Maruti New Compact SUV: పాత పేరుతో కొత్త కారు - మారుతి మాస్టర్ స్ట్రాటజీ!

మారుతి గ్రాండ్ విటారా పేరుతో కొత్త కాంపాక్ట్ ఎస్‌యూవీని లాంచ్ చేయనుంది.

మారుతి గ్రాండ్ విటారా కారు త్వరలో లాంచ్ కానుంది.

మారుతి తన కొత్త కారుకు పాత పేరును పెట్టనుంది. మారుతి గ్రాండ్ విటారా అనే కొత్త కారును మారుతి మార్కెట్లోకి తీసుకురానుంది. గ్రాండ్ విటారా అనే పేరుతో చాలా సంవత్సరాల క్రితం మారుతి 5-సీటర్ ఎస్‌యూవీని విక్రయించేది. ఇప్పుడు ఇదే పేరుతో కొత్త కాంపాక్ట్ ఎస్‌యూవీ రానుంది.

మారుతి ఇటీవలే విటారా పేరును బ్రెజా నుంచి తీసేసింది. ఇప్పుడు అదే పేరుతో కొత్త కారును లాంచ్ చేయడానికి సిద్ధం అవుతోంది. ఫ్లాగ్‌షిప్ నెక్సా ఉత్పత్తిగా ఎస్-క్రాస్‌ను ఇది ఉత్పత్తి చేయనుంది. రూ.11,000 చెల్లించి దీన్ని బుక్ చేసుకోవచ్చు. దీని పూర్తి వివరాలు 20వ తేదీ కల్లా తెలుసుకోవచ్చు.

టొయోటా హైరైడర్‌తో పాటే ఈ కొత్త ఎస్‌యూవీని కంపెనీ డెవలప్ చేసింది. అయితే లుక్స్ మాత్రం కొత్తగా ఉండనున్నాయి. పనోరమిక్ సన్‌రూఫ్, కూల్డ్ సీట్లు, 360 డిగ్రీ కెమెరా, హెడ్స్ అప్ డిస్‌ప్లే వంటి ఫీచర్లు ఈ కారులో అందించే అవకాశం ఉంది.

దీంతోపాటు లేటెస్ట్ ఇన్‌ఫోటెయిన్‌మెంట్ సిస్టం ఉన్న 9 అంగుళాల టచ్ స్క్రీన్ కూడా ఇందులో ఉండనుంది. బలెనో, బ్రెజాల్లో కూడా ఇదే అందించారు. ఆరు ఎయిర్ బ్యాగ్స్, ఈఎస్సీ ప్లస్ వంటి ఫీచర్లను కూడా ఎక్స్‌పెక్ట్ చేయవచ్చు. ఈ కారులో ఈసీవీటీ గేర్ బాక్స్ ఉన్న 1.5 లీటర్ పెట్రోల్ ఇంజిన్ అందించారు. దీంతోపాటు స్టాండర్డ్ 1.5 లీటర్ పెట్రోల్ ఇంజిన్, 6-స్పీడ్ ఆటోమేటిక్ వేరియంట్లు ఉండనున్నాయి. ఏడబ్ల్యూడీ వెర్షన్‌లో మాన్యువల్ వేరియంట్‌లో మాత్రమే ఉండనుంది.

 

 

 

 

 

View this post on Instagram

 

 

 

 

 

 

 

 

 

 

 

A post shared by Nexa Shivam Autozone (@nexa_shivamautozone)