Shocking News: నన్నే కరుస్తావా అంటూ పామును కొరికేసిన బాలుడు - పాము మృతి, బాబు సేఫ్!

Chhattisgarh News: పాము తనను కాటేసిందనే కోపంతో ఓ బాలుడు ఆ పామునే కొరికి చంపాడు. అయితే ఈ ఘటనలో పాము చనిపోగా.. బాలుడు ప్రాణాపాయం నుంచి తప్పించుకున్నాడు.

నన్నే కరుస్తావా అంటూ పామును కొరికేసిన బాలుడు

Chhattisgarh News: ఓ బాలుడు ఆడుకుంటుండగా ఓ పాము అతడిని కాటేసింది. తీవ్ర కోపోద్రిక్తుడైన బాలుడు నన్నే కాటేస్తావా అంటూ పాము వెంట పరిగెత్తాడు. పొదల్లోకి వెళ్లినా అందులోకి దూరి మరీ పామును పట్టుకున్నాడు. నన్నే కాటేస్తావా అంటూ ఆవేశంతో దాన్ని కొరికేశాడు. ఈ ఘటనలో పాము అక్కడికక్కడే చనిపోయింది. అయితే బాలుడు మాత్రం అదృష్టవశాత్తు ప్రాణాపాయం నుంచి తప్పించుకున్నాడు. 

ఛత్తీస్ గఢ్ లోని జశ్ పుర్ జిల్లా పంద్రపుత్ గ్రామంలో పహాఢీ కోర్వా గిరిజన తెగకు చెందిన 12 ఏళ్ల దీపక్ రామ్ తన సోదరితో కలిసి ఆడుకుంటున్నాడు. అయితే ఇంటి పక్కనే ఆడుకుంటున్న వీరి వద్దకు అనుకోకుండా ఓ పాము వచ్చింది. ఒక్కసారిగా అతని చేతిపై కాటు వేసింది. దీంతో ఆగ్రహంతో ఊగిపోయిన దీపక్.. పారిపోతున్న పాము వెంట పడ్డాడు. అది పొదల్లోకి వెళ్లినా వదలకుండా అందులోకి దూరి మరీ పట్టుకున్నాడు. నన్నే కరుస్తావా అంటూ వెంటనే దాన్ని గట్టిగా కొరికేశాడు. దీంతో ఆ పాము అక్కడికక్కడే మృతి చెందింది. అయితే విషయం గుర్తించిన దీపక్ సోదరి.. అతడిని వెంటనే ఆస్పత్రికి తీసుకెళ్లింది. చికిత్స చేసిన వైద్యులు బాలుడికి ఎలాంటి ప్రాణాపాయం లేదని తెలిపారు. 

టర్కీలో కూడా ఇలాంటి ఘటనే - కాటేసిందని పామును కొరికేసిన రెండేళ్ల బాలిక

ఏడాది వయసు వరకు ఏడుపు, అలగడం, నవ్వడం వంటి రియాక్షన్లు మాత్రమే పిల్లల్లో కలుగుతాయి. పదిహేను నెలలు వచ్చే సరికి కోపం కూడా ప్రదర్శిస్తారు. ఇక రెండేళ్ల వయసుకు వారిలో చాలా ఎమోషన్స్ కలుగుతాయి. అంటే వయసు పెరుగుతున్న కొద్దీ పిల్లలకు శరీరంలోని హార్లోన్లు ఒక్కో రియాక్షన్‌ను పరిచయం చేస్తుంటాయి. అంతెందుకు రెండేళ్ల పిల్లలను ఎవరైనా సరదాగా కొట్టి చూడండి, చాలా మంది తిరిగి కొడతారు. అంతేకాదు రెండు మూడు సార్లు వారిపై విసుక్కుంటే మీ దగ్గరకు వచ్చేందుకు కూడా ఇష్టపడరు. పిల్లల్లోనూ ఎమోషన్స్ అధికమే. అలాగే కోపం కూడా. టర్కీలోని రెండేళ్ల పిల్ల తనను కాటేసినందుకు ఆ పాము పని పట్టేసింది. అసలేమైందంటే...

పాప పేరు సే. అసలు పేరేంటో తెలియదు కానీ, అందరూ ముద్దుగా సే అని పిలుచుకుంటారు. టర్కీలోని ఓ గ్రామంలో తల్లిదండ్రలతో కలిసి నివసిస్తోంది. ఇంటి వెనుక పెరడులో ఆడుకుంటోంది. ఈ లోపు ఏడుపు వినిపించాయి. పక్కింటి వారు వెంటనే తమ ఇంటి పెరడు నుంచి చూసే సరికి రెండేళ్లే సే పామును కొరికేసి ఏడుస్తోంది. వెంటనే తల్లిదండ్రులకు చెప్పడంతో వారు పాప నోట్లోంచి పామును తీసేశారు. ఆమె పెదవులపై పాము కాటేసిన గుర్తులు ఉన్నాయి. వెంటనే ఆసుపత్రికి తీసుకెళ్లి చికిత్స చేయిస్తే ప్రాణాపాయం తప్పింది. పాప ఆడుకుంటున్న చోటకి ఓ పాము వచ్చింది. పాప దాన్ని బొమ్మ అనుకుని చేత్తో పట్టుకుంది. అది కాస్త పెదాలపై కాటేయగానే చిట్టి పాపకు చాలా కోపం వచ్చేసింది. వెంటనే దాన్ని కొరికి చంపేసింది. కానీ అది విషపు పాము. వెంటనే చికిత్స అందడంతో పాప దక్కింది. 

తనను కాటేసిన వెంటనే పాప పామును చంపేసింది. సే చాలా చురుకుగా ఉంటుందని, ఎవరైనా తనను తిట్టినా, కొట్టినా ఊరుకోదని చెబుతోంది వాళ్లమ్మ. కానీ ఆసుపత్రికి తీసుకెళ్లడం ఆలస్యమైతే మాత్రం చిట్టితల్లి ప్రాణాలకు ప్రమాదం అయ్యేది. పామును చూసి ఆమె భయపడకపోవడం మాత్రం చాలా ఆశ్చర్యమేస్తోంది జనాలకి. ‘నా కూతురిని ఆ దేవుడే కాపాడాడు’ అంటున్నాడు చిన్నారి తండ్రి.