Crime News: రాత్రి గాఢ నిద్రలో, తెల్లవారి లేచే సరికి దారుణ హత్య - మహిళ మర్డర్ మిస్టరీ

Bengaluru: బెంగళూరులో ఓ మహిళ దారుణ హత్యకు గురైంది. రాత్రంతా గాఢ నిద్రలో ఉన్న మహిళ తెల్లవారి లేచే సరికి శవమై పడి ఉంది. భర్తే చంపేసి ఉంటాడని పోలీసులు అనుమానిస్తున్నారు.

బెంగళూరులో ఓ మహిళ దారుణ హత్యకు గురైంది. రాత్రంతా గాఢ నిద్రలో ఉన్న మహిళ తెల్లవారి లేచే సరికి శవమై పడి ఉంది. భర్తే చంపేసి ఉంటాడని పోలీసులు అనుమానిస్తున్నారు.

Source : Pixabay

Bengaluru Woman Killed: బెంగళూరులో దారుణ హత్య జరిగింది. ఓ మహిళ తన ఇంట్లోనే హత్యకు గురైంది. స్నేహితురాలు తెల్లవారి లేచి చూసే సరికి బాధితురాలు రక్తపు మడుగులో పడి ఉంది. ఈ నెల 27న అర్ధరాత్రి ఈ హత్య జరిగినట్టు పోలీసులు చెబుతున్నారు. భర్తే చంపి ఉంటాడని అనుమానిస్తున్నారు. ఇప్పటికే భర్తని కస్టడీలోకి తీసుకుని విచారిస్తున్నారు. పోలీసులు వెల్లడించిన వివరాల ప్రకారం..బాధితురాలి ఫ్రెండ్ ఫిర్యాదు చేసింది. ఆ రోజు ఉదయం ఫ్రెండ్‌కి కాల్ చేసి బాధితురాలు నవ్యశ్రీ మాట్లాడింది. భర్తతో తరచూ గొడవలు అవుతున్నాయని చెప్పింది. ఇంటికి వచ్చి తనతో ఉండాలని కోరింది.

అదే రోజు సాయంత్రం నవ్యశ్రీ ఇంటికి ఐశ్వర్య వెళ్లింది. ఆ తరవాత మరో వ్యక్తి అక్కడికి వచ్చాడు. ముగ్గురు కలిసి చాలా సేపు మాట్లాడుకున్నారు. చివరకు భర్తపై పోలీస్ కంప్లెయింట్ ఇవ్వాలని నిర్ణయించుకున్నారు. ఆ తరవాత బయటకు వెళ్లి రాత్రి 11.30 గంటలకు ఇంటికి వచ్చారు. నవ్యశ్రీ, ఐశ్వర్య ఇద్దరూ పడుకున్నారు. తెల్లవారి 6 గంటలకు నిద్ర లేచి చూసే సరికి నవ్యశ్రీ చనిపోయింది. వెంటనే పోలీసులకు సమాచారం అందించింది. అర్ధరాత్రి ఇంట్లోకి చొరబడి హత్య చేసి ఉంటాడని అనుమానిస్తున్నారు. విచారణ పూర్తయ్యాక అన్ని వివరాలూ వెలుగులోకి వచ్చే అవకాశముంది.