బైక్ మీద లాంగ్ డ్రైవ్ కు వెళ్తున్నారా? అయితే, తప్పకుండా ఈ జాగ్రత్తలు తీసుకోండి!

చాలా మంది యువతీ యువకులు లాంగ్ డ్రైవ్ కు వెళ్లేందుకు ఇష్టపడుతారు. అడ్వెంచర్స్ చేయడంతో పాటు ఆహ్లాదాన్ని పొందుతారు. అయితే, లాంగ్ డ్రైవ్ లో ఇబ్బందులు కలగకుండా ఉండాలంటే తగు జాగ్రత్తలు తీసుకోవాలి.

Photo Credit: Pixabay

ప్రస్తుత ఉరుకుల పరుగుల జీవితంలో కాస్త రిలాక్స్ అయ్యేందుకు చాలా మంది బైక్ లో లాంగ్ డ్రైవ్ ను ప్లాన్ చేస్తున్నారు. అయితే,  లాంగ్ రైడ్‌ సౌకర్యవంతంగా ఉండేందుకు కొన్ని జాగ్రత్తలు తప్పకుండా తీసుకోవాలి. అలా చేయడం మూలంగా  మీ ప్రయాణాన్ని మరింత ఆనందదాయకంగా మార్చుకోవచ్చు. ఇంతకీ అవేంటో ఇప్పుడు తెలుసుకుందాం.

1. సరైన బైక్‌ను ఎంచుకోవడం

చక్కటి లాంగ్ డ్రైవ్ కోసం సరైన బైక్ ను ఎంచుకోవడం చాలా ముఖ్యం. సౌకర్యవంతమైన సీటు, సర్దుబాటు చేయగల భాగాలు, సులభమైన నియంత్రణతో సుదూర ప్రయాణాల కోసం తయారు చేయబడిన బైక్‌ను ఎంచుకోవడం మంచిది. కచ్చితంగా ఖరీదైన వాహనంలోనే వెళ్లాలనే రూల్ ఏమీ లేదు.    

2. సరైన రైడింగ్ గేర్ ధరించండి

మంచి రైడింగ్ గేర్ మీ డ్రైవింగ్ సమయంలో మిమ్మల్ని సురక్షితంగా, సౌకర్యవంతంగా ఉంచుతుంది. ఇందుకోసం మరికొన్ని జాగ్రత్తలు తీసుకోవాలి. అవేంటంటే?

హెల్మెట్: సన్‌వైజర్‌తో కూడిన తేలికపాటి, బాగా వెంటిలేషన్ ఉండే హెల్మెట్‌ను తీసుకోవాలి.   

జాకెట్: లామినేటెడ్, గోరెటెక్స్ లైన్డ్ జాకెట్ లాంటి వాటర్‌ప్రూఫ్ జాకెట్ అనువైనది. ఇన్ బిల్ట్ వెంటిలేషన్ జిప్‌లు, ఫ్లాప్‌లతో అదనపు వెంటిలేషన్ అందించబడుతుంది.

గ్లోవ్స్: వైబ్రేషన్‌లను తగ్గించడానికి, మీ చేతులను రక్షించుకోవడానికి మంచి గ్లోవ్‌లను ఉపయోగించాలి. వాటిలో రెండు రకాలను ఎంచుకోండి. ఒకటి తడిగా, చల్లగా ఉండేలా. మరొకటి వేడిగా, పొడిగా ఉండేలా చూసుకోండి.

షూ: నాన్-స్లిప్ తో పాటు వాటర్‌ ప్రూఫ్ షూలను ఎంచుకోవడం మంచింది.   

3. హాయిగా కూర్చోండి

మీ బైక్‌పై కుడివైపు కూర్చోవడం వల్ల మీ రైడ్ మరింత హాయిగా కొనసాగుతోంది. మీ వీపును నిటారుగా రిలాక్స్ గా ఉండేలా చూసుకోండి. హ్యాండిల్‌బార్‌పై వదులుగా పట్టుకునే ప్రయత్నం చేయండి. మీ మోచేతులను కొద్దిగా వంచండి. మీ పాదాలు, మోకాలు, తుంటిని సహజంగా, రిలాక్ట్స్ డ్ గా ఉంచండి. ఎక్కువగా ప్రయణించే వారు రిలాక్స్డ్ పొజిషన్‌ను ఎంచుకోవడం మంచింది.   

4. తగిన విశ్రాంతి తీసుకోండి

లాంగ్ డ్రైవ్ లో తగినంత విశ్రాంతి అవసరం. విరామ సమయంలో మీ కాళ్లు, వీపు, చేతులను కదిలిస్తూ కొన్ని తేలికపాటి వ్యాయామాలు చేయడం మంచింది. మీరు అసౌకర్యానికి గురయ్యే ముందు ప్రతి గంటకు,  రెండు గంటలకు విశ్రాంతి తీసుకోవడం చాలా మంచిది.  

5. నీరు, ఆహారం తీసుకోండి

హైడ్రేటెడ్‌గా ఉండడం, సరిగ్గా తినడం వల్ల లాంగ్ డ్రైవ్ లో సౌకర్యవంతంగా ఉండగలుగుతారు. అందుకే తరుచుగా నీరు తాగాలి. మీ శక్తిని పెంచుకోవడానికి ఎనర్జీ బార్‌లు, గింజలు, పండ్ల వంటి స్నాక్స్ తినాలి, నిద్ర వచ్చేలా చేసే ఫుడ్ తీసుకోకపోవడం మంచిది.మీరు సుదీర్ఘ ప్రయాణంలో ఉన్నట్లయితే కాఫీ, రెడ్ బుల్‌ లాంటివి తీసుకోకపోవడం మంచిది. 

6. మీ బైక్‌ను సౌకర్యవంతంగా ఉండేలా చూసుకోండి 

లాంగ్ డ్రైవ్ కు వెళ్లే బైక్ ను సౌకర్యవంతంగా తయారు చేసుకోవడం మంచిది. సీటు సహా బైక్ కు సంబంధించిన ఇతర భాగాలు కంఫర్ట్ గా ఉండేలా చూసుకోవడం మంచింది.  చక్కటి అనుభూతిని కలిగించే లాంగ్ బైక్ రైడ్  చక్కగా ఉండేందుకు సరైన గేర్‌ని ఎంచుకోవడం, సౌకర్యవంతంగా కూర్చోవడం, విరామాలు తీసుకోవడం, మీ బైక్‌ను అవసరానికి అనుగుణంగా సర్దుబాటు చేసుకోవడం వల్ల ఉత్తేజకరమైన రైడ్ అనుభూతిని పొందే అవకాశం ఉంటుంది.