New Maruti Dzire Vs Honda Amaze: కొత్త మారుతి డిజైర్ కొనేయచ్చా? - అమేజ్ వచ్చేదాకా ఆగాలా?

New Maruti Dzire: కొత్త మారుతి డిజైర్ ఇటీవలే మార్కెట్లోకి వచ్చింది. ఇది ఫైవ్ స్టార్ సేఫ్టీ రేటింగ్‌ను కూడా పొందింది. ఈ కారు త్వరలో రానున్న హోండా అమేజ్‌తో పోటీ పడనుంది. మరి వీటిలో ఏది బెస్ట్?

కొత్త మారుతి డిజైర్

Source : Maruti Suzuki

Maruti Suzuki Dzire 2024 vs Honda Amaze: మారుతి సుజుకి డిజైర్ ఇటీవలే కొత్త అప్‌డేట్‌లతో భారత మార్కెట్లో విడుదలైంది. దీని ప్రారంభ ఎక్స్ షోరూమ్ ధర రూ.6.79 లక్షలుగా ఉంది. అదే సమయంలో టాప్ వేరియంట్ ధర రూ.10.14 లక్షల వరకు ఉంటుంది. మీరు మారుతి సుజుకి డిజైర్‌ను మొత్తం నాలుగు వేరియంట్ ఆప్షన్లలో కొనుగోలు చేయవచ్చు.

మారుతి డిజైర్ కొత్త డిజైన్, సరికొత్త ఫీచర్లతో వచ్చింది. ఈ కారు ముందు, వెనుక రెండింటిలోనూ ఎల్ఈడీ లైట్లు అందించారు. ఈ కారులో 15 అంగుళాల డ్యూయల్ టోన్ అల్లాయ్ వీల్స్ ఉన్నాయి. కారు ఆకారం మునుపటి కంటే మరింత మెరుగ్గా ఉంది. 9 అంగుళాల పెద్ద టచ్‌స్క్రీన్ ఇందులో అందించారు. స్టీరింగ్‌ను కూడా కొత్త పద్ధతిలో రూపొందించారు. డయల్స్ స్విఫ్ట్ లాగా ఉన్నప్పటికీ అవి డిజిటల్ కానప్పటికీ స్పష్టంగా ఉన్నాయి. డ్యాష్‌బోర్డ్ శుభ్రంగా, సింపుల్ డిజైన్‌తో వచ్చింది. దీనితో పాటు కారులో స్టోరేజ్ స్పేస్ కూడా చాలా బాగుంది.

మారుతి డిజైర్ ఫీచర్లు ఎలా ఉన్నాయి?
కొత్త మారుతి డిజైర్‌లో అత్యంత ఆకర్షణీయమైన విషయం ఏంటంటే ఈసారి డిజైర్‌లో సన్‌రూఫ్ ఫీచర్, హెచ్‌డీ డిస్‌ప్లేతో 360 డిగ్రీ కెమెరా అందించారు. 360 డిగ్రీల కెమెరా ఫీచర్ పెద్ద సెడాన్‌లలో కనిపించదు. కానీ ఇందులో అందించారు. దీంతో పాటు క్లైమేట్ కంట్రోల్, కనెక్టెడ్ కార్ టెక్నాలజీ, క్రూయిజ్ కంట్రోల్, వెనుక ఏసీ వెంట్స్ వంటి అనేక ఫీచర్లు అందించారు. స్పేస్ గురించి చెప్పాలంటే ఇది మునుపటి వెర్షన్ మాదిరిగానే ఉంది. అయితే పాత డిజైర్ కంటే సీట్లు మరింత సౌకర్యవంతంగా ఉంటాయి.

హోండా అమేజ్ ఎక్కడ ఉండవచ్చు?
హోండా అమేజ్ గురించి చెప్పాలంటే ఈ కారు ఇంకా లాంచ్ కాలేదు, అయితే దీని టీజర్ బయటకు వచ్చింది. హోండా అమేజ్ టీజర్‌ను బట్టి చూస్తే కొత్త అమేజ్ ఏడీఏఎస్‌తో రావచ్చని తెలుస్తోంది. దీంతో పాటు డిజైర్‌లో ఉన్న అనేక భద్రతా ఫీచర్లు ఇందులో కూడా అందుబాటులో ఉన్నాయి. కొత్త హోండా అమేజ్‌లో ఫీచర్లు, ఇంటీరియర్‌ భారీగా మారనుంది. ఈ కారు సిటీ, ఎలివేట్ నుంచి ఇన్‌స్పైర్ అవుతుంది. కొన్నాళ్లు ఆగితే మీరు హోండా అమేజ్‌తో కూడా కంపేర్ చేసుకుని నచ్చిన కారును కొనుక్కోవచ్చు. 

The Honda Amaze legacy lives on. With every generation, it has set a new standard in style & sophistication. Now, as we gear up for the third generation, excitement is at an all-time high. Stay tuned – a bold new chapter is about to begin.#AmazeSketchReveal #HondaCarsIndia pic.twitter.com/PXFYnbkGTR

— Honda Car India (@HondaCarIndia) November 11, 2024