెస్ట్ అయ్యారు. జూన్ 27న ఈ ఘటన జరిగినట్టు పోలీసులు వెల్లడించారు. ఇంతకీ గొడవేంటంటే...ఓ మహిళ లోదుస్తుల్ని ఓ యువకుడు దొంగిలించాడు. ఒకసారి రెండుసార్లు కాదు. దాదాపు 8 నెలలుగా ఇదే పని చేస్తున్నాడని ఆ మహిళ ఆరోపించింది. బయట ఆరేసిన ప్రతిసారీ అవి మాయం అవుతున్నాయని గుర్తించిన ఆ మహిళ అసహనానికి గురైంది. చివరకు ఓ ప్లాన్ చేసి ఆ నిందితుడుని రెడ్‌హ్యాండెడ్‌గా పట్టుకుంది. ఓ మొబైల్‌ని అక్కడ పెట్టి కెమెరా ఆన్ చేసి వీడియో రికార్డ్ ఆప్షన్ పెట్టి వెళ్లిపోయింది. ఆ తరవాత ఫుటేజ్‌ని గమనించి షాక్ అయింది. పొరుగింటి వ్యక్తే తన లోదుస్తుల్ని కాజేస్తున్నాడని గుర్తించింది. ఆ తరవాత మాటు వేసి మరీ దొంగిలించే సమయంలో పట్టుకుంది. గొడవకు దిగింది. అప్పుడే ఆ యువకుడు ఆమెపై దాడి చేయడమే కాకుండా లైంగికంగా వేధించాడని ఆరోపించింది. ఇంటికి వెళ్లి విషయమంతా చెప్పడం వల్ల కుటుంబ సభ్యులు ఆగ్రహానికి లోనయ్యారు. కర్రలు పట్టుకుని ఆ యువకుడి ఇంటిపై దాడి చేశారు. నిందితుడితో పాటు కుటుంబ సభ్యులపైనా దాడి చేశారు. ఆ తరవాత అటు నుంచి కూడా దాడి మొదలైంది. ఇలా చాలా సేపు రెండు గ్రూప్‌లు కొట్టుకున్నాయి. ఇది తెలుసుకున్న పోలీసులు వెంటనే స్పాట్‌కి వచ్చారు. అప్పటికే 10 మంది తీవ్రంగా గాయపడ్డారు. 

"మహిళ తరపున బంధువులపై FIR నమోదు చేశాం. ఆ నిందితుడినీ అదుపులోకి తీసుకుని కేసు పెట్టాం. మహిళను లైంగికంగా వేధించినట్టు ఆరోపణలున్నాయి. విచారణ జరిపి నిజ నిర్ధారణ చేసుకుంటాం. ఈ కొట్లాటలో దాదాపు 10 మంది గాయపడ్డారు. మొత్తం 20 మందిని అరెస్ట్ చేశాం"

- పోలీసులు