Toyota Glanza 2022: కొత్త గ్లాంజా వచ్చేసింది - రూ.6.4 లక్షల్లోనే ప్రీమియం ఫీచర్లు - ఎలా ఉందో చూసేయండి!

ప్రముఖ ఆటోమొబైల్ కంపెనీ టొయోటా తన కొత్త కారును మార్కెట్లో లాంచ్ చేసింది. అదే 2022 టొయోటా గ్లాంజా.

2022 టొయోటా గ్లాంజా కారు మనదేశంలో లాంచ్ అయింది.

టొయోటా గ్లాంజా కొత్త వేరియంట్‌ను మార్కెట్లో లాంచ్ చేసింది. దీని ధర దాదాపుగా బలెనో రేంజ్‌లోనే ఉంది. ఇప్పుడు వచ్చిన గ్లాంజా ఇంతకు ముందు వెర్షన్ల కంటే స్టైలిష్ లుక్‌తో ప్రీమియం ఫీచర్లతో లాంచ్ అయింది. దీని ముందువైపు లుక్ పూర్తిగా మారిపోయింది. కామ్రీ ప్లస్ తరహాలో కొత్త లుక్ ఉన్న బంపర్‌ను ఇందులో అందించారు. దీని డీఆర్ఎల్ సిగ్నేచర్ కూడా కొత్తగా ఉంది.

దీని లుక్ కూడా మరింత అగ్రెసివ్‌గా ఉంది. ఇందులో కొత్త డ్యాష్ బోర్డును అందంచారు. ఇంతకుముందు వచ్చిన గ్లాంజా కంటే పెద్ద టచ్ స్క్రీన్ కూడా ఇందులో ఉంది. కొత్త ఫీచర్లు కూడా ఇందులో అందించారు. డ్యూయల్ టోన్ కలర్ స్కీమ్‌ను కంపెనీ ఇందులో అందించింది.

బలెనోతో పోలిస్తే ఇందులో కొన్ని మార్పులు కూడా ఉన్నాయి. దీని లోపల కూడా డ్యూయల్ టోన్ కలర్ స్కీమ్‌నే కంపెనీ అందించడం విశేషం. దీంతోపాటు గ్లాంజా మరిన్ని వేరియంట్లలో అందుబాటులో ఉండనుంది. ఈ, ఎస్, జీ, వీ మోడళ్లలో ఈ కారు కొనుగోలు చేయవచ్చు. గతంలో ఉన్న గ్లాంజా కేవలం కొన్ని వేరియంట్లలో మాత్రమే అందుబాటులో ఉంది.

ఇక ఫీచర్ల విషయానికి వస్తే... ఇందులో ఆరు ఎయిర్ బ్యాగ్స్, క్లైమెట్ కంట్రోల్, 9 అంగుళాల టచ్ స్క్రీన్, 360 డిగ్రీల కెమెరాలు, వెనకవైపు ఏసీ వెంట్లు కూడా ఇందులో అందించారు. 90 బీహెచ్‌పీ సామర్థ్యం ఉన్న 1.2 లీటర్ డ్యూయల్ జెట్ ఇంజిన్‌ను ఇందులో అందించారు. ఇది అదనపు మైలేజ్‌ను కూడా అందించనుంది.

ఇందులో ఏఎంటీ వెర్షన్, మాన్యువల్ గేర్ బాక్స్ కూడా అందించారు. ప్రారంభ వేరియంట్ ధర రూ.6.39 లక్షలుగా ఉంది. ఫుల్లీ లోడెడ్ ఏఎంటీ వేరియంట్ ధర రూ.9.69 లక్షలుగా నిర్ణయించారు. ఏఎంటీ వెర్షన్ ఎస్ వేరియంట్ నుంచి అందుబాటులో ఉంది. ఈ ఫోన్ ఐ20, ఆల్ట్రోజ్, బలెనోలతో పోటీ పడనుంది.

Also Read: Baleno Vs Swift: బలెనో వర్సెస్ స్విఫ్ట్ - బడ్జెట్ కార్లలో ఏది బెస్ట్!

 

 

 

 

 

View this post on Instagram

 

 

 

 

 

 

 

 

 

 

 

A post shared by Toyota India (@toyota.india)