ఆటో మార్కెట్లోకి కొత్త ఎలక్ట్రిక్ కారు Suzuki E Sky Electric.. రేంజ్, ఫీచర్లు పూర్తి వివరాలు

Suzuki E Sky Electric Car | సుజుకి కంపెనీ జపాన్‌ మార్కెట్లోకి తన మొదటి ఎలక్ట్రిక్ కారు e SKY ని తీసుకొచ్చింది. ఈ కారు 310 కి.మీ రేంజ్, BYD బ్యాటరీతో ఎంట్రీ ఇచ్చింది. 

ఆటో మార్కెట్లోకి కొత్త ఎలక్ట్రిక్ కారు Suzuki E Sky Electric

Source : Suzuki

Show Quick Read

Key points generated by AI, verified by newsroom

• భారత్‌లో బడ్జెట్ ఈవీ విభాగంలోకి వచ్చే అవకాశం.

ప్రపంచ వ్యాప్తంగా ఎలక్ట్రిక్ వాహనాల విక్రయాలు రోజురోజుకూ పెరుగుతున్నాయి. భవిష్యత్తులో EV వాహనాలు మాత్రమే రోడ్లపై పరుగులు పెట్టే రోజులు వచ్చేలా ఉన్నాయి. భారత్, విదేశాలలో సైతం ఎలక్ట్రిక్ వాహనాలకు డిమాండ్ బాగా పెరుగుతోంది. అన్ని ఆటోమొబైల్ కంపెనీలు తమ ఎలక్ట్రిక్ వాహనాలపై ఫోకస్ చేస్తున్నాయి. రేంజ్ ఎక్కువ, తక్కువ అనేది లేకుండా ఫస్ట్ ఈవీ విభాగంలోకి ఎంట్రీ ఇస్తున్నాయి. ఈ క్రమంలో కొత్త ఎలక్ట్రిక్ కారు లాంచ్ అయి హాట్ టాపిక్ అవుతోంది. సుజుకి కంసెనీ జపాన్‌లో సుజుకి ఈ స్కై (Suzuki E SKY)ని లాంచ్ చేసింది. సుజుకి కారు చూడటానికి ఎంతో స్టైలిష్‌గా ఉండటమే కాకుండా, దీని ఫీచర్లు యువతకు, కొత్తగా కార్లు కొనేవారికి బాగా నచ్చుతాయని భావిస్తున్నారు. కస్టమర్లకు ఒక చౌకైన, బెస్ట్ ఎలక్ట్రిక్ ఎంపికను అందించడమే కంపెనీ ఉద్దేశ్యం. 

జపాన్ మార్కెట్లో లాంచ్ అయిన కారు

సుజుకి తన ఈ కొత్త మినీ ఎలక్ట్రిక్ కారు సుజుకీ ఈ స్కై మోడల్ జపాన్ మార్కెట్లోకి తీసుకొచ్చింది. అంతకుముందు ఈ కారును కంపెనీ కేవలం ఒక కాన్సెప్ట్ మోడల్‌గా తీసుకువచ్చింది. దీనికి  విశేష ఆదరణ లభించడంతో సుజుకి ఈ కాన్సెప్ట్‌ను వాస్తవరూపంలోకి తేవాలని నిర్ణయించుకుంది. అది ఇప్పుడు కార్యరూపం దాల్చి రోడ్లపై పరుగులు పెట్టేందుకు సిద్ధంగా ఉంది. 

 నవంబర్ 16 నుంచి Suzuki E Sky ఈవీ కారు విక్రయాలు ప్రారంభమవుతాయి. దీనికోసం జపాన్‌లో కస్టమర్లు ఆసక్తిగా ఎదురుచూస్తున్నారు. ఈ కారును భారత్‌కు లేదా ఇతర దేశాలకు ఎప్పుడు తీసుకువస్తారా అని చర్చ జరుగుతోంది. నిపుణుల అభిప్రాయం ప్రకారం, ఒకవేళ ఈ కారును భారత్‌లో లాంచ్ చేస్తే, ఇక్కడి బడ్జెట్ విభాగంలోని కస్టమర్లను త్వరగా ఆకర్షించనుంది. 

310 కి.మీ రేంజ్ ఇవ్వనున్న సుజుకీ ఈవీ

ఈ చిన్న సుజుకీ కారు తన విభాగం పరంగా ఎంతో పవర్‌ఫుల్ బ్యాటరీ ప్యాక్‌తో వస్తుంది. ఇది సింగిల్ ఛార్జ్‌పై మంచి పనితీరుతో ఆకట్టుకుంది. ఈ ఎలక్ట్రిక్ కారు ఒక్కసారి పూర్తిగా ఛార్జ్ అయితే దాదాపు 310 కిలోమీటర్ల వరకు రేంజ్‌ను ఇస్తుందని సుజుకీ తెలిపింది. రోజూ ఆఫీసుకు వెళ్లేవారు, సమీపంలో ఉన్న టౌన్, గ్రామాలకు వెళ్లే వారికి ఉపయోగపడుతుంది. సిటీలో రోజు బిజినెస్, ఆఫీసుకు వెళ్లే వారికి సైతం సరిగ్గా సరిపోతుంది. రోజులోనే పదే పదే ఛార్జింగ్ చేయాల్సిన అవసరం ఉండదు. ఈ కారులో ఫాస్ట్ ఛార్జింగ్ సపోర్ట్ ఇవ్వనున్నారు. దాంతో చాలా తక్కువ సమయంలో బ్యాటరీని సులభంగా ఛార్జింగ్ చేసుకోవచ్చు. 

5 సీటర్ ఈవీ కారు

ఈ కొత్త సుజుకీ ఎలక్ట్రిక్ కారు డిజైన్ చాలా మోడ్రన్, ఫ్యూచరిస్టిక్‌గా ఉంటుంది. కాంపాక్ట్ సైజ్ అయినప్పటికీ, లోపల క్యాబిన్‌ విశాలంగా, ప్రయాణంలో సౌకర్యవంతంగా ఉండేలా డిజైన్ చేశారు. చిన్న కుటుంబం జర్నీకి ఈ కారు సరిపోతుంది. కారులో 5 మంది సులభంగా ప్రయాణించవచ్చు. కారు డాష్‌బోర్డ్‌పై డిజిటల్ డ్రైవర్ డిస్‌ప్లే, ఆధునిక టచ్‌స్క్రీన్ ఇన్ఫోటైన్‌మెంట్ సిస్టమ్, స్మార్ట్‌ఫోన్ కనెక్టివిటీ, ఆటోమేటిక్ క్లైమేట్ కంట్రోల్ లభిస్తాయి. మీ ప్రయాణాన్ని సురక్షితంగా మార్చేందుకు సేఫ్టీ ఫీచర్లు ఉన్నాయి. 

భారత మార్కెట్ అంచనాలు

ప్రస్తుతానికి సుజుకి ఈ కొత్త ఎలక్ట్రిక్ కారు జపాన్ మార్కెట్లో లాంచ్ చేసింది. వచ్చే నెలలో విక్రయాలు మొదలవుతాయి. అక్కడ సక్సెస్ అయితే వెంటనే భారత మార్కెట్‌ను టార్గెట్ చేస్తారు.  ఎంట్రీ-లెవెల్ ఎలక్ట్రిక్ కార్లకు డిమాండ్ పెరుగుతున్న సమయంలో ఈ 5 సీటర్ ఈవీ కారు భారత మార్కెట్లో అంచనాలు అందుకుంటుని కంపెనీ భావిస్తోంది. సుజుకీ కంపెనీ భవిష్యత్తులో ఎలక్ట్రిక్ కార్లపై ఎక్కువగా ఫోకస్ చేయనుందని తెలుస్తోంది. 

 

మరిన్ని చదవండి

రాయల్ లుక్ & అడ్వాన్డ్స్‌ టెక్నాలజీతో Honda Elevate Facelift లాంచ్‌.. నెలకు రూ.16,000 EMIతో కొనేయవచ్చు!

యూత్ ఇష్టపడే Pulsar Bikes పై భారీ డిస్కౌంట్.. డౌన్‌పేమెంట్, నెలవారీ EMI వివరాలు