రూ. 16.19 లక్షల ప్రారంభ ధరతో మారుతి ఇ విటారా: లోన్ ఇచ్చే బ్యాంకులు, వడ్డీ రేట్ల వివరాలు ఇవే!

మారుతి ఇ విటారా ఎలక్ట్రిక్ ఎస్‌యూవీ ధర, కనీస డౌన్‌పేమెంట్, బ్యాంక్ EMI ఆప్షన్ల పూర్తి వివరాలు ఇక్కడ తెలుసుకోండి. నెలకు తక్కువ EMIతో కారు సొంతం చేసుకునే ఛాన్స్!

తెలుగులో ఆటోమొబైల్‌ వార్తలు

Source : https://x.com/

Maruti e vitara Price, Down Payment, Car Loan and EMI Details: మారుతి సుజుకి మొట్టమొదటి ఆల్-ఎలక్ట్రిక్ SUV.. 'మారుతి ఇ విటారా'. మార్కెట్లో మంచి ఆదరణ పొందుతున్న ఈ ఎలక్ట్రిక్ వాహనం ఎక్స్-షోరూమ్ ధర రూ. 16.19 లక్షల నుంచి ప్రారంభమై టాప్ వేరియంట్ రూ. 20.21 లక్షల వరకు ఉంటుంది. కస్టమర్ల సౌకర్యార్థం 'బ్యాటరీ యాజ్ ఏ సర్వీస్' (BaaS) మోడల్‌ను కూడా కంపెనీ పరిచయం చేసింది. దీనివల్ల ప్రారంభ ఎక్స్-షోరూమ్ ధర రూ. 10.99 లక్షలకే లభిస్తుంది. బ్యాటరీ వాడకానికి కిలోమీటరుకు రూ. 3.99 చెల్లించాలి.

కారును ఫైనాన్స్ పద్ధతిలో కొనుగోలు చేయాలనుకునే వారి కోసం కనీస డౌన్‌పేమెంట్, బ్యాంక్ ఆఫర్లు & ఈఎంఐ ప్లాన్ల వివరాలు ఇక్కడ తెలుసుకుందాం.

ప్రాథమిక వేరియంట్ అయిన డెల్టా 49 kWh ఎక్స్-షోరూమ్ ధర రూ. 16.19 లక్షలు. దీని ఆన్-రోడ్ ధర వివిధ రాష్ట్రాలను బట్టి రూ. 17.00 లక్షల వరకు ఉంటుంది. ఈ మోడల్‌ను కొనుగోలు చేయడానికి కస్టమర్లు కనీసం 10 శాతం అంటే రూ. 1.70 లక్షల నుంచి రూ. 2.88 లక్షల వరకు డౌన్‌పేమెంట్ చెల్లించాలి.

బ్యాంకులు, సాధారణంగా, కారు ఆన్-రోడ్ ధరలో 85 శాతం నుంచి 90 శాతం వరకు లోన్ అందిస్తాయి. మిగిలిన మొత్తాన్ని కొనుగోలుదారుడే ప్రారంభంలో చెల్లించాలి.

భారతదేశంలోని ప్రముఖ ప్రభుత్వ & ప్రైవేట్ బ్యాంకులు ఎలక్ట్రిక్ వాహనాల కొనుగోలుకు ప్రత్యేక గ్రీన్ కార్ లోన్లను అందిస్తున్నాయి. స్టేట్ బ్యాంక్ ఆఫ్ ఇండియా (SBI), HDFC బ్యాంక్, ICICI బ్యాంక్ & బ్యాంక్ ఆఫ్ బరోడా (BoB) వంటి సంస్థలు 8.5 శాతం నుంచి 10.5 శాతం వరకు వార్షిక వడ్డీ రేట్లతో రుణాలను ఆఫర్ చేస్తున్నాయి.

డౌన్‌పేమెంట్ పోను రూ.14.20 లక్షల లోన్ మొత్తంపై 10.5 శాతం వడ్డీ రేటు వద్ద 5 సంవత్సరాల (60 నెలలు) టెన్యూర్ ఎంచుకుంటే, ప్రతి నెల చెల్లించాల్సిన EMI సుమారు రూ.30,528 వరకు ఉంటుంది.

ఇది కూడా చదవండి: రూ.లక్ష లోపే వచ్చే పవర్‌ఫుల్‌ 125cc బైక్స్ - యూత్‌ మెచ్చిన టాప్-5 లిస్ట్‌ మీ కోసం!

రూ. 14.00 లక్షల సగటు లోన్ మొత్తంపై 8.5 శాతం వడ్డీ రేటు ఆధారంగా మూడేళ్లు, ఐదేళ్ల కాలపరిమితులకు అంచనా EMIలు:

3 సంవత్సరాల (36 నెలలు) లోన్ టెన్యూర్ ఎంచుకుంటే, నెలవారీ EMI రూ. 44,190 చెల్లించాలి. 

5 సంవత్సరాల (60 నెలలు) లోన్ టెన్యూర్ ఎంచుకుంటే, నెలవారీ EMI రూ. 28,720 చెల్లించాలి.

రుణ గడువు పెరిగే కొద్దీ నెలవారీ EMI భారం తగ్గుతుంది, అయితే చెల్లించాల్సిన వడ్డీ మొత్తం పెరుగుతుంది. కస్టమర్లు వారి నెలవారీ ఆదాయం ప్రకారం లోన్ వ్యవధిని ఎంచుకోవచ్చు.

ఇది కూడా చదవండి: ధర నుంచి పవర్‌, రేంజ్ వరకు.. ఏథర్ కోణార్క్‌ ఎస్ 125కి పోటీగా నిలిచే స్కూటర్లు ఏవి?

ఇంకా ఇలాంటి ఆటోమొబైల్‌ వార్తలు & అప్‌డేట్స్‌ కోసం "ABP దేశం" 'ఆటో' సెక్షన్‌ని ఫాలో అవ్వండి.

మరిన్ని చదవండి

1000 KM రేంజ్ ఉన్న Hector Tomahawk ఫస్ట్ లుక్ ఎలా ఉంది? తెలుసుకోవాల్సిన 5 ముఖ్యమైన విషయాలు

Royal Enfield Bullet 350 ఆన్-రోడ్ ధర ఎంత? రూ.10000 చెల్లిస్తే నెలవారీ EMI ఎంత కట్టాలి