Gold-Silver Price: మీ నగరంలో పసిడి, వెండి రేట్లు ఇలా.. స్వల్పంగా పెరిగిన బంగారం

హైదరాబాద్‌ మార్కెట్‌లో బంగారం ధర గ్రాముకు రూ.1 చొప్పున పెరిగింది. 24 క్యారెట్ల ప్యూర్ బంగారం (99.99) ధర ప్రస్తుతం రూ.48,610 గా ఉంది.

బంగారం, వెండి ధరలు (ప్రతీకాత్మక చిత్రం)

భారత్‌లో బంగారం ధర వరుసగా ఈ రోజు (ఆగస్టు 30) కూడా పెరిగింది. గ్రాముకు అతి స్వల్పంగా రూ.1 చొప్పున పెరుగుదల కనిపించింది. దీంతో 22 క్యారెట్ల 10 గ్రాముల (తులం) బంగారం ధర, ఇవాళ భారత మార్కెట్‌లో రూ.46,660గా ఉంది. ఇక 24 క్యారెట్ల బంగారం ధర తాజాగా రూ.47,660 గా ఉంది. మొత్తానికి గత 10 రోజుల ధరలతో పోలిస్తే పసిడి ధర పెరిగింది.

భారత మార్కెట్‌లో బంగారం ధరలు పెరగ్గా.. వెండి ధర మాత్రం స్థిరంగా ఉంది. కానీ, హైదరాబాద్ మార్కెట్‌లోనూ వెండి నిలకడగానే ఉంది. తాజాగా భారత మార్కెట్‌లో కిలో వెండి ధర రూ.63,800గా కొనసాగుతోంది. హైదరాబాద్‌ మార్కెట్‌లో కిలో వెండి ధర కాస్త ఎక్కువగా రూ.68,700 ఉంది. ఆంధ్రప్రదేశ్, తెలంగాణలోని హైదరాబాద్, విశాఖపట్నం, విజయవాడ వంటి ముఖ్య నగరాల్లో ఆగస్టు 30న బంగారం, వెండి ధరలు ఇలా ఉన్నాయి.

తెలుగు రాష్ట్రాల్లో బంగారం, వెండి తాజా ధరలివీ..
హైదరాబాద్‌ మార్కెట్‌లో బంగారం ధర గ్రాముకు రూ.1 చొప్పున పెరిగింది. 24 క్యారెట్ల స్వచ్ఛమైన బంగారం (99.99) ధర ప్రస్తుతం రూ.48,610 గా ఉంది. 22 క్యారెట్ల బంగారం (91.6) ధర రూ.44,560 గా ఉంది. ఇక స్వచ్ఛమైన వెండి ధర హైదరాబాద్ మార్కెట్‌లో కిలో రూ.68,700 పలికింది.

ఇక విజయవాడలో 22 క్యారెట్ల ఆర్నమెంటు బంగారం ధర ఆగస్టు 30న గ్రాముకు రూ.1 పెరిగి రూ.44,560 కాగా.. 24 క్యారెట్ల బిస్కెట్ బంగారం ధర రూ.48,610గా ఉంది. ఇక్కడ కిలో వెండి ధర రూ.68,700గా ఉంది. విశాఖపట్నం పసిడి మార్కెట్‌లోనూ 22 క్యారెట్ల బంగారం ధర రూ.44,560 గానే ఉండగా.. 24 క్యారెట్ల బంగారం ధర రూ.48,610గా ఉంది. ఇక్కడ కూడా వెండి ధర కిలో హైదరాబాద్ తరహాలోనే రూ.68,700 పలుకుతోంది.

దేశంలోని వివిధ నగరాల్లో పసిడి ధర ఇలా..
దేశంలోని వివిధ నగరాలలో బంగారం ధరలు ఆగస్టు 30న ఇలా ఉన్నాయి. ముంబయిలో ఈరోజు 22 క్యారెట్ల ఆభరణాల బంగారం ధర రూ.46,660ఉండగా, 24 క్యారెట్ల బంగారం ధర రూ.47,660గా ఉంది. చెన్నైలో 22 క్యారెట్ల బంగారం ధర రూ.45,080 ఉండగా, 24 క్యారెట్ల బంగారం ధర రూ.49,180గా ఉంది.

ప్లాటినం ధరలో స్వల్ప తగ్గుదల
సంపన్నులు ఎక్కువగా ఆసక్తి చూపించే మరో విలువైన లోహం అయిన ప్లాటినం ధర హైదరాబాద్‌లో గ్రాము రూ.2,377గా ఉంది. ముందు రోజుతో పోలిస్తే ఈ ధర హైదరాబాద్‌లో నిలకడగా ఉంది. 10 గ్రాముల ప్లాటినం ధర ఇక్కడ రూ.23,770 గా ఉండగా.. విశాఖపట్నం, విజయవాడలో కూడా 10 గ్రాముల ప్లాటినం ధర అదే కొనసాగుతోంది.

వివిధ అంశాలపై పసిడి ధర
బంగారం ధరల్లో ప్రతిరోజూ మార్పు చేసుకుంటుండడం అనేది ప్రపంచవ్యాప్తంగా అనేక రకాల అంశాలపై ఆధారపడి ఉంటుంది. అంతర్జాతీయ మార్కెట్‌లో బంగారం ధరలు పెరగడం కూడా ఓ కారణం. అయితే, ఇలా గ్లోబల్ మార్కెట్‌లో పసిడి ధరలు పెరగడానికి కూడా మళ్లీ అనేక అంతర్జాతీయపరమైన కారణాలు ఉంటాయి. ద్రవ్యోల్బణం, సెంట్రల్ బ్యాంకు వద్ద బంగారం నిల్వలు, వడ్డీ రేట్ల పెరుగుదల లేదా తగ్గుదల, వివిధ జువెలరీ మార్కెట్లలో బంగారానికి వినియోగదారుల నుంచి ఉంటున్న డిమాండ్ వంటి ఎన్నో అంశాలు బంగారం ధరను ప్రభావితం చేస్తాయి.