170hp పవర్తో Tata Harrier, Safari పెట్రోల్ వేరియంట్లు ఎంట్రీ - కొత్త ఫీచర్లతో అల్లాడిస్తున్నాయిగా!
టాటా మోటార్స్.. హారియర్, సఫారి పెట్రోల్ వెర్షన్ల స్పెసిఫికేషన్స్, వేరియంట్లను వెల్లడించింది. 170hp ఇంజిన్, కొత్త అల్ట్రా ట్రిమ్స్, అదనపు ఫీచర్ల పూర్తి వివరాలు తెలుసుకోండి.
Tata SUV petrol variants: మన SUV మార్కెట్లో తమదైన గుర్తింపు సంపాదించుకున్న టాటా హారియర్, టాటా సఫారి.. ఇప్పుడు మరో కీలక అడుగు వేసాయి. ఇప్పటివరకు డీజిల్ ఇంజిన్తో మాత్రమే లభించిన ఈ రెండు SUVలను పెట్రోల్ ఇంజిన్ ఆప్షన్లో కూడా అందించనున్నట్లు టాటా మోటార్స్ అధికారికంగా వెల్లడించింది. ఈ పెట్రోల్ వెర్షన్లు ఇప్పటికే మార్కెట్లో ఉన్న డీజిల్ మోడళ్లతో పాటు విక్రయిస్తారు.
ధరలపై ఇంకా స్పష్టత ఇవ్వకపోయినా, పెట్రోల్ హారియర్, సఫారీల కోసం కొత్త ‘Ultra’ టాప్ ట్రిమ్స్ తీసుకురావడం ప్రత్యేక ఆకర్షణగా నిలుస్తోంది.
హారియర్, సఫారి పెట్రోల్ ఇంజిన్ వివరాలు
టాటా హారియర్, సఫారి పెట్రోల్ వెర్షన్లలో 1.5 లీటర్ హైపీరియన్ టర్బో పెట్రోల్ ఇంజిన్ అందిస్తున్నారు. ఈ ఇంజిన్ను టాటా మోటార్స్ స్వయంగా అభివృద్ధి చేసింది. ఇదే ఇంజిన్ తొలిసారిగా టాటా సియెర్రాలో కనిపించింది.
హారియర్, సఫారి పరిమాణంలో పెద్దవి, బరువు ఎక్కువ కావడంతో ఈ ఇంజిన్ను ప్రత్యేకంగా ట్యూన్ చేశారు. ఫలితంగా ఇది 170hp పవర్, 280Nm టార్క్ ఉత్పత్తి చేస్తుంది.
సియెర్రాతో పోలిస్తే ఇది 10hp, 25Nm ఎక్కువ పవర్ ఇస్తుంది. ఆసక్తికరంగా, పెట్రోల్ వెర్షన్ల పవర్ డీజిల్ వేరియంట్లతో సమానంగా ఉంది.
టాటా హారియర్ పెట్రోల్ వేరియంట్లు
పెట్రోల్ హారియర్ను టాటా ఏడు వేరియంట్లలో అందిస్తోంది: అవి Smart, Pure X, Adventure X, Adventure X+, Fearless X, Fearless X+ & కొత్తగా Fearless Ultra.
పెట్రోల్కు ప్రత్యేకమైన Fearless Ultra టాప్ ట్రిమ్లో ఎన్నో కొత్త ఫీచర్లు ఉన్నాయి.
- Samsung 14 ఇంచ్ టచ్స్క్రీన్ ఇన్ఫోటైన్మెంట్
- Dolby Atmos ఆడియో
- డిజిటల్ IRVMతో ఇన్బిల్ట్ డ్యాష్ క్యామ్
- వైట్, బ్రౌన్ డ్యూయల్ టోన్ ఇంటీరియర్
- ఆన్బోర్డ్ నావిగేషన్
- ORVM మెమరీ ఫంక్షన్
- రివర్సింగ్ కెమెరాలకు వాష్ ఫంక్షన్
- 65W టైప్-C ఛార్జింగ్ పోర్ట్
హారియర్ Dark, Stealth, Red Dark ఎడిషన్లలో కూడా లభిస్తుంది. కొన్ని డార్క్, స్టెల్త్ వేరియంట్లలో 19 ఇంచ్ అలాయ్ వీల్స్ అందిస్తున్నారు.
టాటా సఫారి పెట్రోల్ వేరియంట్లు
సఫారి పెట్రోల్ను Smart, Pure X, Adventure X, Adventure X+, Accomplished X, Accomplished X+ & కొత్తగా Accomplished Ultra వేరియంట్లో విక్రయిస్తారు.
Accomplished Ultraలో హారియర్ Fearless Ultraలో ఉన్న ఫీచర్లన్నీ ఉంటాయి. అయితే సఫారీలో గోల్డ్, వైట్ డ్యూయల్ టోన్ ఇంటీరియర్ ప్రత్యేక ఆకర్షణగా నిలుస్తుంది. సఫారి ఇప్పటికే 19 ఇంచ్ అలాయ్ వీల్స్తో వస్తుంది. ఇది కూడా Dark, Stealth, Red Dark ఎడిషన్లలో అందుబాటులో ఉంటుంది.
మొత్తం మీద
టాటా హారియర్, సఫారి పెట్రోల్ వెర్షన్లతో SUV మార్కెట్లో టాటా తన పరిధిని మరింత విస్తరించింది. పెట్రోల్ ఇంజిన్, అల్ట్రా ట్రిమ్స్, ప్రీమియం ఫీచర్లతో... ఈ రెండు SUVలు డీజిల్ను మాత్రమే కాకుండా, పెట్రోల్ను కోరుకునే వినియోగదారులకు కూడా బలమైన ఎంపికగా మారనున్నాయి. ధరలు వెల్లడైన తర్వాత మార్కెట్లో వీటి ప్రభావం మరింత స్పష్టంగా కనిపించనుంది.
ఇంకా ఇలాంటి ఆటోమొబైల్ వార్తలు & అప్డేట్స్ - "ABP దేశం" 'ఆటో' సెక్షన్ని ఫాలో అవ్వండి.
టాప్ హెడ్ లైన్స్
ట్రెండింగ్ వార్తలు
