(Source: Poll of Polls)
Hyundai Creta Summer Edition: మార్కెట్లోకి హ్యుందాయ్ క్రెటా సమ్మర్ ఎడిషన్ - మధ్యతరగతి బడ్జెట్లో ప్రీమియం ఫీచర్లు!
హ్యుందాయ్ ఇండియా తన పాపులర్ ఎస్యూవీ క్రెటాలో 'సమ్మర్ ఎడిషన్'ను విడుదల చేసింది. తక్కువ ధర వేరియంట్లలో కూడా డ్యాష్క్యామ్ వంటి ప్రీమియం ఫీచర్లు అందించడమే దీని ప్రత్యేకత.
Hyundai Launches Creta Summer Edition News: ఇండియన్ ఎస్యూవీ (SUV) మార్కెట్లో తిరుగులేని రారాజుగా వెలుగొందుతున్న హ్యుందాయ్ క్రెటా ఇప్పుడు సరికొత్త 'సమ్మర్ ఎడిషన్' (Summer Edition) రూపంలో మన ముందుకు వచ్చింది. సాధారణంగా ఖరీదైన టాప్ వేరియంట్లలో మాత్రమే ఉండే ప్రీమియం ఫీచర్లను, ఇప్పుడు తక్కువ ధర కలిగిన బేస్, మిడ్-లెవల్ ట్రిమ్స్లో కూడా అందుబాటులోకి తెచ్చింది. ఈ కొత్త ఎడిషన్ ప్రారంభ ధర ఎక్స్షోరూమ్ వద్ద రూ. 12.05 లక్షలుగా ఉండగా, టాప్ మోడల్ ధర రూ. 17.88 లక్షల వరకు ఉంటుంది. హ్యుందాయ్ వెబ్సైట్ ద్వారా లేదా దగ్గరలోని డీలర్షిప్ల వద్ద ఈ కారును బుక్ చేసుకోవచ్చు. త్వరలోనే డెలివరీలు కూడా ప్రారంభం కానున్నాయి.
ఏ వేరియంట్లో మార్పులు ..?
హ్యుందాయ్ ఈ సమ్మర్ ఎడిషన్ను ఆరు వేరియంట్లలో ఆఫర్ చేస్తోంది. EX వేరియంట్ లో స్మార్ట్ కీ, పుష్-బటన్ స్టార్ట్ సదుపాయాన్ని కొత్తగా చేర్చారు. EX(O) వేరియంట్ లో క్వాడ్-బీమ్ ఎల్ఈడీ హెడ్ ల్యాంప్స్, ఎల్ఈడీ టైల్ ల్యాంప్స్, డీఆర్ఎల్స్ (DRLs), రియర్ విండో సన్షేడ్ వంటి లగ్జరీ ఫీచర్లు ఇందులో ఉన్నాయి. S(O) & SX వేరియంట్ లో భద్రత కోసం ఈ వేరియంట్లలో ఇన్-బిల్ట్ 'డ్యాష్క్యామ్' (Dashcam) అమర్చారు. SX Premium వేరియంట్ లో 10.25-అంగుళాల డిజిటల్ క్లస్టర్, సరౌండ్ వ్యూ మానిటర్, బ్లైండ్-స్పాట్ వ్యూ మానిటర్ వంటి హై-ఎండ్ టెక్నాలజీని అందించారు.
డ్యాష్క్యామ్ ప్రత్యేకతలు..
ఈ సమ్మర్ ఎడిషన్లో ప్రధాన ఆకర్షణ డ్యాష్క్యామ్. ఇది నిరంతరం రికార్డింగ్ చేయడమే కాకుండా, ఎమర్జెన్సీ సమయంలో ఆటోమేటిక్గా వీడియోలను సేవ్ చేస్తుంది. వెకేషన్ మోడ్ ద్వారా జర్నీ సీన్లను బంధించవచ్చు. ప్రత్యేకమైన యాప్ సహాయంతో ఈ వీడియోలను నేరుగా స్మార్ట్ఫోన్లోకి డౌన్లోడ్ చేసుకునే వీలుంది. కస్టమర్ల సేఫ్టీ, కన్వీనియన్స్ దృష్టిలో ఉంచుకుని హ్యుందాయ్ ఈ అప్డేట్స్ ఇచ్చింది.
ఇంజిన్ సామర్థ్యం - పర్ఫార్మెన్స్..
ఈ సమ్మర్ ఎడిషన్ కేవలం 1.5-లీటర్ పెట్రోల్, 1.5-లీటర్ డీజిల్ ఇంజిన్ ఆప్షన్లలో మాత్రమే లభిస్తుంది. టర్బో-పెట్రోల్ ఇంజిన్ కావాలనుకునే వారికి ఈ వెర్షన్ అందుబాటులో లేదు. పెట్రోల్ ఇంజిన్ 115 హెచ్పి పవర్ ఇస్తుండగా, డీజిల్ ఇంజిన్ 118 హెచ్పి పవర్ ఉత్పత్తి చేస్తుంది. 2025-26 ఆర్థిక సంవత్సరంలో 2 లక్షలకు పైగా క్రెటా కార్లు అమ్ముడయ్యాయని, ఈ కొత్త వేరియంట్లు క్రెటా ఆధిపత్యాన్ని మరింత పెంచుతాయని హ్యుందాయ్ నేషనల్ సేల్స్ హెడ్ సునీల్ మూల్చందాని ఆశాభావం వ్యక్తం చేశారు.
మిడ్-సైజ్ ఎస్యూవీ విభాగంలో క్రెటా క్రేజ్ ఈ అప్డేట్స్తో మరో స్థాయికి చేరనుందని విశ్లేషకులు అంటున్నారు. ఏదేమైనా మధ్య తరగతి పవర్ఫుల్ ఎస్ యూవీ స్థాయిలోని అందించడంపై విశ్లేషకులు ఆనందం వ్యక్తం చేస్తున్నారు.
టాప్ హెడ్ లైన్స్
ట్రెండింగ్ వార్తలు
