Honda City Facelift: హోండా సిటీ ఫేస్లిఫ్ట్ సరికొత్త లుక్ - డీలర్షిప్స్లో సందడి చేస్తున్న లగ్జరీ సెడాన్ కార్
భారత మార్కెట్లో మే 22న లాంచ్ కాబోతున్న హోండా సిటీ ఫేస్లిఫ్ట్ కార్ డిజైన్, ఫీచర్స్ వివరాలు డీలర్షిప్ స్పై షాట్స్ ద్వారా లీక్ అయ్యాయి.
Honda City Facelift Launching in India: ప్రముఖ ఆటోమొబైల్ సంస్థ హోండా కార్స్ ఇండియా తన పాపులర్ సెడాన్ హోండా సిటీ ఫేస్లిఫ్ట్ వర్షన్ను భారత మార్కెట్లో మే 22న గ్రాండ్గా లాంచ్ చేయడానికి ఫుల్ గా ప్రిపేర్ అవుతోంది. ఈ అఫీషియల్ లాంచ్కు ముందే కొత్త అప్డేటెడ్ మోడల్ దేశంలోని పలు డీలర్షిప్స్ వద్ద సందడి చేస్తూ కనిపించింది. అక్కడ లీకైన కొన్ని లేటెస్ట్ స్పై షాట్స్ ద్వారా ఈ కారుకు సంబంధించిన ఎక్స్టీరియర్ స్టైలింగ్, అప్డేటెడ్ లైటింగ్ సెటప్, క్యాబిన్ లోపల చేసిన కీలక మార్పుల వివరాలు పూర్తిగా బయటకు వచ్చాయి. ఐదవ జనరేషన్ హోండా సిటీ మోడల్లో వస్తున్న మొదటి మేజర్ అప్డేట్ ఇదే కావడం విశేషం. ప్రీมิయమ్ మిడ్సైజ్ సెడాన్ సెగ్మెంట్ లో తన మార్కెట్ పట్టును మరింత స్ట్రాంగ్ చేసుకోవడానికి హోండా ఈ కొత్త ఫేస్లిఫ్ట్ వర్షన్ను తీసుకువస్తోంది.
Read Also: పెరిగిన CNG ధరలు.. Tata Punch, Maruti Swift కార్లలో ఫుల్ ట్యాంక్కు ఎంత ఖర్చవుతుంది?
స్పోర్టీ లుక్ లో ఎక్స్టీరియర్ ,డిజైన్ చేంజెస్..
డీలర్షిప్స్ వద్ద దొరికిన స్పై ఇమేజెస్ ప్రకారం హోండా సిటీ ఫేస్లిఫ్ట్ ఫ్రంట్ ప్రొఫైల్ లో చాలా స్పష్టమైన మార్పులు కనిపిస్తున్నాయి. ఈ సరికొత్త సెడాన్ లో రీడిజైన్ చేసిన ఎల్ఈడీ హెడ్ల్యాంప్స్ ఇచ్చారు. దీని పైభాగంలో ఇంటిగ్రేటెడ్ డీఆర్ఎల్స్ (DRLs) సెట్ చేశారు. ఈ డీఆర్ఎల్స్ అన్నీ సరికొత్త ఫ్రంట్ గ్రిల్ లోపల దాగి ఉండేలా ఒక స్లిమ్ లైట్ బార్ ద్వారా కనెక్ట్ అయి ఉన్నాయి. ఇది కారుకు మరింత మోడర్న్, క్లాసీ లుక్ ఇస్తోంది. కారు ముందు భాగంలో ఉన్న గ్రిల్ మునుపటి కంటే చాలా క్లీన్గా, షార్ప్గా కనిపిస్తోంది. బంపర్ కూడా స్పోర్టీ అప్పీయరెన్స్ ఇచ్చేలా పూర్తిగా రీడిజైన్ చేశారు. డీలర్షిప్లో కనిపించిన టెస్ట్ కారులో ఫాగ్ ల్యాంప్స్ కనిపించకపోవడం గమనార్హం.
Read Also: Tata Nexon లేదా Nissan Magnite .. ధర, మైలేజ్, ఫీచర్ల పరంగా ఏ కారు కొనడం మంచిది?
ఈ కారు ప్రొఫైల్ చూస్తే ప్రస్తుతం మార్కెట్లో ఉన్న మోడల్ లాగే క్లాసిక్, ప్రీమియం సిల్హౌట్ను హోండా కంటిన్యూ చేసింది. కాకపోతే ఇందులో కొత్తగా డిజైన్ చేసిన బ్లాక్ ఫినిష్డ్ అల్లాయ్ వీల్స్ సెంటరాఫ్ అట్రాక్షన్గా నిలుస్తున్నాయి. ఇవి సెడాన్కు మరింత స్పోర్టీ క్యారెక్టర్ను యాడ్ చేస్తున్నాయి. వీటి సైజ్ యధావిధిగా 16 ఇంచులు ఉండే అవకాశం ఉంది. కారు వెనుక భాగంలో టెయిల్ ల్యాంప్స్ పాత మోడల్ లాగే ఉన్నప్పటికీ, మరింత అగ్రెసివ్ లుక్ కోసం హోండా వీటికి స్మోక్డ్ ఫినిషింగ్ ఇచ్చే ఛాన్స్ ఉంది. రేర్ బంపర్ ను కూడా పాత సి-షేప్ డిజైన్ ఎలిమెంట్స్ తీసేసి స్పోర్టీగా మార్చారు. బూట్ లిడ్ పై ఇంటిగ్రేటెడ్ స్పాయిలర్ కూడా హైలైట్గా కనిపిస్తోంది.
అడ్వాన్స్డ్ ఫీచర్లతో ఇంటీరియర్ ,ఇంజన్ స్పెసిఫికేషన్స్..
కారు క్యాబిన్ లోపలి విషయానికి వస్తే ప్రస్తుతం ఉన్న 8 ఇంచుల డిస్ప్లే కంటే పెద్దదైన ఇన్ఫోటైన్మెంట్ టచ్స్క్రీన్ను ఈ కొత్త హోండా సిటీ ఫేస్లిఫ్ట్ లో ఆఫర్ చేయనున్నారు. కొత్త డిస్ప్లే కాస్త అప్రైట్ లేఅవుట్ లో ఫ్రీ-స్టాండింగ్ స్టైల్ లో ఉండేలా స్పై షాట్స్ సంకేతాలు ఇస్తున్నాయి. ఇందులో వైర్లెస్ ఆండ్రాయిడ్ ఆటో, ఆపిల్ కార్ప్లే లాంటి స్మార్ట్ కనెక్టివిటీ ఫీచర్స్ కూడా రానున్నాయి. దీంతో పాటు బ్లాక్ అండ్ బేజ్ డాష్బోర్డ్ థీమ్, బేజ్ కలర్ సీట్ అప్హోల్స్టరీ, యాంబియంట్ లైటింగ్, పాత స్టీరింగ్ వీల్ డిజైన్ యధావిధిగా కొనసాగే అవకాశం ఉంది.
మెకానికల్ పరంగా చూస్తే హోండా సిటీ ఫేస్లిఫ్ట్ ఇంజన్ లో ఎలాంటి మార్పులు చేయడం లేదు. ప్రస్తుతం ఉన్న 1.5 లీటర్ నేచురల్లీ ఆస్పిరేటెడ్ పెట్రోల్ ఇంజన్నే ఇందులోనూ కంటిన్యూ చేయనున్నారు. ఇది 6-స్పీడ్ మాన్యువల్ గేర్బాక్స్ లేదా సీవీటీ (CVT) ఆటోమేటిక్ ఆప్షన్లతో రానుంది. వీటితో పాటు బెస్ట్ మైలేజ్ ఇచ్చే పాపులర్ సిటీ ఇ:హెచ్ఈవి (e:HEV) స్ట్రాంగ్ హైబ్రిడ్ వర్షన్ను కూడా హోండా మార్కెట్లో కొనసాగించనుంది.
Before You Go
Auto Expo 2023 Day 1 Highlights: ఎంతో హైప్ తో మొదలైన ఆటో ఎక్స్ పో మొదటి రోజు హైలైట్స్
టాప్ హెడ్ లైన్స్
ట్రెండింగ్ వార్తలు
