క్రోమ్‌ లుక్‌తో అదరగొడుతున్న కొత్త Jawa 42 FJ All Stars.. ధర, ఇంజిన్‌, ఫీచర్లు ఇవే!
Jawa 42 FJ All Stars కొత్తగా ఆరు కలర్‌ ఆప్షన్లలో విడుదలైంది. ధరలు రూ.2.02 లక్షల నుంచి రూ.2.16 లక్షల వరకు ఉన్నాయి. 334cc ఇంజిన్‌తో 29.17hp పవర్‌ అందిస్తుంది.
Jawa 42 FJ All Stars Price And Features Telugu: మోటార్‌సైకిల్‌ లవర్స్‌కు జావా కంపెనీ నుంచి మంచి వార్త చెప్పింది. పాపులర్‌ 42 FJ బైక్‌లో కొత్త రేంజ్‌ను లాంచ్‌ చేసింది. 42 FJ All Stars పేరుతో కొత్త మోడళ్లను మార్కెట్లోకి తీసుకొచ్చింది. ఈ కొత్త మోడళ్ల రేట్లు రూ.2.02 లక్షల నుంచి ప్రారంభమవుతాయి. టాప్ వేరియంట్‌ ధర రూ.2.16 లక్షలు (క్స్‌-షోరూమ్‌).
42 FJ All Starsలో ప్రధాన మార్పు రంగుల విషయంలోనే కనిపిస్తుంది. ఈ రేంజ్‌లో మొత్తం ఆరు కలర్‌ ఆప్షన్లు ఉన్నాయి. Chrome, Nebula Blue, Matte Black with Red Clad, Matte Black with Black Clad, Aurora Green & Red రంగుల్లో బైక్‌ను కొనుగోలు చేయవచ్చు.
బైక్ ట్యాంక్‌కు ఇరువైపులా ప్రత్యేకంగా Star డిజైన్ ఇచ్చారు. ముఖ్యంగా Chrome కలర్‌ వేరియంట్‌ ప్రత్యేక ఆకర్షణగా నిలుస్తోంది. ఈ రేంజ్‌లో ఇదే అత్యంత ఖరీదైన మోడల్‌. దీని ధర రూ.2.16 లక్షలు.
Nebula Blue, Matte Black with Red Clad & Matte Black with Black Clad వేరియంట్ల ధర రూ.2.08 లక్షలు. Aurora Green & Red కలర్‌ వేరియంట్లు అత్యంత తక్కువ ధరలో లభిస్తాయి. వీటి ధర రూ.2.02 లక్షలు.
ఈ కొత్త రేంజ్‌ Jawa Yezdi డీలర్‌షిప్‌లలో దేశవ్యాప్తంగా అందుబాటులో ఉంటుంది.
ఇది కూడా చదవండి: Yamaha R2లో మూడు వేరియంట్లు - టాప్ వేరియంట్‌లో ఎలాంటి ఫీచర్లున్నాయి?
మెకానికల్‌గా మాత్రం 42 FJలో పెద్దగా మార్పులు చేయలేదు. అదే 334cc సింగిల్‌ సిలిండర్‌ లిక్విడ్‌ కూల్డ్‌ DOHC ఇంజిన్‌ను కొనసాగించారు. ఈ ఇంజిన్‌ 29.17hp పవర్‌ను ఉత్పత్తి చేస్తుంది. 7,500rpm వద్ద ఈ పవర్‌ లభిస్తుంది. గరిష్ఠ టార్క్‌ 29.62Nm. ఇది 5,500rpm వద్ద వస్తుంది.
ఈ ఇంజిన్‌కు 6-స్పీడ్‌ గేర్‌బాక్స్‌ను జత చేశారు. పెర్ఫార్మెన్స్‌ విషయంలో, ఇప్పటికే ఉన్న 42 FJ తరహాలోనే All Stars రేంజ్‌ కూడా ఉంటుంది.
డిజైన్‌లో 42 FJకు ప్రత్యేకమైన బ్రష్డ్ అల్యూమినియం ట్యాంక్ ప్యానెల్స్‌ కొనసాగుతున్నాయి. ఇవి బైక్‌కు నియో క్లాసిక్ లుక్ ఇస్తున్నాయి. బైక్‌లో డబుల్ క్రెడిల్ ఫ్రేమ్‌ను ఉపయోగించారు.
సస్పెన్షన్‌ విషయానికి వస్తే, ముందు భాగంలో 41mm టెలిస్కోపిక్ ఫ్రంట్ ఫోర్క్ ఉంటుంది. వెనుక గ్యాస్-ఛార్జ్డ్ ట్విన్ రియర్ షాక్స్ అందించారు. వీటిలో ఐదు స్థాయిల ప్రీలోడ్ సర్దుబాటు సదుపాయం ఉంది.
ఇది కూడా చదవండి: రూ.79,999కే ఓలా కొత్త ఎలక్ట్రిక్ స్కూటర్.. 301 కి.మీ. రేంజ్‌తో Ola S1Z సంచలనం!
Jawa 42 FJ All Starsలో కొత్త రంగులే ప్రధాన ఆకర్షణ. ఇది తప్ప ఇంజిన్‌, గేర్‌బాక్స్‌, ఫ్రేమ్‌, సస్పెన్షన్‌ వంటివాటిని మార్చలేదు. కొత్త బైక్ కొనుగోలు చేసేవాళ్లకు ధరకు అనుగుణంగా విభిన్న ఆప్షన్లు అందించాలన్న ఉద్దేశంతో ఈ కొత్త రేంజ్‌ను తీసుకొచ్చినట్లు తెలుస్తోంది.
ఇంకా ఇలాంటి ఆటోమొబైల్‌ వార్తలు & అప్డేట్స్ కోసం "ABP దేశం" 'ఆటో' సెక్షన్‌ని ఫాలో అవ్వండి.
టాప్ హెడ్ లైన్స్
ట్రెండింగ్ వార్తలు
