Tata Aerisలో ఏ వేరియంట్ మీ బడ్జెట్‌కు సరిపోతుంది? వేరియంట్ల వారీగా ఫీచర్లు, ధరల వివరాలు
Tata Aerisలో 5 వేరియంట్లు ఉన్నాయి. Smart నుంచి Accomplished వరకు ధరలు, ఫీచర్లు, పెట్రోల్, CNG, MT, AMT ఎంపికల వివరాలు తెలుసుకోండి.
Tata Aeris variants, features and prices: టాటా మోటార్స్‌, కొత్త Aerisతో కాంపాక్ట్ సెడాన్ విభాగంలోకి మరోసారి బలమైన అడుగు వేసింది. ఇప్పటికే ఉన్న Tigor స్థానాన్ని ఈ కొత్త కారు భర్తీ చేసింది & రూ.5.29 లక్షల ప్రారంభ ఎక్స్-షోరూమ్ ధరతో అందుబాటులోకి వచ్చింది. టాటా మోటార్స్‌ మొత్తం ఐదు వేరియంట్లలో Aerisను మార్కెట్‌లోకి తీసుకొచ్చింది, అవి.. Smart, Pure, Pure+, Creative & Accomplished.
ఈ 5 వేరియంట్లలోనూ పెట్రోల్ & CNG ఇంజిన్ ఎంపికలు ఉన్నాయి. 5 స్పీడ్ MTతో పాటు 5 స్పీడ్ AMTను కూడా ఎంచుకోవచ్చు. మరి ఏ వేరియంట్‌లో ఏ ఫీచర్లు ఉన్నాయి? ఏ బడ్జెట్‌కు ఏది సరిపోతుంది?.
ఇంజిన్ & ధరలు
Aerisలో 1.2 లీటర్, 3 సిలిండర్ Revotron పెట్రోల్ ఇంజిన్ ఉంది. ఇది 86hp శక్తి & 113Nm టార్క్‌ను ఉత్పత్తి చేస్తుంది. CNG వెర్షన్‌లో ఇదే ఇంజిన్ 75.5hp శక్తి & 96.5Nm టార్క్‌ను అందిస్తుంది.
CNG మోడళ్లలో రెండు సిలిండర్ల వ్యవస్థను ఉపయోగించారు. వీటిని బూట్ ఫ్లోర్ కింద అమర్చారు. దీంతో CNG కారు అయినప్పటికీ సామాను పెట్టుకునే స్థలం కొంత వరకు ఉపయోగకరంగా ఉంటుంది.
బేస్ మోడల్‌ అయిన Smart వేరియంట్ ధర రూ.5.29 లక్షల నుంచి రూ.6.29 లక్షల వరకు ఉంటుంది. Pure ధర రూ.6.14 లక్షల నుంచి రూ.7.69 లక్షల వరకు ఉంది. Pure+ ధర రూ.6.74 లక్షల నుంచి రూ.8.29 లక్షల వరకు ఉంటుంది.
Creative ధర రూ.7.49 లక్షల నుంచి రూ.9.04 లక్షల వరకు ఉంటుంది. టాప్ వేరియంట్ Accomplished ధర రూ.8.19 లక్షల నుంచి రూ.9.74 లక్షల వరకు ఉంది. ఇవన్నీ ఎక్స్-షోరూమ్ ధరలు.
Smartలో ఏం ఉన్నాయి?
బేస్ Smart వేరియంట్‌లో హాలోజన్ హెడ్‌ల్యాంప్స్, హాలోజన్ టెయిల్‌ల్యాంప్స్ ఉన్నాయి. 14 అంగుళాల స్టీల్ వీల్స్ లభిస్తాయి. సెమీ డిజిటల్ ఇన్‌స్ట్రుమెంట్ క్లస్టర్, ఫ్యాబ్రిక్ సీట్లు, మాన్యువల్ AC ఉన్నాయి.
భద్రత కోసం 6 ఎయిర్‌బ్యాగ్స్, వెనుక పార్కింగ్ సెన్సార్లు, ISOFIX చైల్డ్ సీట్ యాంకరేజెస్ ఉన్నాయి. ABS, EBD, CSCతో పాటు ESP & ట్రాక్షన్ కంట్రోల్ కూడా ఉన్నాయి.
Pureలో అదనపు ఫీచర్లు
Pure వేరియంట్‌లో Smartలో ఇచ్చిన ఫీచర్లతో పాటు మరికొన్ని సౌకర్యాలు జత చేశారు. బ్లూటూత్‌తో కూడిన సెమీ డిజిటల్ ఇన్‌స్ట్రుమెంట్ క్లస్టర్, 2 స్పీకర్ల ఆడియో సిస్టమ్, స్టీరింగ్ మౌంటెడ్ ఆడియో కంట్రోల్స్ ఉన్నాయి.
నాలుగు పవర్ విండోస్, డ్రైవర్ సీటు ఎత్తు సర్దుబాటు, Type-A & Type-C ఛార్జింగ్ సాకెట్లు లభిస్తాయి. రియర్ డీఫాగర్, సెంట్రల్ లాకింగ్, ఎలక్ట్రికల్‌గా సర్దుకునే ORVMలు కూడా ఉన్నాయి.
Pure+లో మరింత టెక్నాలజీ
Pure+ వేరియంట్‌లో.. Pure వేరియంట్‌లో ఉన్న ఫీచర్లతో పాటు 8 అంగుళాల ఇన్ఫోటైన్‌మెంట్ టచ్‌స్క్రీన్ ఉంటుంది. వైర్‌లెస్ Android Auto & Apple CarPlay సపోర్ట్ లభిస్తుంది. 4 స్పీకర్ల ఆడియో సిస్టమ్ కూడా ఉంది.
రివర్స్ పార్కింగ్ కెమెరా, వెనుక AC వెంట్స్, 65W ఫ్రంట్ Type-C ఛార్జింగ్, క్రూయిజ్ కంట్రోల్ వంటి ఫీచర్లు వస్తాయి. ముందు & వెనుక సెంటర్ ఆర్మ్‌రెస్టులు, TPMS, హిల్ హోల్డ్ కంట్రోల్ కూడా ఉన్నాయి.
ఇది కూడా చదవండి: Suzuki e-Access వర్సెస్‌ Yamaha EC-06.. రేంజ్, స్పీడ్, ధరలో ఏ బండి ఎలా ఉంది?
Creativeలో ప్రీమియం ఫీచర్లు
Creative వేరియంట్ నుంచి Aeris మరింత ప్రీమియంగా మారుతుంది. పైన చెప్పిన 3 వేరియంట్ల ఫీచర్లతో పాటు ఆటో LED హెడ్‌ల్యాంప్స్, LED DRLs, LED ఫాగ్ ల్యాంప్స్ & LED టెయిల్‌ల్యాంప్స్ ఉన్నాయి. ఆటో ఫోల్డింగ్ ORVMలు కూడా లభిస్తాయి.
పెట్రోల్ మోడళ్లలో 15 అంగుళాల అల్లాయ్ వీల్స్ ఉన్నాయి. 10.25 అంగుళాల ఇన్ఫోటైన్‌మెంట్ టచ్‌స్క్రీన్, కనెక్టెడ్ కార్ టెక్నాలజీ, 360 డిగ్రీ కెమెరా అందుబాటులో ఉన్నాయి.
ఆటోమేటిక్ క్లైమేట్ కంట్రోల్, కూల్డ్ గ్లోవ్‌బాక్స్, రెయిన్ సెన్సింగ్ వైపర్లు కూడా ఉన్నాయి. డ్యూయల్ టోన్ రూఫ్ ఈ వేరియంట్‌కు అదనపు ఆకర్షణ.
Accomplishedలో టాప్ ఫీచర్లు
టాప్ వేరియంట్ Accomplished లో.. పైన వివరించిన అన్ని ఫీచర్లతో పాటు ముందు సీట్లకు వెంటిలేషన్ సదుపాయం, వైర్‌లెస్ ఫోన్ ఛార్జర్, రెండు ట్వీటర్లు, లెదరెట్ సీట్లు & ఆర్మ్‌రెస్టులు ఉన్నాయి.
వెనుక ప్రయాణికుల కోసం 65W Type-C ఛార్జర్ ఇచ్చారు. 360 డిగ్రీ కెమెరా ఫీడ్‌ను ఉపయోగించే డ్యాష్‌క్యామ్ రికార్డర్ కూడా ఉంది. క్రోమ్ డోర్ హ్యాండిల్స్, క్రోమ్ వెయిస్ట్‌లైన్ డీటెయిలింగ్ & మ్యాగజైన్ పాకెట్స్ వంటి అదనపు ఫీచర్లు ఉన్నాయి.
ఏ వేరియంట్ తీసుకోవాలి?
బడ్జెట్‌ను ప్రధానంగా చూస్తే, Pure+ వేరియంట్‌లో అవసరమైన ఫీచర్లు చాలా వరకు లభిస్తాయి. 8 అంగుళాల టచ్‌స్క్రీన్, వైర్‌లెస్ కనెక్టివిటీ, రివర్స్ కెమెరా, క్రూయిజ్ కంట్రోల్ వంటి ఫీచర్లు ఇందులో ఉన్నాయి.
మరింత ప్రీమియం ఫీచర్లు కావాలంటే Creative వేరియంట్‌ను పరిశీలించవచ్చు. 10.25 అంగుళాల టచ్‌స్క్రీన్, 360 డిగ్రీ కెమెరా, కనెక్టెడ్ కార్ టెక్నాలజీ, ఆటోమేటిక్ క్లైమేట్ కంట్రోల్ వంటి ఫీచర్లు ఇందులో లభిస్తాయి.
టాప్ Accomplishedలో వెంటిలేటెడ్ సీట్లు, వైర్‌లెస్ ఛార్జర్ & డ్యాష్‌క్యామ్ వంటి అదనపు సౌకర్యాలు ఉన్నాయి. అయితే ఈ ఫీచర్లు అవసరం లేని వారికి Creativeతోనే మంచి ప్యాకేజీ లభిస్తుంది.
ఇది కూడా చదవండి: పెట్రోల్, CNG వెర్షన్లు, 5 వేరియంట్లలో Tata Aeris లాంచ్‌.. ధరలు, ఆధునిక ఫీచర్లు ఇవే
ఇంకా ఇలాంటి ఆటోమొబైల్‌ వార్తలు & అప్‌డేట్స్‌ కోసం "ABP దేశం" 'ఆటో' సెక్షన్‌ని ఫాలో అవ్వండి.
టాప్ హెడ్ లైన్స్
ట్రెండింగ్ వార్తలు
