East Godvari News: వాటర్ డ్రమ్ముల్లో గంజాయి తరలింపు... చాకచక్యంగా పట్టుకున్న పోలీసులు... రూ.3.5 కోట్ల విలువైన గంజాయి స్వాధీనం

తూర్పుగోదావరి జిల్లాలో భారీగా గంజాయి పట్టుబడింది. వాటర్ డ్రమ్ముల్లో తరలిస్తున్న 3350 కేజీల గంజాయిని పోలీసులు చాకచక్యంగా పట్టుకున్నారు. దీని విలువ సుమారు రూ.3.5 కోట్లుగా అంచనా వేస్తున్నారు.

తూర్పుగోదావరి జిల్లాలో భారీగా గంజాయి పట్టివేత

తూర్పు గోదావరి జిల్లా పోలీసులు భారీ మొత్తంలో గంజాయి స్వాధీనం చేసుకున్నారు. జిల్లా ఎస్పీ ఎమ్. రవీంద్రనాథ్ బాబు తెలిపిన వివరాల ప్రకారం.. ఒడిశా సరిహద్దులో అల్లూరికోట నుంచి భారీ ఎత్తున గంజాయిని కూలీలతో రవాణా చేస్తున్నారన్న కచ్చితమైన సమాచారంతో గత రెండు రోజులుగా పోలీసులు నిఘా పెట్టారు. చింతూరు సబ్-డివిజన్ ఏఎస్పీ కృష్ణకాంత్ పర్యవేక్షణలో సీఐ యువకుమార్, మోతుగూడెం ఎస్సై వి.సత్తిబాబు శుక్రవారం చింతూరు మండలం మోతుగూడెం పోలీస్ స్టేషన్ ఎదురుగా చేపట్టారు. 

//భారీ మొత్తంలో గంజాయి స్వాధీనం చేసుకున్న తూర్పు గోదావరి జిల్లా పోలీసులు//

జిల్లా SP శ్రీ M. రవీంద్రనాథ్ బాబు గారి ద్వారా రాబడిన గంజాయి రవాణా సమాచారం ప్రకారం చింతూరు సబ్-డివిజన్ ASP శ్రీ G.కృష్ణకాంత్ పర్యవేక్షణలో చింతూరు CI శ్రీ యువకుమార్(1/3)@dgpapofficial @APPOLICE100 pic.twitter.com/jgg8nOWm8c

— East Godavari Police, Andhra Pradesh (@EGPOLICEAP) September 25, 2021

వాటర్ డ్రమ్ముల్లో గంజాయి 

వాహన తనిఖీలు నిర్వహిస్తుండగా లారీలో 500 లీటర్ల వాటర్ డ్రమ్ము్ల్లో గంజాయిని స్మగ్లింగ్ చేస్తున్నట్లు గుర్తించారు. నలుగురు వ్యక్తులను అరెస్టు చేసినారు. వారి వద్ద నుండి 3350 కే‌జీల గంజాయి, ఒక లారీ, ఒక బజాజ్ పల్సర్ మోటార్ సైకిల్, నాలుగు సెల్ ఫోన్ లను స్వాధీనం చేసుకున్నారు. స్వాధీన పరుచుకున్న గంజాయి విలువ సుమారు రూ.3 కోట్ల 50 లక్షలుగా గుర్తించారు. 

ఇద్దరు యూపీ, మరో ఇద్దరు ఏపీ 

అరెస్టైన వారిలో ఉత్తర్ ప్రదేశ్ కు చెందిన విశాల్ సింగ్, రింటు, చింతూరుకు చెందిన వంతల బాబూరావు, కిలో గోపాల్ రావు ఉన్నారు. పెద్ద మొత్తంలో తరలిస్తున్న గంజాయిని చాకచక్యంగా పట్టుకున్న చింతూరు  ఏఎస్పీ జి.కృష్ణకాంత్, చింతూరు సర్కిల్-ఇన్స్పెక్టర్ జి.యువకుమార్, మోతుగూడెం సబ్ ఇన్స్పెక్టర్ వి.సత్తిబాబు, వారి బృందాన్ని ఎస్పీ రవీంద్రనాథ్ బాబు అభినందించారు.

ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channelసబ్‌స్క్రైబ్‌ చేయండి