నెలకు రూ.17,000 EMIతో సరికొత్త కియా సైరోస్ మీదవుతుంది! ఫీచర్లు, బ్యాంక్ ఆఫర్ల పూర్తి వివరాలు
కియా సైరోస్ తాజా ఆన్-రోడ్ ధరలు, తక్కువ డౌన్పేమెంట్ & బ్యాంక్ EMI ఆఫర్లు. నెలకు ఎంత కట్టాలో పూర్తి వివరాలు ఇక్కడ చదవండి.

Kia syros Price And Features Telugu: ఇండియన్ ఆటోమొబైల్ మార్కెట్లో కాంపాక్ట్ SUVల లెక్కలు సరిచేయడానికి కియా ఇండియా నుంచి వచ్చిన మోడల్ Kia Syros. వినూత్నమైన డిజైన్, అత్యాధునిక టెక్నాలజీ, లగ్జరీ ఫీచర్లతో ఎంట్రీ ఇచ్చిన ఈ కారుపై తెలుగు ప్రజలు చలా ఆసక్తి చూపుతున్నారు. కుటుంబ అవసరాలకు, రోజువారీ ప్రయాణాలకు సరిపోయేలా రూపుదిద్దుకున్న ఈ SUVని కొనాలని మీరు కూడా ప్లాన్ చేస్తున్నారా? అయితే ఈ కారు ధరలు, డౌన్పేమెంట్స్ & వివిధ బ్యాంకుల EMI ఆప్షన్లపై పూర్తి వివరాలు తెలుసుకోండి.
ఎక్స్-షోరూమ్ ధరలు & ఆన్-రోడ్ అంచనా
తెలుగు రాష్ట్రాల్లో Kia Syros ఎక్స్-షోరూమ్ ధర సుమారు రూ. 8,41,900 నుంచి ప్రారంభమవుతుంది. RTO ఛార్జీలు, వాహన ఇన్సూరెన్స్ & ఇతర అవసరమైన ఛార్జీలను కలిపితే బేస్ వేరియంట్ (HTE పెట్రోల్) ఆన్-రోడ్ ధర సుమారు రూ. 9,76,424 వరకు ఉంటుంది. మీరు ఎంచుకునే వేరియంట్, పెట్రోల్ లేదా డీజిల్ లేదా ఆటోమేటిక్ గేర్బాక్స్ మోడల్ను బట్టి ఆన్-రోడ్ ముగింపు ధరలు మారుతుంటాయి.
కనీస డౌన్పేమెంట్ ఎంత చెల్లించాలి?
కొత్త కారు కొనుగోలు చేసేటప్పుడు ఎక్కువ మంది చూసేది ప్రాథమిక పెట్టుబడి లేదా డౌన్పేమెంట్. వివిధ బ్యాంకులు, ఫైనాన్స్ సంస్థలు ఆన్-రోడ్ ధరలో 85% నుంచి 90% వరకు లోన్ సదుపాయం కల్పిస్తాయి. Kia Syros బేస్ మోడల్ కొనుగోలుకు కనీస డౌన్పేమెంట్ రూ. 1,34,524 చెల్లిస్తే సరిపోతుంది. మీ దగ్గర ఇంకా ఎక్కువ డబ్బు ఉంటే రూ.2.50 లక్షల వరకు డౌన్పేమెంట్ చెల్లించడం ద్వారా నెలానెలా పడే భారాన్ని (EMI) తగ్గించుకోవచ్చు.
బ్యాంక్ రుణాలు & లోన్ టెన్యూర్లు
స్టేట్ బ్యాంక్ ఆఫ్ ఇండియా (SBI), HDFC బ్యాంక్, ICICI బ్యాంక్, యాక్సిస్ బ్యాంక్ & ప్రముఖ NBFCలు కారు రుణాలపై ఆకర్షణీయమైన వడ్డీ రేట్లను అందిస్తున్నాయి. ప్రస్తుతం రుణ వడ్డీ రేట్లు సగటున 8% నుంచి 9.5% మధ్య నడుస్తున్నాయి. లోన్ తిరిగి చెల్లించే వ్యవధి లేదా టెన్యూర్ రూపంలో 3 సంవత్సరాల (36 నెలలు) నుంచి 7 సంవత్సరాల (84 నెలలు) వరకు ఆప్షన్లు అందుబాటులో ఉన్నాయి.
ఇది కూడా చదవండి: Yamaha R2లో మూడు వేరియంట్లు - టాప్ వేరియంట్లో ఎలాంటి ఫీచర్లున్నాయి?
వివిధ EMI ఆప్షన్ల పూర్తి వివరాలు
మీ లోన్ టెన్యూర్ ఆధారంగా నెలవారీ EMI లెక్కింపు మారుతుంది. ఉదాహరణకు... మీరు రూ.1.35 లక్షల డౌన్పేమెంట్ చేసి, 8% వడ్డీ రేటుతో రూ. 8,41,900 బ్యాంక్ రుణం తీసుకుంటే, ప్రతి నెలా ఎంత EMI పడుతుందో ఇక్కడ పరిశీలించండి:
5 సంవత్సరాల టెన్యూర్ (60 నెలలు): ప్రతి నెలా చెల్లించాల్సిన EMI సుమారు రూ.17,071
7 సంవత్సరాల టెన్యూర్ (84 నెలలు): ప్రతి నెలా చెల్లించాల్సిన EMI సుమారు రూ.13,000 నుంచి రూ. 13,500
సరికొత్త డీజిల్ & ఆటోమేటిక్ వేరియంట్ల కోసం నెలవారీ EMI రూ.24,000 నుంచి రూ. 32,000 వరకు పడే అవకాశం ఉంటుంది.
మోడల్ వివరాలు & ఫైనాన్స్ సమాచారం (ఉదాహరణ)
ఎక్స్-షోరూమ్ ప్రారంభ ధర: రూ. 8,41,900
ఆన్-రోడ్ ప్రారంభ ధర (అంచనా): రూ. 9,76,424
కనీస డౌన్పేమెంట్: రూ. 1,34,524
సుమారు రుణ మొత్తం: రూ. 8,41,900
సగటు వడ్డీ రేటు: 8.0%
లోన్ టెన్యూర్ 5 సంవత్సరాలు (60 నెలలు)
నెలవారీ EMI: రూ. 17,071
ఇది కూడా చదవండి: రూ.79,999కే ఓలా కొత్త ఎలక్ట్రిక్ స్కూటర్.. 301 కి.మీ. రేంజ్తో Ola S1Z సంచలనం!
ముఖ్య గమనిక: కారు రుణం తీసుకునే ముందు మీ సిబిల్ స్కోర్ను సరిచూసుకోండి. సిబిల్ స్కోర్ 750 కంటే ఎక్కువ ఉంటే బ్యాంకులు తక్కువ వడ్డీ రేట్లకే లోన్ ఆమోదిస్తాయి. అలాగే వాహనం డెలివరీ సమయంలో ప్రాసెసింగ్ ఫీజు, హిడెన్ ఛార్జీలు లేకుండా చూసుకోవడం కూడా ముఖ్యమే, దీనికోసం బ్యాంక్ ప్రతినిధులతో ముందే మాట్లాడి నిర్ధారించుకోవాలి.
ఇంకా ఇలాంటి ఆటోమొబైల్ వార్తలు & అప్డేట్స్ కోసం "ABP దేశం" 'ఆటో' సెక్షన్ని ఫాలో అవ్వండి.
ట్రెండింగ్ వార్తలు






















