Essential Car Care Products: మీ కారు ఎప్పుడూ కొత్త దానిలా మెరిసిపోవాలా? అయితే మీ గ్యారేజీలో ఉండాల్సిన టాప్ 10 కార్ కేర్ ప్రొడక్ట్స్ ఇవే!

కారు షోరూమ్ కండిషన్‌లో ఉండాలంటే కేవలం సర్వీసింగ్ సరిపోదు. ఇంట్లోనే కారును నీట్‌గా ఉంచుకోవడానికి అవసరమైన పది ముఖ్యమైన వస్తువుల వివరాలు మీకోసం.

Car Polish

Source : x.com/RenaultIndia

Top 10 Essential Car Care Products: కొత్త కారు కొన్నప్పుడు ఉండే మెరుపును ఎక్కువ కాలం కాపాడుకోవడం ఒక పెద్ద సవాలు. వాహనం ఎప్పుడూ నీట్‌గా, షైనీగా కనిపించాలంటే కొన్ని ప్రత్యేకమైన 'కార్ కేర్' ఉత్పత్తుల గురించి అవగాహన ఉండాలి. ఇవి కారును శుభ్రంగా ఉంచడమే కాకుండా దాని రీసేల్ వాల్యూను కూడా పెంచుతాయి. ప్రతి కారు యజమాని వద్ద ఉండాల్సిన ఆ పది వస్తువులు ఇవే:

 మైక్రోఫైబర్ క్లాత్స్ (Microfibre Cloths):
సాధారణ బట్టలతో కారును తుడవడం వల్ల పెయింట్ మీద గీతలు (Scratches) పడతాయి. అందుకే మైక్రోఫైబర్ క్లాత్స్ వాడటం ఉత్తమం. ఇవి నీటిని బాగా పీల్చుకోవడమే కాకుండా ధూళిని సులభంగా తొలగిస్తాయి.

కార్ షాంపూ (Car Shampoo):
చాలామంది బట్టల సబ్బు లేదా డిష్ వాష్ వాడుతుంటారు, ఇది పెయింట్‌ను దెబ్బతీస్తుంది. పీహెచ్ (pH) బ్యాలెన్స్‌డ్ కార్ షాంపూలు మాత్రమే వాడాలి. ఇవి మురికిని వదిలిస్తూనే కారు రంగును కాపాడతాయి.

వాక్స్ పాలిష్ (Wax Polish):
కారు పెయింట్‌పై ఒక రక్షణ పొరలా వాక్స్ పనిచేస్తుంది. ఇది యూవీ కిరణాలు, కాలుష్యం నుండి వాహనాన్ని రక్షిస్తూ అద్దంలా మెరిసేలా చేస్తుంది.

మల్టీ-పర్పస్ లూబ్రికెంట్ (WD-40):
తుప్పు పట్టకుండా చూడటమే కాకుండా, బిగుసుకుపోయిన బోల్టులను లూజ్ చేయడానికి ఇది ఉపయోగపడుతుంది. డోర్ల నుండి వచ్చే కిర్రుమనే శబ్దాలను కూడా ఇది అరికడుతుంది.

విండ్‌స్క్రీన్ వాషర్ ఫ్లూయిడ్:
వైపర్ ట్యాంకులో సాధారణ నీటి బదులు డెడికేటెడ్ వాషర్ ఫ్లూయిడ్ పోయాలి. దీనివల్ల గ్లాస్ మీద నీటి చారలు పడవు, విజిబిలిటీ కూడా బాగుంటుంది.

డాష్‌బోర్డ్ ప్రొటెక్టెంట్:
ఎండలో కారు పార్క్ చేయడం వల్ల డాష్‌బోర్డ్ రంగు వెలిసిపోవడం లేదా పగుళ్లు రావడం జరుగుతుంది. ప్రొటెక్టెంట్ వాడటం వల్ల అది ఎప్పుడూ కొత్తదానిలా మెరుస్తూ ఉంటుంది.

ఎక్స్‌ట్రా ఇంజిన్ ఆయిల్, కూలెంట్:
అత్యవసర సమయాల్లో ఆయిల్ లెవల్స్ తగ్గినప్పుడు ఇవి ఎంతగానో ఉపయోగపడతాయి. ప్రయాణాల్లో ఉన్నప్పుడు మెకానిక్ షాపుల కోసం వెతకాల్సిన అవసరం ఉండదు.

కార్ కవర్ (Car Cover):
దుమ్ము, ధూళి, పక్షుల రెట్టల నుండి కారును రక్షించడానికి మంచి క్వాలిటీ కార్ కవర్ తప్పనిసరి. ఎక్కువ రోజులు కారును వాడనప్పుడు ఇది చాలా అవసరం.

స్క్రాచ్ రిమూవర్ (Scratch Remover):
మన రోడ్ల మీద వాహ‌నాల‌కు చిన్న చిన్న గీతలు పడటం సహజం. స్క్రాచ్ రిమూవర్ లేదా రబ్బింగ్ కాంపౌండ్ వాడి చిన్న చిన్న గీతలను ఇంట్లోనే మాయం చేయవచ్చు.

ఎయిర్ ఫ్రెషనర్ (Air Freshener):
కారు లోపల మంచి సువాసన ఉంటే ప్రయాణం ఆహ్లాదకరంగా సాగుతుంది. ముఖ్యంగా ఉక్కపోత ఎక్కువగా ఉండే వాతావరణంలో ఇది చాలా ముఖ్యం. ఈ పది ఉత్పత్తులు మీ వద్ద ఉంటే కారు మెయింటెనెన్స్ చాలా సులభం అవుతుంది. ఇండియాలో ఇవన్నీ సులభంగా దొరుకుతాయి. మీ కారును ప్రేమగా చూసుకుంటే అది కూడా మీకు లాంగ్ లైఫ్ ఇస్తుందని విశ్లేష‌కులు పేర్కొంటున్నారు. ఏదేమైనా మంచి మెయింటనెన్స్ ద్వారా దీర్ఘకాలికంగా కారు కొత్తదానిలా మెరిసిపోయేలా ఉంటుందని విశ్లేషకులు పేర్కొంటున్నారు.

మరిన్ని చదవండి

స్కోడా కొడియాక్ రీకాల్ : భద్రత విషయంలో రాజీ పడకూడదనే కంపెనీ నిర్ణయం!

మీ కార్ టైర్లలో గాలి తక్కువగా ఉందా? జాగ్రత్త.. మైలేజీతో పాటు సేఫ్టీ కూడా దెబ్బతినొచ్చు!