Kia Sonet : కియా సోనెట్ ధమాకా: తక్కువ ధరకే ఆటోమేటిక్ వేరియంట్లు.. కొత్త కలర్ కూడా వచ్చేసింది!

Kia Sonet:కియా పాపులర్ మోడల్ సోనెట్‌లో ఆటోమేటిక్ గేర్‌బాక్స్ సౌకర్యాన్ని ఇప్పుడు తక్కువ ధర కలిగిన బేస్ వేరియంట్లలో కూడా ప్రవేశపెట్టింది. డీజిల్ ఆటోమేటిక్ ధరలు రూ. 9.77 లక్షల నుంచి ప్రారంభమవుతున్నాయి.

కియా సోనెట్ ధమాకా: తక్కువ ధరకే ఆటోమేటిక్ వేరియంట్లు.. కొత్త కలర్ కూడా వచ్చేసింది!

Source : X.com

Show Quick Read

Key points generated by AI, verified by newsroom

• కియా సోనెట్ ఆటోమేటిక్ టెక్నాలజీని తక్కువ ధర వేరియంట్లలో అందిస్తోంది.
• డీజిల్ ఆటోమేటిక్ వేరియంట్లు రూ. 9.77 లక్షల నుండి ప్రారంభమవుతాయి.
• కొత్త డీజిల్, పెట్రోల్ ఆటోమేటిక్ వేరియంట్లు, మ్యాగ్మా రెడ్ రంగు అందుబాటులోకి వచ్చాయి.
• 1.0 లీటర్ టర్బో పెట్రోల్, 1.5 లీటర్ డీజిల్ ఇంజిన్లు ఆటోమేటిక్ గేర్‌బాక్స్‌తో వస్తాయి.

Kia Sonet : కియా సోనెట్ కొత్త వేరియంట్లతో సామాన్యులకు మ‌రింత‌ చేరువ‌య్యేలా ఆటోమేటిక్ టెక్నాలజీని అందిస్తోంది. భారతీయ వాహన రంగంలో కాంపాక్ట్ ఎస్‌యూవీ విభాగంలో కియా సోనెట్ తనకంటూ ఒక ప్రత్యేక గుర్తింపు తెచ్చుకుంది. అయితే ఇప్పటివరకు సోనెట్‌లో ఆటోమేటిక్ గేర్‌బాక్స్ కావాలంటే కేవలం హెచ్‌టీఎక్స్, జీటీఎక్స్ వంటి ఖరీదైన టాప్ ఎండ్ వేరియంట్లను మాత్రమే కొనుగోలు చేయాల్సి ఉండేది. వినియోగదారుల విజ్ఞప్తిని దృష్టిలో ఉంచుకుని, కియా సంస్థ ఇప్పుడు ఆటోమేటిక్ గేర్‌బాక్స్‌ను తక్కువ ధర వేరియంట్లలో కూడా అందుబాటులోకి తీసుకువచ్చింది. ఇది కార్ మార్కెట్లో విప్ల‌వాత్మ‌క మార్పు అని విశ్లేష‌కులు పేర్కొంటున్నారు. ఇప్ప‌టికే చాలా పోటీ ఉన్న కార్ల రంగంలో కియా వేసిన ఎత్తుల‌తో మార్కెట్ మ‌రింత కాంపిటీటివ్ గా మారింద‌ని అంటున్నారు. 

ధరల వివరాలు

కొత్తగా ప్రవేశపెట్టిన సోనెట్ డీజిల్ ఆటోమేటిక్ వేరియంట్ల ధరలు రూ. 9.77 లక్షల (ఎక్స్ షోరూమ్) నుండి ప్రారంభమవుతున్నాయి. అదేవిధంగా టర్బో పెట్రోల్ ఆటోమేటిక్ వేరియంట్ల ప్రారంభ ధర రూ. 9.89 లక్షలుగా నిర్ణయించారు. ఈ మార్పు వల్ల డీజిల్ ఆటోమేటిక్ వెర్షన్లు గతంతో పోలిస్తే సుమారు రూ. 2.25 లక్షలు, పెట్రోల్ వెర్షన్లు రూ. 1.7 లక్షల వరకు తక్కువ ధరకే లభిస్తున్నాయి. మార్కెట్లోని ఇతర పోటీదారులైన హ్యుందాయ్ వెన్యూ వంటి కార్లతో పోలిస్తే, సోనెట్ ఇప్పుడు అత్యంత సరసమైన ధరలో డీజిల్ ఆటోమేటిక్ కాంబినేషన్‌ను అందిస్తోందని, దీని ద్వారా వినియోగ‌దారుల‌కు మ‌రింత స‌ర‌స‌మైన ధ‌ర‌లోనే అద్భుతైమ‌న కార్లు అందుబాటులోకి వ‌చ్చిన‌ట్ల‌య్యింది.

కొత్త వేరియంట్లు ,రంగులు

కియా సంస్థ డీజిల్ ఆటోమేటిక్ విభాగంలో హెచ్‌టీఈ (ఓ), హెచ్‌టీకే (ఓ), హెచ్‌టీకే ప్లస్ మరియు హెచ్‌టీకే ప్లస్ (ఓ) అనే నాలుగు కొత్త ట్రిమ్‌లను పరిచయం చేసింది. టర్బో పెట్రోల్ విభాగంలో హెచ్‌టీకే (ఓ) ,హెచ్‌టీకే ప్లస్ (ఓ) అనే రెండు కొత్త వేరియంట్లు వచ్చాయి. వేరియంట్లతో పాటు, కియా ఇప్పుడు సోనెట్‌లో సరికొత్త మ్యాగ్మా రెడ్ రంగును కూడా ప్రవేశపెట్టింది. ఇది కారుకు మరింత స్పోర్టీ లుక్‌ను అందిస్తుందని నిపుణులు పేర్కొంటున్నారు. ఈ వేరియంట్ల వ‌ల్ల కార్ మార్కెట్లో త‌న స్థానాన్ని మ‌రింత మెరుగు ప‌ర్చుకునే అవ‌కాశం కియాను ల‌భిస్తుంద‌ని కంపెనీ వర్గాలు ఆశాభావం వ్య‌క్తం చేశాయి. 

ఇంజిన్ సామర్థ్యం

సోనెట్‌లో మూడు రకాల ఇంజిన్ ఆప్షన్లు ఉన్నాయి. ఇందులో 1.0 లీటర్ టర్బో పెట్రోల్ ఇంజిన్ 120 హెచ్‌పి శక్తిని, 172 ఎన్ఎమ్ టార్క్‌ను ఉత్పత్తి చేస్తుంది. ఇది 7 స్పీడ్ డీసీటీ గేర్‌బాక్స్‌తో వస్తుంది. ఇక 1.5 లీటర్ డీజిల్ ఇంజిన్ 116 హెచ్‌పి శక్తిని, 250 ఎన్ఎమ్ టార్క్‌ను అందిస్తూ 6 స్పీడ్ టార్క్ కన్వర్టర్ ఆటోమేటిక్ గేర్‌బాక్స్‌తో జత చేయబడింది. సాధారణ 1.2 లీటర్ పెట్రోల్ ఇంజిన్ కేవలం 5 స్పీడ్ మాన్యువల్ గేర్‌బాక్స్‌తో మాత్రమే అందుబాటులో ఉంది. మొత్తానికి ఆటోమేటిక్ కార్లను ఇష్టపడే మధ్యతరగతి వినియోగదారులకు కియా తీసుకున్న ఈ నిర్ణయం పెద్ద ఊరటనిస్తుందని, మ‌రిన్ని కార్ల వేరియంట్లు అందుబాటులోకి వచ్చాయ‌ని పేర్కొంటున్నారు.               

మరిన్ని చదవండి

Citroen Basalt లేదా Kia Syros .. ఇంజిన్, ఫీచర్ల పరంగా ఏ SUV బెటర్? వ్యత్యాసం ఏంటీ

బడ్జెట్ ధరలో అదిరిపోయే ఫీచర్లు: టీవీఎస్ ఆర్బిటర్ V1 ఎలక్ట్రిక్ స్కూటర్ విశేషాలు