Honda Shine 125 EMI Calculator: మధ్యతరగతి మెచ్చిన హోండా షైన్ 125 కొనాల‌నుకుంటున్నారా..! ఈఎంఐ వివ‌రాలు ఇవిగో!
హోండా షైన్ 125 బైక్ ఫీచర్లు, ధర అలాగే ఈఎంఐ ఆప్షన్ల గురించి వివ‌రంగా తెలుసుకుందాం . అలాగే తక్కువ వడ్డీతో సులభంగా మీ డ్రీమ్ బైక్ సొంతం చేసుకునే అవకాశం గురించిన వివ‌రాలు..
Honda Shine 125 EMI Calculator Update: ఇండియ‌న్ టూ-వీలర్ మార్కెట్‌లో కమ్యూటర్ మోటార్ సైకిళ్ల హవా ఎప్పుడూ ఉంటుంది. ఒకప్పుడు 100-110 సీసీ బైక్‌లు ఎక్కువగా అమ్ముడయ్యేవి. కానీ ఇప్పుడు ఆ స్థానాన్ని 125 సీసీ బైకులు ఆక్రమించాయి. ఈ విభాగంలో అత్యంత ప్రజాదరణ పొందిన పేరు 'హోండా షైన్ 125'. తన స్మూత్ ఇంజిన్ పర్ఫార్మెన్స్, కంఫర్ట్ రైడ్, నమ్మకానికి ఇది కేరాఫ్ అడ్రస్. ప్రస్తుతం ఈ బైక్ డ్రమ్ (Drum), డిస్క్ (Disc) అనే రెండు వేరియంట్లలో లభిస్తోంది. దీని ఎక్స్‌షోరూమ్ ధర రూ. 81,502 నుండి రూ. 85,862 మధ్య ఉంది. ఇటీవలే కంపెనీ ఇందులో ఒక లిమిటెడ్ ఎడిషన్‌ను కూడా ప్రవేశపెట్టింది.
ఇంజిన్ సామర్థ్యం - పవర్..
హోండా షైన్ 125 లో 123.94 సీసీ సింగిల్ సిలిండర్, ఎయిర్-కూల్డ్ ఇంజిన్‌ను అమర్చారు. ఇది 5-స్పీడ్ గేర్‌బాక్స్‌తో వస్తుంది. ఈ ఇంజిన్ 7,500 ఆర్పీఎమ్ వద్ద 10.6 బిహెచ్‌పి పవర్, 6,000 ఆర్పీఎమ్ వద్ద 11 ఎన్ఎమ్ టార్క్‌ను ఉత్పత్తి చేస్తుంది. సిటీ ట్రాఫిక్‌లో దూసుకుపోవడానికి, మైలేజ్ ఇవ్వడానికి ఈ ఇంజిన్ చాలా పక్కాగా సెట్ అవుతుందని విశ్లేష‌కులు పేర్కొంటున్నారు.
నెలకు ఎంత ఈఎంఐ కట్టాలి?
మీరు హోండా షైన్ 125 కొనాలని ప్లాన్ చేస్తూ, నెలకు ఎంత ఈఎంఐ (EMI) పడుతుందో అని ఆలోచిస్తున్నారా? మీ కోసం ఒక చిన్న లెక్క ఇక్కడ ఉంది. ఈ లెక్క కోసం మనం డిస్క్ వేరియంట్‌ను తీసుకుందాం. దీని ధర రూ. 85,862 అనుకుంటే, పూర్తి మొత్తం అంటే 100 శాతం లోన్ తీసుకున్నట్లు భావిద్దాం. వడ్డీ రేటు 9.5 శాతంగా తీసుకుంటే మీరు ఎంచుకునే కాలపరిమితిని బట్టి ఈఎంఐ మారుతుంది.
12 నెలల కాలపరిమితి లోన్ తీసుకుంటే, నెలకు సుమారు రూ. 7,548 ఈఎంఐ కట్టాల్సి ఉంటుంది. దీనివల్ల మీరు అదనంగా చెల్లించే మొత్తం వడ్డీ రూ. 4,717 అవుతుంది. అదే 24 నెలల కాలపరిమితికి ఒకవేళ మీరు లోన్ తీసుకుంటే, నెలకు కట్టాల్సిన ఈఎంఐ రూ. 3,962 కి తగ్గుతుంది. అయితే ఇక్కడ మీరు చెల్లించే మొత్తం వడ్డీ రూ. 9,219 కి పెరుగుతుంది.
గ‌మనించాల్సిన‌వి..
పైన చెప్పిన ఈఎంఐ లెక్కలు కేవలం ఒక ఉదాహరణ మాత్రమే. మీరు కట్టే డౌన్ పేమెంట్ (Down Payment), తీసుకునే లోన్ మొత్తం, బ్యాంకు వారు ఆఫర్ చేసే వడ్డీ రేటును బట్టి ఈ అంకెలు మారవచ్చు. మనం చెల్లించే వడ్డీ అమౌంట్ పై దానితో ముడిపడి ఉంటాయి. అందుకే బైక్ కొనే ముందు ఒకసారి దగ్గరలోని హోండా షోరూమ్ కు వెళ్లి తాజా ఫైనాన్స్ ఆఫర్ల గురించి ఎంక్వైరీ చేయడం ఉత్తమమ‌ని నిపుణులు పేర్కొంటున్నారు. హీరో హెచ్ఎఫ్ డీలక్స్ వంటి ఇతర బైక్‌లతో పోలిస్తే, హోండా షైన్ ఇచ్చే ప్రీమియం ఫీల్, ఇంజిన్ స్మూత్‌నెస్ కోసం కొంచెం ఎక్కువ ఖర్చు చేయడానికి వాహనదారులు మొగ్గు చూపుతున్నారని విశ్లేష‌కులు పేర్కొంటున్నారు. ఏదేమైనా సాధ్యమైనంత ఎక్కువ డౌన్ పేమెంట్ ద్వారా వడ్డీ భారాన్ని తగ్గించుకోవచ్చని, అలాగే రుణ కాలాన్ని తక్కువ నెలలు పెట్టుకుంటే కూడా ఇంట్రెస్ట్ రేట్ తగ్తుతుందని నిపుణులు సూచిస్తున్నారు.
టాప్ హెడ్ లైన్స్
ట్రెండింగ్ వార్తలు
