టీవీఎస్ కొత్త ఎలక్ట్రిక్ స్కూటర్ TVS Orbiter లాంచ్ - డిజైన్‌, స్పెక్స్‌ అదిరాయి - రేటు రూ.లక్ష కూడా లేదు!

TVS new electric scooter Orbiter: టీవీఎస్, కొత్త ఎలక్ట్రిక్ స్కూటర్ ఆర్బిటర్‌ను ఆగస్టు 28న విడుదల చేసింది. కంపెనీ దీనిలో అనేక అధునాతన ఫీచర్లను అందించింది.

టీవీఎస్ ఆర్బిటర్ ఫీచర్లు

Source : https://x.com/

TVS Orbiter Price, Range And Features In Telugu: టీవీఎస్ మోటార్‌, తన కొత్త ఎలక్ట్రిక్ స్కూటర్ టీవీఎస్ ఆర్బిటర్‌ను గురువారం నాడు (ఆగస్టు 28, 2025) లాంచ్‌ (TVS launch Orbiter electric scooter) చేసింది. ఈ స్కూటర్‌ లుక్‌ చాలా బాగుంది, దీని డిజైన్‌ అక్కినేని కీలుగుర్రాన్ని తలపిస్తోంది. టీవీఎస్‌ కంపెనీ, కొత్త ఆర్బిటర్‌లో అనేక ఆధునిక ఫీచర్లను అందించింది, మంచి రేంజ్‌ & బలమైన పనితీరును ప్రకటించింది. ఈ ఈ-స్కూటర్ ధర రూ. 99,900, ఇది కామన్‌ మ్యాన్‌ కొనుగోలు చేయగలిగిన రేంజ్‌లోనే ఉంది.

ఎంట్రీ లెవల్ ఈ-స్కూటర్
కంపెనీ ఇంకా పూర్తి స్థాయిలో అధికారిక సమాచారాన్ని పంచుకోలేదు, కానీ ఈ మోడల్ ఎంట్రీ లెవల్ ఎలక్ట్రిక్ స్కూటర్ అవుతుందని భావిస్తున్నారు. అంటే.. ఫీచర్లు & ధర పరంగా ఇది TVS iQube కంటే కాస్త తక్కువ రేంజ్‌లో ఉంటుంది.  మొదటిసారి కొత్త ఎలక్ట్రిక్ స్కూటర్ కొనాలనుకునే వాళ్లకు తక్కువ ధరలో & ప్రాక్టికల్ ఆప్షన్‌గా ఇది ఉంటుంది.

కొత్త TVS ఆర్బిటర్, అటు యువతకు & ఇటు ఫ్యామిలీలకు మంచి అర్బన్ ఎలక్ట్రిక్ స్కూటర్‌గా ఉంటుందని కంపెనీ విడుదల చేసిన ఇమేజ్‌లను బట్టి స్పష్టంగా తెలుస్తుంది. స్కూటర్‌ మొత్తం స్టైలింగ్ చాలా బాగుంది. పెద్ద LED లైట్లు, మంచి సైజ్‌లో విండ్‌స్క్రీన్, పెద్ద & కొంచెం వంపు తిరిగిన బాడీ ప్యానెల్స్‌ వంటి ఆధునిక డిజైనింగ్‌ కనిపిస్తోంది.

డిజైన్ iQube లాగానే ఉంది
డిజైన్ ప్రకారం, కొత్త స్కూటర్‌లోని చాలా ఎమిమెంట్స్‌ TVS iQube నుండి తీసుకున్ారు. లుక్ సన్నగా & సొగసైనదిగా ఉంది. ముందు భాగంలోని LED హెడ్‌ల్యాంప్ డేటైమ్ రన్నింగ్ లైట్లతో (DRLs)తో అనుసంధానమై ఉంటుంది. దీని లుక్ ఫ్యామిలీ స్కూటర్ లాగా ఉంటుంది కానీ iQube కంటే మరింత స్టైలిష్ & ఏరోడైనమిక్ డిజైన్‌తో వచ్చింది, యంగ్‌స్టర్స్‌ను ఆకర్షిస్తుంది.

ఈ స్కూటర్ బ్లూటూత్ ఇంటిగ్రేషన్‌కు సపోర్ట్‌ చేసే ఇన్‌స్ట్రుమెంట్ క్లస్టర్‌ను కలిగి ఉంది. క్రూయిజ్ కంట్రోల్, హిల్ హోల్డ్ ఫంక్షన్, రివర్స్ పార్కింగ్ అసిస్ట్ వంటి కొన్ని ఫ్యాన్సీ ఫీచర్లను కూడా టీవీఎస్ ఈ స్కూటర్‌లో అమర్చింది. USB ఛార్జింగ్, OTA అప్‌డేట్స్‌ & స్మార్ట్‌ఫోన్ అప్లికేషన్ ప్రామాణికంగా వస్తాయి.

రైడింగ్ రేంజ్‌
సింగిల్‌ ఛార్జ్‌లో ఈ స్కూటర్‌ 158 km రైడింగ్ రేంజ్‌ ఇస్తుందని కంపెనీ క్లెయిమ్ చేసింది. ఇది, ఎక్కువ బ్యాటరీ వేరియంట్‌లు కలిగి ఉన్న iQube వలె కాకుండా, 3.1kWh బ్యాటరీ ప్యాక్ ఎంపికలో మాత్రమే అందుబాటులో ఉంది. మొత్తం ఛార్జింగ్ సమయం & ఫాస్ట్‌ ఛార్జింగ్ వివరాలు ఇంకా వెల్లడికాలేదు. 

టీవీఎస్ ఆర్బిటర్ కోసం బుకింగ్స్‌ ఆన్‌లైన్‌లో ప్రారంభమయ్యాయి. ఈ బండిని ఆరు కలర్‌ స్కీమ్‌లలో విక్రయిస్తారు - నియాన్ సన్‌బర్స్ట్, స్ట్రాటోస్ బ్లూ, లూనార్ గ్రే, స్టెల్లార్ సిల్వర్, కాస్మిక్ టైటానియం & మార్టిన్ కాపర్. 

మార్కెట్‌లో, ఇది Ather Rizta తో పోటీ పడుతుంది.

మరిన్ని చదవండి

రెనాల్ట్ కిగర్ ఫేస్‌లిఫ్ట్ vs పాత మోడల్‌ - కొత్త SUVలో కొత్తగా ఏం వచ్చింది?