MG Comet EV: భారత్‌లో MG కామెట్ EV లాంచ్, ఒక్క ఛార్జ్ తో 230 కిమీ ప్రయాణం, ధర, ఫీచర్లు ఇవే!

భారత మార్కెట్లోకి MG మోటార్స్ సరికొత్త కారును విడుదల చేసింది. MG కామెట్ EV పేరుతో ఈ ఎలక్ట్రిక్ అందుబాటులోకి తెచ్చింది. ఒక్క ఛార్జ్ తో 230 కి. మీ ప్రయాణించే అవకాశం ఉంది.

MG Comet EV (ABP Live)

MG మోటార్స్ ఎలక్ట్రిక్ విభాగంలో మరో కారును ఆవిష్కరించింది. MG కామెట్ EV పేరుతో మార్కెట్లోకి తీసుకొచ్చింది. తాజాగా MG మోటార్ ఇండియా కామెట్ EVని లాంచ్ చేసింది. ఈ కారు ధర రూ. 10 లక్షల నుంచి ప్రారంభం కానున్నట్లు తెలుస్తోంది. ఇప్పటికే  MG మోటార్ ఇండియా భారత్ లో ఓ ఎలక్ట్రిక్ కారును విడుదల చేసింది. MG ZS EV పేరుతో మార్కెట్లోకి తీసుకొచ్చింది. తాజాగా రెండో మోడల్ కారును వినియోగదారుల ముందుకు తెచ్చింది. 

Calling all gamers! 🎮👀 #MGMotorIndia & #Mortal a.k.a. @Mortal04907880 are collaborating to redefine your driving experience with the gamer edition of #CometEV.

Elevate your adventures with cutting-edge technology, futuristic design & unbeatable performance. Stay tuned!🤘 pic.twitter.com/yxV81BHr6M

— Morris Garages India (@MGMotorIn) April 10, 2023

MG కామెట్ EV ధర

భారతదేశంలో MG కామెట్ EV ధర రూ. 10 లక్షల నుండి రూ. 15 లక్షల (ఎక్స్-షోరూమ్) మధ్య ఉంటుందని MG పదే పదే చెబుతోంది.

MG కామెట్ EV రేంజ్

ఈ సరికొత్త ఎలక్ట్రిక్ కారు SAIC-GM-వులింగ్ గ్లోబల్ స్మాల్ ఎలక్ట్రిక్ వెహికల్ (GSEV) ప్లాట్‌ఫారమ్‌పై ఆధారపడి ఉంటుంది.  ఇటీవల లీక్ నివేదికల ప్రకారం, MG కామెట్ EV  ఒక్క ఫుల్ ఛార్జింగ్‌తో 230 కిలో మీటర్ల మేర ప్రయాణించే అవకాశం ఉంది. ఇందులో 17.3kWh లిథియం-అయాన్ బ్యాటరీని కలిగి ఉంటుంది. 7 గంటల వ్యవధిలో 0-100% ఛార్జింగ్ అవుతుంది. 3.3kW ఛార్జర్‌ని ఉపయోగించి 10-80% ఛార్జింగ్ ను కేవలం 5 గంటల్లో నింపే అవకాశం ఉంటుంది. ఈ ఎలక్ట్రిక్ వాహనం (EV) 42PS/110Nm ఎలక్ట్రిక్ మోటారును కలిగి ఉంటుంది.

MG కామెట్ EV కొలతలు

MG కామెట్ EV  కాంపాక్ట్ బాక్సీ డిజైన్‌ను కలిగి ఉంది. రెండు-డోర్ల లే అవుట్, నలుగురు  ప్రయాణికుల సీటింగ్ కెపాసిటీని కలిగి ఉంది. మూడు-డోర్ల కామెట్ EV పొడవు 2,974mm, ఎత్తు 1,631mm, వెడల్పు 1,505mm ఉంటుంది. ఇది 2,010mm వీల్ బేస్ కలిగి ఉంటుంది.

MG కామెట్ EV ఫీచర్లు

ప్రత్యేకంగా రూపొందించబడిన ఈ కామెట్ EV LED హెడ్‌ ల్యాంప్‌లను కలిగి ఉంటుంది. దాదాపు ఫ్లాట్ వెనుక భాగంలో LED టెయిల్‌ ల్యాంప్‌ లు ఉంటాయి. క్యాబిన్ లోపల, 10.25-అంగుళాల పూర్తి డిజిటల్ ఇన్‌స్ట్రుమెంట్ క్లస్టర్, 10.25-అంగుళాల టచ్‌ స్క్రీన్ ఇన్ఫోటైన్‌మెంట్ సిస్టమ్, మల్టీ-ఫంక్షన్ స్టీరింగ్ వీల్ ఉంటాయి.

MG కామెట్ EV  ఏ కార్లకు పోటీగా ఉంటుందంటే?

సరికొత్త MG కామెట్ EV  కారు  భారత మార్కెట్‌లో టాటా టియాగో EV, టిగోర్ EV, అలాగే సిట్రోయెన్ eC3 వంటి వాటికి ప్రత్యర్థిగా ఉండనుంది. ధర రేంజిని బట్టి కొన్ని మార్పులు చేర్పులు ఉండే అవకాశం ఉంది.

 

 

 

 

 

View this post on Instagram

 

 

 

 

 

 

 

 

 

 

 

A post shared by Morris Garages India (@mgmotorin)