Longest Range EV India 2026: ఒకసారి ఛార్జ్ చేస్తే హైదరాబాద్‌ నుంచి వైజాగ్ నాన్‌స్టాప్‌ ప్రయాణం! అత్యధిక రేంజ్ ఈవీ కారు తీసుకొచ్చిన మర్సిడెస్ బెంజ్!  

Longest Range EV : మర్సిడెస్ బెంజ్‌ CLA 250+ ఎలక్ట్రిక్ కారు 85kWh బ్యాటరీతో 792 కిలోమీటర్ల క్లెయిమ్డ్‌ రేంజ్ అందిస్తోంది. దీని వాస్తవ పనితీరు, టెక్నాలజీ, లాంగ్ డ్రైవ్ సామర్థ్యం గురించి స్పెషల్ స్టోరీ. 

మర్సిడెస్ బెంజ్ CLA 250+: ఒక్కసారి ఛార్జ్ చేస్తే హైదరాబాద్ నుంచి వైజాగ్ వరకు నాన్-స్టాప్ ప్రయాణం.

Source : Social Media

Show Quick Read

Key points generated by AI, verified by newsroom

• మెర్సిడెస్ బెంజ్ CLA 250+ లాంగ్ డ్రైవ్‌ల కోసం ప్రత్యేక ఈవీ.
• 85kWh బ్యాటరీ, అధునాతన టెక్నాలజీతో అధిక వాస్తవ రేంజ్.
• 272BHP మోటార్ స్పోర్ట్స్ కారు అనుభూతి, యువతకు ఆదర్శం.

Longest Range EV India 2026: భారత్ ఆటోమొబైల్ రంగంలో ఎలక్ట్రిక్ వాహనాలు జోరు పెరుగుతోంది. ఒకప్పుడు కేవలం నగరాల ప్రయాణాలకే పరిమితం అనుకున్న ఈవీలు, ఇప్పుడు లాంగ్ డ్రైవ్‌లకు సిద్ధమవుతున్నాయి. ఇందుకు లైవ్ ఎగ్జాంపుల్ మర్సిడెస్ బెంజ్ తీసుకొచ్చిన CLA 250+. పెట్రోల్‌, డీజిల్ ధరల భారం నుంచి ఉపశమనం కోరుకునే విలాసవంతమైన కార్ల ప్రియులకు ఇది ఒక గేమ్‌ ఛేంజర్‌కానుంది. 

కంపెనీ చెబుతుంది 792 కిలోమీటర్ల రేంజ్

మర్సిడెస్ బెంజ్‌ CLA 250+ కేవలం ఒక లగ్జరీ కారు మాత్రమే కాదు. ఇది ఇంజినీరింగ్ అద్భుతం. ఇందులో 85kWh సామర్థ్యం గల భారీ బ్యాటరీ ప్యాక్ అమర్చారు. కంపెనీ అధికారికంగా 792కిలోమీటర్ల రేంజ్ క్లెయిమ్ చేస్తున్నప్పటికీ భారతీయ రోడ్లు, ట్రాఫిక్ పరిస్థితుల్లో ఇది సులభంగా 550 నుంచి 600 కిలోమీటర్ల వాస్తవ రేంజ్ అందిస్తుంది. 

టెస్టులో అదిరిపోయే రిజల్ట్స్

సాధారణంగా ఈవీ రేంజ్ విషయంలో వినియోగదారుల్లో చాలా అనుమానాలు ఉన్నాయి. అయితే క్షేత్రస్థాయి పరీక్షల్లో ఈ కారు ఆశ్చర్యకరమైన ఫలితాలను ఇచ్చింది. బ్యాటరీ 84 శాతం ఉన్నప్పుడు కూడా డిస్‌ప్లే పై 530 కిలోమీటర్లు రేంజ్ కనిపించడం దీని సామర్థ్యానికి నిదర్శనం. అంటే మీరు హైదరాబాద్ నుంచి వైజాగ్ వెళ్లాలంటే ఎక్కడా ఛార్జింగ్ కోసం ఆగాల్సిన పని లేదు. 

టెక్నాలజీలోనూ అడ్వాన్స్డ్‌

కేవలం పెద్ద బ్యాటరీ ఉండటం వల్ల మాత్రమే ఎక్కువ రేంజ్ రావడం లేదు. దీని వెనుక మర్సిడెస్ వాడిన అత్యాధునిక టెక్నాలజీ ఉంది. ఈ కారు గాలిని చీల్చుకుంటూ వెళ్లేలా అత్యంత నునువుగా రూపొందించారు. దీని వల్ల డ్రాగ్ తగ్గి, బ్యాటరీ వినియోగం ఆదా అవుతుంది. 

బ్రేక్ వేసినా, యాక్సలరేటర్ నొక్కినా ఛార్జింగ్

సాధారణం ఈవీల్లో సింగిల్ స్పీడ్ గేర్ బాక్స్ ఉంటుంది. కానీ ఇందులో ఉన్న టూ స్పీడ్ గేర్ బాక్స్ హైవేలపై ప్రయాణించేటప్పుడు మోటార్‌ సామర్థ్యాన్ని పెంచి, పవర్‌ను ఆదా చేస్తుంది.  డ్రైవర్ యాక్సిలరేటర్ వదిలినప్పుడు లేదా బ్రేక్‌ వేసినప్పుడు బ్యాటరీ చార్జ్ అవుతుంది. ఇందులో ఉన్న ఎకో మోడ్‌ ఈ ప్రక్రియను మరింత సమర్థవంతంగా చేస్తుంది. 

నడుపుతుంటే స్పోర్ట్స్ కారు అనుభూతి

ఈ కారులో 272BHP శక్తిని సింగిల్ ఎలక్ట్రిక్ మోటార్ ఉంది. ఇది తక్షణ యాక్సిలరేషన్ అందిస్తుంది. దీని వల్ల స్పోర్ట్స్ కారును నడుపుతున్న అనుభూతి కలుగుతుంది. హ్యాండ్లిగ్ పరంగా కూడా ఇది చాలా కచ్చితత్వంతో ఉంటుంది. అయితే కొన్ని ప్రతికూలతు ఉన్నాయి. దీని రైడ్ క్వాలిటీ కఠినంగా ఉంది. అలాగే వెనుక సీట్లలో కూర్చునే వారికి స్పేస్ తక్కువగా ఉంది. కాబట్టి ఇది ఫ్యామిలీ కారు కంటే కూడా టెక్నాలజీ ఇష్టపడే స్వయంగా డ్రైవింగ్ చేసే యువతకు నచ్చుతుంది. 

యూత్‌కు బాగా కనెక్ట్ అవుతుంది

మీరు రోజూ ఆఫీస్‌కి వెళ్లడానికి లేదా అప్పుడప్పు లాంగ్ డ్రైవ్‌ కోసం ఈ కారు మంచి ఎంపిక,. నగరంలో వాడే వారికి నెలకు ఒకటి లేదా రెండుసార్లు ఛార్జింగ్ చేస్తే సరిపోతుంది. లాంగ్ డ్రైవ్ వెళ్లేటప్పుడు రేండ్ అంగ్జైటీ లేకుండా ప్రయాణించవచ్చు. 

మరిన్ని చదవండి

సింగిల్‌ ఛార్జ్‌తో 3 దేశాలకు నాన్‌స్టాప్‌ జర్నీ - ఈ కారు రేంజ్‌ తెలిస్తే మీరు అవాక్కవుతారు!

సముద్రం దాటకుండా భూమిపై నడిచే అతి పొడవైన దారి.. 16 దేశాల గుండా వెళ్లే రోడ్డు మార్గమిదే