7 సీటర్ కోసం చూస్తున్నారా.. Volkswagen Tayron పై రూ.1.50 లక్షలు ఆదా, 9 ఎయిర్ బ్యాగ్స్

ఫోక్స్‌వ్యాగన్ కొత్త 7-సీటర్ ఎస్‌యూవీ టైరాన్ (Volkswagen Tayron) పై డిస్కౌంట్ ప్రకటించారు. ఎక్స్ఛేంజ్, లాయల్టీ బోనస్ కలిపి 1.50 లక్షల వరకు డిస్కౌంట్ లభిస్తుంది.

ఫోక్స్‌వ్యాగన్ కొత్త 7 సీటర్ ఎస్‌యూవీ

Source : volkswagen

Show Quick Read

Key points generated by AI, verified by newsroom

• ఫోక్స్‌వ్యాగన్ టైరాన్‌పై రూ.1.50 లక్షల వరకు తగ్గింపు ఆఫర్.
• ఎక్స్ఛేంజ్, లాయల్టీ బోనస్‌ల ద్వారా వినియోగదారులు పొదుపు చేయవచ్చు.
• 2.0 లీటర్ టర్బో పెట్రోల్ ఇంజిన్, 4మోషన్ AWD సిస్టమ్.
• 9 ఎయిర్‌బ్యాగ్‌లు, 15 అంగుళాల టచ్‌స్క్రీన్ వంటివి ఉన్నాయి.

భారత్‌లో పండుగల సీజన్లో ఆటోమొబైల్ మార్కెట్‌లో పలు రకాల డిస్కౌంట్లు కనిపిస్తుంటాయి. మీరు ఏదైనా 7 సీటర్ SUV కొనాలని ప్లాన్ చేస్తున్నారా.. అయితే ఈ వార్త మీకోసమే. మీరు ఈ సెప్టెంబర్‌లో ఫోక్స్‌వ్యాగన్ టైరాన్ (Volkswagen Tayron) ఎస్‌యూవీని కొనుగోలు చేస్తే దాదాపు రూ.1.50 లక్షల వరకు ఆదా చేసుకోవచ్చు.

ఎర్టిగా, కియా కారెన్స్ లేదా టాటా సఫారీ వంటి కార్ల కంటే మెరుగైన ఒక లగ్జరీ, పవర్‌ఫుల్ జర్మనీ ఎస్‌యూవీని కొనడానికి తక్కువ బడ్జెట్ అవుతుంది. కంపెనీ ఈ కొత్త ఫ్లాగ్‌షిప్ 7 సీటర్ కారు విక్రయాలను పెంచడానికి డిస్కౌంట్ ఆఫర్ ప్రకటించింది. ఫోక్స్‌వ్యాగన్ టైరాన్‌పై మీకు డబ్బు ఆదా చేసే అవకాశాలపై ఇక్కడ తెలుసుకుందాం.

పొదుపు చేసే అవకాశం

ఫోక్స్‌వ్యాగన్ టైరాన్‌పై లభించే ఈ 1.50 లక్షల వరకు డిస్కౌంట్ ఆఫర్ అందిస్తోంది. కంపెనీ ఈ ఎస్‌యూవీపై ఎలాంటి నేరుగా క్యాష్ డిస్కౌంట్‌ ఇవ్వడం లేదు. అందుకు బదులుగా కస్టమర్లకు ఎక్స్ఛేంజ్ ఆఫర్, లాయల్టీ బోనస్ రూపంలో బిగ్ రిలీఫ్ ఇచ్చింది. మీ పాత కారును ఎక్స్ఛేంజ్ చేసి కొత్త ఫోక్స్ వ్యాగన్ టైరాన్‌ కొంటే కంపెనీ మీకు రూ. 1 లక్ష ఎక్స్ఛేంజ్ బోనస్‌ ఇస్తోంది. మీ పాత కారును స్క్రాప్ చేయాలని సెలక్ట్ చేసుకుటే, ఎక్స్ఛేంజ్ బోనస్ బదులుగా 20,000 స్క్రాపేజ్ బెనిఫిట్ లభిస్తుంది. 

ప్రస్తుత కస్టమర్లకు 50 వేల బోనస్

మీతో ఫోక్స్‌వ్యాగన్ కారు ఉండి, మీరు ఆ బ్రాండ్ కస్టమర్ అయితే మీకు 50,000 అదనపు లాయల్టీ బోనస్‌ ఇస్తోంది. రూ.1 లక్ష ఎక్స్ఛేంజ్ బోనస్, రూ. 50,000 లాయల్టీ బెనిఫిట్ కలిపి మొత్తంగా రూ.1.50 లక్షల వరకు ప్రయోజనం చేకూరుతుంది. 

ఈ ఆఫర్ ఫోక్స్‌వ్యాగన్ టైరాన్ లైఫ్, స్పోర్టీ ఆర్-లైన్ 2 ప్రధాన వేరియంట్లకు వర్తిస్తుంది. ఈ డిస్కౌంట్ తర్వాత 7 సీటర్ ఎస్‌యూవీ ధర భారీగా దిగొస్తుంది. 

2.0 లీటర్ టర్బో పెట్రోల్ ఇంజిన్

ఫోక్స్‌వ్యాగన్ టైరాన్ కేవలం లుక్స్, డిస్కౌంట్లలోనే కాకుండా పెర్ఫార్మెన్స్ విషయంలోనూ పవర్‌ఫుల్ కారు. ఇందులో కంపెనీకి చెందిన 2.0 లీటర్ TSI 4 సిలిండర్ టర్బో పెట్రోల్ ఇంజిన్ అందించారు. ఇది 201 BHP పవర్, 320 Nm టార్క్‌ను ఉత్పత్తి చేస్తుంది. ఈ ఇంజిన్‌ను 7 స్పీడ్ DSG డ్యూయల్-క్లచ్ ఆటోమేటిక్ గేర్‌బాక్స్‌తో కలిపారు. గుంతలు, గతుకుల రోడ్లు, ఆఫ్-రోడింగ్‌లో కారుకు మెరుగైన గ్రిప్ కోసం ఇందులో 4మోషన్ ఆల్-వీల్ డ్రైవ్ సిస్టమ్ ఇచ్చారు. 

9 ఎయిర్‌బ్యాగ్‌లు, 15 ఇంచుల టచ్‌స్క్రీన్

కారు లోపల లగ్జరీ కేబిన్ మిమ్మల్ని చాలా ఆకట్టుకుంటుంది. ఇందులో 15 అంగుళాల భారీ టచ్‌స్క్రీన్ ఇన్ఫోటైన్‌మెంట్ సిస్టమ్, 30 కలర్ యాంబియంట్ మూడ్ లైటింగ్, 10.25 అంగుళాల డిజిటల్ డ్రైవర్ డిస్‌ప్లే, పానోరమిక్ సన్‌రూఫ్, వెంటిలేటెడ్ విత్ మసాజ్ సీట్ల వంటి హైటెక్ ఫీచర్లు ఉన్నాయి.

సేఫ్టీ విషయంలో ఈ జర్మన్ కారు ఎలాంటి కాంప్రమైజ్ కాకుండా 9 ఎయిర్‌బ్యాగ్స్, 360 డిగ్రీ కెమెరా, ఎలక్ట్రానిక్ స్టెబిలిటీ కంట్రోల్, లెవెల్ 2 ADAS వంటి మోడ్రన్ సేఫ్టీ ఫీచర్లను ఇచ్చింది. అయితే, డిస్కౌంట్ మొత్తం సిటీ, డీలర్‌షిప్ పై ఆధారపడి ఉంటాయని గమనించాలి. పూర్తి సమాచారం కోసం, అవగాహన కోసం మీ సమీపంలోని షోరూమ్‌కు వెళ్లి వివరాలు కనుక్కోవడం మంచిది. 

 

మరిన్ని చదవండి

రూ.3 లక్షలు డౌన్ పేమెంట్‌తో Maruti Suzuki Invicto కొనుగోలు చేస్తే, EMI ఎంత కట్టాలి

రూ.2 లక్షలు చెల్లిస్తే Maruti Brezza Top Model కోసం ప్రతినెలా EMI ఎంత కట్టాలి