Mahindra Scorpio N 2026: ఆకట్టుకునే బోల్డ్ లుక్, సరికొత్త ఫీచర్లతో మహీంద్రా స్కార్పియో N.. లాంచింగ్, ధర వివరాలు

మహీంద్రా 2026లో Scorpio N ఫేస్‌లిఫ్ట్‌ను త్వరలోనే విడుదల చేయనుంది. ఇది సరికొత్త డిజైన్, పెద్దదైన 10.25 అంగుళాల టచ్‌స్క్రీన్‌తో వస్తుందని అంతా భావిస్తున్నారు. ఫీచర్లు, ధర అంచనాలు ఇలా ఉన్నాయి.

మహీంద్రా స్కార్పియో ఎన్

Source : Mahindra Scorpio

మహీంద్రా కంపెనీకి చెందిన Mahindra Scorpio N 2026 మరోసారి వార్తల్లో నిలిచింది. ఈసారి కంపెనీ వాహనాన్ని కొత్త లుక్‌లో పరిచయం చేయడానికి సిద్ధమవుతోంది. గతంలో స్కోర్పియో తన స్ట్రాంగ్ బాడీ, రఫ్-టఫ్ లుక్ కారణంగా చిన్న, పెద్ద నగరాల్లో బాగా ఫేమస్ అయింది. అయితే ఒక్కో కంపెనీ నుంచి మార్కెట్లోకి కొత్త SUVలు రావడంతో దీనికి గట్టి పోటీ ఎదురైంది. ఇప్పుడు కంపెనీ దీనిని అప్‌డేట్ చేసి మళ్లీ కం బ్యాక్ చేయాలని భావిస్తోంది. కొత్త Scorpio N 2026లో మీకు అదే స్ట్రాంగ్ బాడీ, పవర్‌ఫుల్ రోడ్ ప్రెజెన్స్ కనిపిస్తుంది. కానీ ఇందులో కొన్ని కొత్త ఫీచర్లు, మెరుగైన డిజైన్‌ను యాడ్ చేయనున్నారు. స్టైల్, పవర్ రెండూ కోరుకునే వారి కోసం ఈ SUV ప్రత్యేకంగా నిలుస్తుంది.

డిజైన్‌లో ఎలాంటి మార్పులు ఉంటాయి?
కొత్త Scorpio N 2026 లుక్ మునుపటిలాగే ధీటుగా ఉంటుంది. అయితే కొత్త స్కార్పియోలో కొన్ని చిన్న చిన్న మార్పులు కనిపించవచ్చు. కంపెనీ ఇందులో కొత్త డిజైన్ హెడ్‌లైట్స్, టెయిల్ లైట్స్ ఇచ్చే అవకాశాలున్నాయి. ఇది SUVని మరింత మోడ్రన్‌గా మార్చేస్తుంది. అంతేకాకుండా ఫ్రంట్, రియర్ బంపర్లలో కూడా మార్పులు ఉండే అవకాశం ఉంది. కొత్త డిజైన్ అలాయ్ వీల్స్,  కొన్ని కొత్త ఎక్స్‌టీరియర్ ఎలిమెంట్స్ దీన్ని ఇప్పటివరకూ ఉన్న స్కార్పియో కంటే ఆకర్షణీయంగా మారుస్తాయి. మొత్తానికి మహీంద్రా స్కార్పియో దీని లుక్ పూర్తిగా మార్చకుండా, మరింత స్టైలిష్‌గా డిజైన్ చేస్తున్నారు. 

కేబిన్, ఫీచర్లలో కొత్తగా ఏముంటుంది?
Scorpio N 2026 లోపల మీకు ప్రీమియం అనుభూతి కలుగుతుంది. ఇందులో పెద్ద 10.25 అంగుళాల టచ్‌స్క్రీన్ ఇన్ఫోటైన్‌మెంట్ సిస్టమ్ ఇవ్వనున్నారు. ఇది యూజర్ ఎక్స్‌పీరియన్స్‌ను బెటర్ చేస్తుంది. దీంతో పాటు కేబిన్ డిజైన్ కూడా కొంచెం కొత్తగా, సౌకర్యవంతంగా ఉండవచ్చు. కొత్త టెక్నాలజీ, కనెక్టెడ్ ఫీచర్లు దీనిని నేటి కాలానికి తగ్గట్టుగా మరింత స్మార్ట్‌గా చూపిస్తాయి.  ఇందులో సీట్లు, ఇంటీరియర్ క్వాలిటీలో కూడా కొంచెం మార్పులు చూడవచ్చు.

స్కార్పియో ఎన్ ఇంజిన్, పనితీరు
ఇంజిన్ విషయంలో కంపెనీ పెద్దగా మార్పులు చేర్పులు లాంటివి చేయదు. ఇందులో మునుపటిలాగే 2.0 లీటర్ పెట్రోల్, 2.2 లీటర్ డీజిల్ ఇంజిన్లు ఉంటాయి. ఈ ఇంజిన్లు ఇప్పటికే మంచి పనితీరుకు పేరుగాంచాయి. దీనితో పాటు మాన్యువల్, ఆటోమేటిక్ గేర్‌బాక్స్ ఆప్షన్లు అందుబాటులో ఉంటాయి. కొన్ని వేరియంట్లలో 4X4 సిస్టమ్ కూడా లభిస్తుంది. ఇది గతుకుల రోడ్లు, కఠినమైన దారుల్లో మీ డ్రైవింగ్‌ను సులభతరం చేస్తుంది.

కొత్త స్కార్పియో ధర, లాంచ్ తేదీ
మహీంద్రా కొత్తగా తెస్తున్న Mahindra Scorpio N 2026 ధర స్వల్పంగా  పెరగవచ్చు. దీని ధర వేరియంట్ బట్టి రూ. 14 లక్షల నుండి రూ. 26 లక్షల మధ్య ఉండవచ్చని అంచనా వేస్తున్నారు. స్కార్పియో ఎన్ లాంచ్ విషయానికి వస్తే, ఈ SUV ఆగస్టు 2026 నాటికి భారత మార్కెట్లోకి వచ్చే అవకాశం ఉంది. అయితే  మహీంద్రా కంపెనీ ఇంకా అధికారికంగా ఎలాంటి తేదీని ప్రకటించలేదు.

మరిన్ని చదవండి

మే 1 నుంచి పెరగనున్న హ్యుందాయ్ కార్ల ధరలు.. ఎంత మేర పెరుగుతాయంటే !

పది లక్షల రూపాయల్లో లభించే ఎలక్ట్రిక్ కార్లు ఇవే! ఫీచర్లు గురించి తెలుసుకోండి!