Creta లేదా కొత్త Duster? ధర, ఫీచర్లు, మైలేజ్ పరంగా ఏది బెస్ట్ ? తెలుసుకున్నాకే కొనండి
Renault Duster 2026 | ఇటీవల లాంచ్ అయిన రెనాల్డ్ డస్టర్ ఎస్యూవీ కొత్త ప్లాట్ఫామ్పై వచ్చింది. ఇది Hyundai Cretaకు నేరుగా పోటీ ఇస్తుంది. ఈ SUVల ధర, ఇంజిన్, ఫీచర్లు, సేఫ్టీ ఫీచర్లు ఇక్కడ తెలుసుకోండి.
భారత ఆటో మార్కెట్లో SUVలకు డిమాండ్ పెరుగుతోంది. భారత మార్కెట్లో Hyundai Creta చాలా కాలం నుంచి కస్టమర్ల బెస్ట్ ఛాయిస్గా ఉంది. అయితే Renault Duster 2026 న్యూ లుక్, ఫీచర్లతో మార్కెట్లోకి రీఎంట్రీ వచ్చింది. ఈసారి Duster కేవలం స్ట్రాంగ్ బాడీతో మాత్రమే కాకుండా, కొత్త టెక్నాలజీ, హైబ్రిడ్ ఇంజిన్ సహా ADAS వంటి ఫీచర్లతో వచ్చింది. ఈ రెండు SUVలు దాదాపు ఒకే రకమైన కస్టమర్ల కోసం రూపొందాయి. హ్యుందాయ్ Creta సిటీలో సౌకర్యవంతమైన డ్రైవ్, ఎక్కువ ఫీచర్లు, అనేక ఆప్షన్లను అందిస్తుంది. అదే సమయంలో కొత్త రెనాల్ట్ Duster స్ట్రాంగ్ బాడీ, ఎక్కువ గ్రౌండ్ క్లియరెన్స్, గతుకుల రోడ్లపై మెరుగ్గా ప్రయాణం సాగిస్తుంది. అయితే ఈ రెండు SUVలలో మీకు ఏది బెస్ట్ ? ఇక్కడ వివరంగా తెలుసుకుందాం.
ధర, ఇంజిన్
Hyundai Creta: దీని ధర సుమారు ₹10.79 లక్షల నుండి ప్రారంభమై గరిష్టంగా ₹20.20 లక్షల వరకు ఉంటుంది. ఇందులో పెట్రోల్, డీజిల్, టర్బో ఇంజిన్లతో పాటు అనేక ఆప్షన్లు అందుబాటులో ఉన్నాయి.
Renault Duster 2026: రెనాల్ట్ డస్టర్ ధర ₹10.29 లక్షలకు మొదలై టాప్ మోడల్ ₹18.49 లక్షల వరకు ఉంటుంది. ఇది హ్యుందాయ్ Creta కంటే కొంచెం తక్కువ ధరకే లభిస్తుంది.
ఇంజిన్ సామర్థ్యం: ఇంజిన్ విషయానికి వస్తే హ్యుందాయ్ Cretaలో 1.5 లీటర్ పెట్రోల్, డీజిల్, టర్బో పెట్రోల్ వంటి ఎక్కువ ఆప్షన్లు ఉన్నాయి. అయితే రెనల్ట్ Duster 2026 కేవలం పెట్రోల్ ఇంజిన్తోనే వచ్చింది.కానీ ఇందులో 1.0, 1.3, 1.8 లీటర్ టర్బో ఇంజిన్లతో పాటు హైబ్రిడ్ ఆప్షన్ కూడా ఇచ్చారు.
ఫీచర్లు, సేఫ్టీలో ఏది బెస్ట్
ఫీచర్ల విషయానికి వస్తే Hyundai Creta ఎప్పుడూ ముందుంటుంది. ఇందులో పనోరమిక్ సన్రూఫ్, కనెక్టెడ్ కార్ టెక్నాలజీతో పాటు వైర్లెస్ కనెక్టివిటీ వంటి ఫీచర్లు ఉన్నాయి. అయితే Renault Duster 2026 మార్కెట్లోకి రావడంతో పోటీ మొదలైంది. ఈ ఎస్యూవీ సైతం బెస్ట్ ఫీచర్లతో విడుదలైంది.
కొత్త రెనాల్ట్ Dusterలో 10.1 అంగుళాల టచ్స్క్రీన్, 10.25 అంగుళాల డిజిటల్ డిస్ప్లే, వైర్లెస్ ఛార్జింగ్, వెంటిలేటెడ్ సీట్లు ఉన్నాయి. ఇందులో గూగుల్ ఆధారిత కనెక్టెడ్ సిస్టమ్ కూడా లభించవచ్చు. సేఫ్టీ విషయంలో రెండు SUVలు ఇప్పుడు దాదాపు సమానంగా ఉన్నాయి. హ్యుందాయ్ Cretaలో 70కి పైగా సేఫ్టీ ఫీచర్లు, లెవల్-2 ADAS ఉన్నాయి. మరోవైపు, రెనాల్ట్ Dusterలో 6 ఎయిర్బ్యాగ్లు, 360 డిగ్రీ కెమెరా, అడాప్టివ్ క్రూయిజ్ కంట్రోల్, లేన్ అసిస్ట్ వంటి అనేక ADAS ఫీచర్లు అందించారు.
ఏది కొంటే బెటర్?
మీరు సిటీలో సౌకర్యవంతంగా ఉంటూ, ఎక్కువ ఫీచర్లు, పలు రకాల ఇంజిన్ ఆప్షన్లు కావాలనుకుంటే Hyundai Creta మంచి ఛాయిస్ అవుతుంది. మీకు స్ట్రాంగ్ బాడీ, ఎక్కువ గ్రౌండ్ క్లియరెన్స్, అన్ని రకాల రోడ్లపై (Off-road) ప్రయాణించే SUV కావాలనుకుంటే మాత్రం Renault Duster 2026 మీకు సరైన ఆప్షన్ కావచ్చు. కొనే ముందు వీటి వివరాలతో పాటు ధర, ఫైనాన్స్ అంశాలను పూర్తిగా తెలుసుకున్నాక కొనడం మంచిది.
టాప్ హెడ్ లైన్స్
ట్రెండింగ్ వార్తలు
