Tesla Launches Y Premium Variant: టెస్లా మోడల్ వై లైనప్ లో మార్పులు: కొత్త ప్రీమియం వేరియంట్ లాంచ్.. ధర ఏకంగా రూ. 10 లక్షలకు పైగా తగ్గింపు

టెస్లా ఇండియాలో సరికొత్త మోడల్ వై ప్రీమియం ఆర్ డబ్ల్యూడీ వెర్షన్ ను తక్కువ ధరకు లాంచ్ చేస్తూ పాత లాంగ్ రేంజ్ మోడల్ ను నిలిపివేసింది.

టెస్లా ఇండియా కార్

Source : x.com/YesWeCar1965

Show Quick Read

Key points generated by AI, verified by newsroom

• టెస్లా ఇండియా మోడల్ Y ప్రీమియం RWD కొత్త వేరియంట్‌ను విడుదల చేసింది.
• కొత్త మోడల్ ధర రూ. 50.89 లక్షలు, రూ. 10 లక్షల కంటే తగ్గింది.
• 16-అంగుళాల టచ్‌స్క్రీన్, 500 కి.మీ. రేంజ్‌తో ఈ కారు వస్తుంది.
• రూ. 39,990 EMI ఆప్షన్‌తో కారును సొంతం చేసుకోవచ్చు.

Tesla Launches New Model Y Premium Variant In India:  ప్రముఖ ఎలక్ట్రిక్ కార్ల తయారీ సంస్థ టెస్లా ఇండియా మార్కెట్లో తన మోడల్ వై (Model Y) లైనప్ ను అప్‌డేట్ చేసింది. కంపెనీ సరికొత్త 2026 మోడల్ వై ప్రీమియం ఆర్ డబ్ల్యూడీ (Premium RWD) ట్రిమ్‌ను మార్కెట్లోకి తీసుకొచ్చింది. ఇదే సమయంలో టాప్-స్పెక్ లాంగ్ రేంజ్ ప్రీమియం ఆర్ డబ్ల్యూడీ వేరియంట్ అమ్మకాలను నిలిపివేసింది. ఈ మార్పు వల్ల బేస్ మోడల్ ధర భారీగా తగ్గింది. నిలిపివేసిన పాత లాంగ్ రేంజ్ వెర్షన్ తో పోలిస్తే కొత్త వేరియంట్ ధర ఏకంగా రూ. 10 లక్షల కంటే ఎక్కువగా తగ్గడం విశేషం. సరికొత్త టెస్లా మోడల్ వై ప్రీమియం రేర్-వీల్ డ్రైవ్ ధరను రూ. 50.89 లక్షలుగా (ఎక్స్-షోరూమ్) కంపెనీ నిర్ణయించింది. 

రూ. 50.89 లక్షల ధరతో సరికొత్త ఎంట్రీ లెవెల్ కార్..

గతంలో అందుబాటులో ఉన్న లాంగ్ రేంజ్ ప్రీమియం ఆర్ డబ్ల్యూడీ వేరియంట్ ధర రూ. 67 లక్షల పైనే ఉండేది. ఇప్పుడు టెస్లా ఇండియాలో తన లైనప్ ను సింప్లిఫై చేస్తూ కేవలం రెండు వేరియంట్లను మాత్రమే విక్రయించనుంది. ఇందులో 5 సీట్ల కెపాసిటీ ఉన్న మోడల్ వై ప్రీమియం ఆర్ డబ్ల్యూడీ, అలాగే 6 సీట్లతో వచ్చే మోడల్ వై ఎల్ ప్రీమియం ఏడబ్ల్యూడీ (Model Y L Premium AWD) ఉన్నాయి. కొత్తగా వచ్చిన బేస్ మోడల్ వై ప్రీమియం కారు టెస్లా ఇండియా పోర్ట్‌ఫోలియోలోనే అత్యంత చౌకైనదిగా మారింది. ఇది బిగ్ సైజ్ మోడల్ వై ఎల్ కంటే రూ. 11.1 లక్షలు తక్కువ ధరకు లభిస్తుంది. ఈ సరికొత్త ఎలక్ట్రిక్ ఎస్‌యూవీ డెలివరీలు 2026 జూలై నుంచి స్టార్ట్ అవుతాయి.

బిగ్ టచ్‌స్క్రీన్ తో పాటు జెన్ గ్రే ఇంటీరియర్.. 

ఈ కొత్త ఈవీ క్యాబిన్ లోపల ఆల్-బ్లాక్ ఇంటీరియర్ థీమ్ తో పాటు అప్‌డేటెడ్ యూఐ (UI) కలిగిన పెద్ద 16-ఇంచ్ టచ్‌స్క్రీన్ ఇన్‌ఫోటైన్‌మెంట్ సిస్టమ్ ను అమర్చారు. స్టాండర్డ్ బ్లాక్ థీమ్ కాకుండా కస్టమర్ల కోసం 'జెన్ గ్రే' అనే సరికొత్త ఇంటీరియర్ కలర్ ఆప్షన్ ను కూడా టెస్లా ఆఫర్ చేస్తోంది. ఈ కారులో పవర్-ఫోల్డింగ్ సీట్లతో పాటు ఏకంగా 2138 లీటర్ల భారీ స్టోరేజ్ స్పేస్ దొరుకుతుంది. పర్ఫార్మెన్స్ పరంగా ఈ ఎలక్ట్రిక్ ఎస్‌యూవీ కేవలం 5.9 సెకన్లలోనే 0 నుంచి 100 కిలోమీటర్ల వేగాన్ని అందుకుంటుంది. సింగిల్ ఛార్జ్ పై ఇది గరిష్టంగా 500 కిలోమీటర్ల డ్రైవింగ్ రేంజ్ ఇస్తుందని కంపెనీ స్పష్టం చేసింది.

ఎక్కువ మంది చదివిన ఈ టాప్ ట్రెండింగ్‌లో వార్తలు మిస్ అవ్వొద్దు

1

2

3

రూ. 39,990 స్టార్టింగ్ ఈఎమ్‌ఐ ఆప్షన్.. 

ఈ కొత్త వేరియంట్ కొనుగోలుపై టెస్లా బెస్ట్ ఓనర్‌షిప్ బెనిఫిట్స్ ను అనౌన్స్ చేసింది. కస్టమర్లు రూ. 6 లక్షల డౌన్ పేమెంట్ చెల్లించి, నెలకు రూ. 39,990 స్టార్టింగ్ ఈఎమ్‌ఐ (EMI) ఆప్షన్ తో ఈ కారును సొంతం చేసుకోవచ్చు. ఇండియాలోని అన్ని రాష్ట్రాల్లో తమ 'హోమ్ ఛార్జింగ్ ప్రోగ్రామ్' యాక్టివ్ అయిందని, కస్టమర్లు తమ ఇళ్ల వద్దే ఈజీగా కారును ఛార్జ్ చేసుకోవచ్చని కంపెనీ ప్రతినిధి తెలిపాడు. ఈ బేస్ మోడల్ తో పాటు గత నెలలోనే లాంచ్ అయిన 6 సీట్ల మోడల్ వై ఎల్ వేరియంట్ కూడా అందుబాటులో ఉంటుంది. ఇది సింగిల్ ఛార్జ్ పై 681 కిలోమీటర్ల మైలేజ్ ఇస్తుంది. తక్కువ బడ్జెట్ లో టెస్లా కారు కొనాలనుకునే వారికి కొత్త మోడల్ బెస్ట్ ఆప్షన్ కానుంది.

మరిన్ని చదవండి

టాటా టియాగో ఫేస్‌లిఫ్ట్ రివ్యూ: కొత్త కారులో నచ్చే 5 అద్భుతమైన ఫీచర్లు.. నిరాశ పరిచే 3 మైనస్ పాయింట్లు

Tata Tiago EV 2026: 4.69 లక్షలకే టాటా ఈవీ కారు! కొత్త టియాగో రేంజ్ ఇతర ఫీచర్స్‌ ఇవే!