హైదరాబాద్, విజయవాడలో హ్యుందాయ్ క్రెటా ఆన్-రోడ్ ధర ఎంత? కార్ లోన్ తీసుకుంటే EMI ఎంతవుతుంది?
Hyundai Creta EMI Calculator: హ్యుందాయ్ క్రెటాను, ఆర్థిక భారం లేకుండా కార్ లోన్పై కూడా కొనుగోలు చేయవచ్చు. ఈ కారు మూడు 1.5-లీటర్ ఇంజిన్ వేరియంట్లతో అందుబాటులో ఉంది.
Hyundai Creta Price, Down Payment, Car Loan and EMI Details: హ్యుందాయ్ క్రెటా, దేశంలో అత్యధికంగా అమ్ముడవుతున్న SUV లలో ఒకటి. ఈ కారును సిటీల్లో నడపడానికి, ముఖ్యంగా కార్పొరేట్ ఉద్యోగులు ఎక్కువగా కొంటున్నారు. స్టైలిష్ అప్పీల్, మోడ్రన్ ఫీచర్లు & పవర్ఫుల్ ఇంజిన్ కారణంగా ఈ SUV చాలా వేగంగా అమ్ముడవుతోంది. హైదరాబాద్, విజయవాడలో హ్యుందాయ్ క్రెటా బేస్ వేరియంట్ ఎక్స్-షోరూమ్ ధర రూ. 11.11 లక్షలు (Hyundai Creta ex-showroom price, Hyderabad Vijayawada). మీరు ఈ డ్రీమ్ కారును ఫైనాన్స్లో తీసుకుంటే, ముందుగా కొంత డౌన్ పేమెంట్ చేయాలి. ఆ తర్వాత మీ జీతం నుంచి ప్రతినెలా EMI కట్ అవుతుంది. నెలకు ఎంత EMI కట్ అవుతుంది, ఎన్నేళ్లు కట్ అవుతుందో లెక్కలు తెలుసుకుందాం.
హైదరాబాద్, విజయవాడలో ఆన్-రోడ్ ధర ఎంత?
హైదరాబాద్లో హ్యుందాయ్ క్రెటా ఆన్-రోడ్ ధర దాదాపు రూ. 13 లక్షల 76 వేలు. విజయవాడలో ఆన్-రోడ్ ధర దాదాపు రూ. 13 లక్షల 70 వేలు. మీరు, బెజవాడలో ఈ కారుకు ఫైనాన్స్ తీసుకోవాలంటే, ముందుగా రూ. 2.60 లక్షలు డౌన్ పేమెంట్ చేయాలి. మిగిలిన 11.10 లక్షలను కార్ లోన్గా తీసుకోవాలి. బ్యాంక్, ఈ రుణాన్ని 9 శాతం వడ్డీ రేటుతో మంజూరు చేసిందని అనుకుందాం.
EMI ఆప్షన్స్
4 సంవత్సరాల్లో కార్ లోన్ క్లియర్ కావాలంటే ప్రతి నెలా రూ. 27,599 EMI చెల్లించాలి.
5 సంవత్సరాల కోసం రుణం తీసుకుంటే ప్రతి నెలా రూ. 23,022 EMI కట్టాలి.
6 సంవత్సరాల రుణ కాలపరిమితి పెట్టుకుంటే ప్రతి నెలా రూ. 19,992 EMI జమ చేయాలి.
7 సంవత్సరాల లోన్ టెన్యూర్ ఎంచుకుంటే ప్రతి నెలా రూ. 17,844 EMI కట్ అవుతుంది.
మీ జీతం రూ. 70-80 వేలు ఉండి, మీకు ఇతర పెద్ద రుణ బాధ్యతలు లేకపోతే, మీరు 4 సంవత్సరాల లోన్ టెన్యూర్ ఎంచుకోవచ్చన్నది ఆర్థిక నిపుణుల సలహా.
హ్యుందాయ్ క్రెటా పవర్ట్రెయిన్ & ఫీచర్లు
హ్యుందాయ్ క్రెటా మూడు 1.5-లీటర్ ఇంజిన్ వేరియంట్లతో మార్కెట్లో అందుబాటులో ఉంది. ఈ కారులో నేచురల్లీ ఆస్పిరేటెడ్ పెట్రోల్ ఇంజన్, టర్బోచార్జ్డ్ పెట్రోల్ ఇంజన్ & డీజిల్ ఇంజిన్ ఎంపికలు ఉన్నాయి. అప్డేట్ చేసిన క్రెటాలో 6-స్పీడ్ మాన్యువల్, ఇంటెలిజెంట్ వేరియబుల్ ట్రాన్స్మిషన్, (IVT), 7-స్పీడ్ డ్యూయల్ క్లచ్ ట్రాన్స్మిషన్ (DCT) & 6-స్పీడ్ టార్క్ కన్వర్టర్ ఆటోమేటిక్ ట్రాన్స్మిషన్ ఎంపికలు ఉన్నాయి.
ఏ కార్లతో ఇది పోటీ పడుతుంది?
ఇతర లక్షణాల దగ్గరకు వస్తే.. హ్యుందాయ్ క్రెటాలో ఇన్ఫోటైన్మెంట్ సిస్టమ్ను అప్డేటెడ్ కార్ టెక్నాలజీతో కనెక్ట్ చేశారు. ADAS లెవల్-2, 360 డిగ్రీల కెమెరా, పవర్డ్ డ్రైవర్ సీటు, వెంటిలేటెడ్ సీట్లు & ఇంకా చాలా మోడ్రన్ ఫీచర్లు ఉన్నాయి. మొత్తంగా, హ్యుందాయ్ క్రెటాలో 70 కంటే ఎక్కువ సేఫ్టీ ఫీచర్లు అందుబాటులో ఉన్నాయి.
హ్యుందాయ్ క్రెటా ఫేస్లిఫ్ట్ మార్కెట్లో Kia Seltos, Maruti Suzuki Grand Vitara & Toyota Urban Cruiser Hyhyder తో పోటీ పడుతుంది.
Before You Go
Auto Expo 2023 Day 1 Highlights: ఎంతో హైప్ తో మొదలైన ఆటో ఎక్స్ పో మొదటి రోజు హైలైట్స్
టాప్ హెడ్ లైన్స్
ట్రెండింగ్ వార్తలు
