Tata Tiago 2026 Comprehensive Refresh Review: మరింత లగ్జరీగా టాటా టియాగో 2026 మోడల్.. సిటీ డ్రైవింగ్ కు పర్ఫెక్ట్ ఛాయిస్.. 6 ఎయిర్ బ్యాగ్స్ తో సేఫ్టీ, రివ్యూ వివ‌రాలు ఇవిగో..!

పదేళ్ల నుంచి మార్కెట్ లో ఉన్న టాటా టియాగో కార్ ను కంపెనీ సరికొత్త మోడ్రన్ ఫీచర్లు, అదిరిపోయే డిజైన్ తో 2026 అప్‌డేటెడ్ వెర్షన్ గా మార్కెట్ లోకి తెచ్చింది.

టాటా టియాగో కార్

Source : ABP Live

Tata Tiago 2026 Comprehensive Refresh Review With Petrol And CNG: టాటా మోటార్స్ తన మోస్ట్ సక్సెస్ ఫుల్ హ్యాచ్‌బ్యాక్ టియాగోను సరికొత్త అప్‌డేట్స్ తో 2026 వెర్షన్ గా మార్కెట్ లోకి తీసుకొచ్చింది. ప్రాక్టికాలిటీ, సేఫ్టీ, వాల్యూ ఫర్ మనీ అనే ఫార్ములాను కంటిన్యూ చేస్తూనే ఈ కార్ లుక్ ను పూర్తిగా మార్చేసింది. పాత మోడల్ తో పోలిస్తే కొత్త టియాగో చాలా షార్ప్ గా, మోడ్రన్ గా కనిపిస్తోంది. ఇందులో రీడిజైన్ చేసిన ఎల్ఈడీ హెడ్‌ల్యాంప్స్, ఇంటిగ్రేటెడ్ డేటైమ్ రన్నింగ్ ల్యాంప్స్, కొత్త గ్రిల్ డిజైన్ ఇచ్చారు. కార్ వెనుక వైపు కనెక్టెడ్ టెయిల్ ల్యాంప్ సెటప్ లాంటి లుక్ ను తీసుకొచ్చారు. అయితే మధ్యలో ఉన్న లైట్ బార్ వెలగదు, కేవలం డిజైన్ కోసం మాత్రమే ఇచ్చారు. టాప్ వేరియంట్లలో కొత్త అల్లాయ్ వీల్స్, డ్యూయల్ టోన్ రూఫ్ కార్ కు మరింత స్పోర్టీ లుక్ ఇస్తున్నాయి.

లగ్జరీ ఇంటీరియర్ ఫీచర్లు.. 

కార్ లోపలి భాగంలో డాష్ బోర్డ్ ను పూర్తిగా మార్చేసి సరికొత్త లేయర్డ్ డిజైన్ తో ఇచ్చారు. ఇందులో అమర్చిన 10.25 ఇంచుల టచ్ స్క్రీన్ ఇన్ఫోటైన్‌మెంట్ సిస్టమ్ సెంటర్ ఆఫ్ అట్రాక్షన్ గా నిలుస్తోంది. వైర్ లెస్ ఆండ్రాయిడ్ ఆటో, ఆపిల్ కార్ ప్లే, వైర్ లెస్ చార్జింగ్, ఆటోమేటిక్ క్లైమేట్ కంట్రోల్, రియర్ ఏసీ వెంట్స్ వంటి మోడ్రన్ ఫీచర్లు ఇందులో ఉన్నాయి. కొత్త డిజిటల్ ఇన్ స్ట్రుమెంట్ క్లస్టర్ ను కూడా యాడ్ చేశారు. కాకపోతే ఎండ ఎక్కువగా ఉన్నప్పుడు ఈ డిస్ప్లే లోని సమాచారం క్లియర్ గా కనిపించకపోవడం కొంచెం మైనస్ పాయింట్. కొన్ని చోట్ల ఫిట్ అండ్ ఫినిషింగ్ లో ప్యానెల్ గ్యాప్స్ కనిపిస్తున్నాయి.

సిక్స్ ఎయిర్ బ్యాగ్స్ తో సాలిడ్ సేఫ్టీ.. 

టాటా కార్లలో సేఫ్టీకి ఎప్పుడూ ఫస్ట్ ప్రయారిటీ ఉంటుంది. ఈ కొత్త టియాగో అన్ని వేరియంట్లలో సిక్స్ ఎయిర్ బ్యాగ్స్ ను స్టాండర్డ్ గా ఇచ్చారు. వీటితో పాటు ఈఎస్‌పీ, ట్రాక్షన్ కంట్రోల్, హిల్ హోల్డ్ అసిస్ట్ ఫీచర్లు ఉన్నాయి. మెకానికల్ గా చూస్తే ఇందులో పాత 1.2 లీటర్ త్రీ సిలిండర్ పెట్రోల్ ఇంజన్ నే వాడారు. ఇది పెట్రోల్ మోడ్ లో 86 పీఎస్, సీఎన్‌జీ మోడ్ లో 75.5 పీఎస్ పవర్ ఇస్తుంది. పెట్రోల్ వెర్షన్ లో క్రియేటివ్ ప్లస్ టాప్ వేరియంట్ వరకు ఫీచర్లు ఉండగా, సీఎన్‌జీ లో కేవలం క్రియేటివ్ వేరియంట్ వరకే ఇచ్చారు. ట్విన్ సిలిండర్ టెక్నాలజీ వల్ల సీఎన్‌జీ మోడల్ లో కూడా మంచి బూట్ స్పేస్ దొరుకుతుంది. పైగా సీఎన్‌జీ లో ఏఎంటీ గేర్‌బాక్స్ ఆప్షన్ కూడా ఉంది.

స్మూత్ రైడింగ్ ఎక్స్ పీరియన్స్.. 

సిటీ డ్రైవింగ్ కు, ట్రాఫిక్ లో వెళ్లడానికి ఈ కార్ పర్ఫెక్ట్ గా సూట్ అవుతుంది. రోడ్లపై ఉండే గుంతలను, గతుకులను ఈ కార్ సస్పెన్షన్ సిస్టమ్ చాలా ఈజీగా అబ్జార్బ్ చేసుకుంటుంది. హై స్పీడ్ లో వెళ్తున్నప్పుడు కూడా కార్ కంట్రోల్ తప్పకుండా మంచి కాన్ఫిడెన్స్ ఇస్తుంది. సీట్ల కంఫర్ట్ కూడా చాలా బాగుంది. కాకపోతే ఇంజన్ ను గట్టిగా పుష్ చేసినప్పుడు త్రీ సిలిండర్ నాయిస్ క్యాబిన్ లోకి కొంచెం ఎక్కువగా వస్తుంది. ధరల విషయానికి వస్తే టాటా మోటార్స్ అగ్రెసివ్ స్ట్రాటజీని ఫాలో అయింది. పెట్రోల్ రేంజ్ ఎక్స్ షోరూమ్ ధర రూ. 4.69 లక్షల నుంచి, సీఎన్‌జీ రేంజ్ ధర రూ. 5.99 లక్షల నుంచి స్టార్ట్ అవుతుంది. 

మరిన్ని చదవండి

ఢిల్లీలో దేశంలోనే తొలి E85 ఫ్యూయల్ స్టేషన్ ప్రారంభం! లీటర్ పెట్రోల్‌పై 20 రూపాయలు ఆదా!

ఒకసారి ఛార్జ్ చేస్తే హైదరాబాద్‌ నుంచి వైజాగ్ నాన్‌స్టాప్‌ ప్రయాణం! అత్యధిక రేంజ్ ఈవీ కారు తీసుకొచ్చిన మర్సిడెస్ బెంజ్!