GST కోత తర్వాత Hero Passion Plus ఎంత మిగులుస్తుంది? - దీనికి ప్రత్యామ్నాయ బైక్లు ఏవి?
GST Reforms 2025: GST తగ్గింపు తర్వాత, హీరో ప్యాషన్ ప్లస్ బైక్ గతంలో కంటే మరింత అందుబాటులోకి వచ్చింది. ఈ బైక్కు బదులు కొనదగిన మరికొన్ని ప్రత్యామ్నాయ బైక్లు కూడా ఉన్నాయి.
Hero Passion Plus New Price After GST 2025 Cut: హీరో ప్యాషన్ ప్లస్ తెలుగు ప్రజలకే కాదు, యావత్ దేశానికి ఇష్టమైన & పాపులర్ కమ్యూటర్ బైకుల్లో ఒకటి. GST తగ్గింపు తర్వాత, ఈ టూవీలర్ గతంలో కంటే మరింత తక్కువ ధరకు లభిస్తోంది. GST తగ్గింపు తర్వాత, హైదరాబాద్లో హీరో ప్యాషన్ ప్లస్ ఎక్స్-షోరూమ్ ధర రూ. 75,481 కు & విజయవాడలో ఎక్స్-షోరూమ్ ధర రూ. 75,583 కు తగ్గింది. గతంలో, ఈ బైక్ ధర సుమారు రూ. 82,200 గా ఉండేది. అంటే, తెలుగు రాష్ట్రాల్లో ఈ బండిని కొనేవాళ్లకు ఇప్పుడు దాదాపు రూ. 6,600 మిగులుతుంది.
తెలుగు రాష్ట్రాల్లో ఆన్-రోడ్ ధరలు
హైదరాబాద్లో హీరో ప్యాషన్ ప్లస్ ఆన్-రోడ్ ధర దాదాపు రూ. 92,700 (Hero Passion Plus New on-road price, Hyderabad) & విజయవాడలో ఆన్-రోడ్ ధర దాదాపు రూ. 93,000 (Hero Passion Plus New on-road price, Vijayawada).
హీరో ప్యాషన్ ప్లస్ ఇంజిన్ & మైలేజ్
హీరో ప్యాషన్ ప్లస్ 97.2 సిసి, సింగిల్ -సిలిండర్, ఎయిర్-కూల్డ్, OBD 2B ఇంజిన్తో పని చేస్తుంది. ఈ ఇంజిన్ 7.91 bhp పవర్ & 8.05 Nm టార్క్ను ఉత్పత్తి చేస్తుంది. ఈ మోటార్ సైకిల్ 4-స్పీడ్ మాన్యువల్ గేర్బాక్స్తో గంటకు గరిష్టంగా 85 km వేగాన్ని అందుకోగలదు. కంపెనీ డేటా ప్రకారం, హీరో ప్యాషన్ ప్లస్ లీటరు పెట్రోలుకు 70 km మైలేజీని (Hero Passion Plus Mileage) అందిస్తుంది. ఈ బండికి 11 లీటర్ల ఇంధన ట్యాంక్ ఉంది, ఈ ట్యాంక్ను ఫుల్ చేస్తే దాదాపు 770 km దూరం ప్రయాణించగలదు. ఆఫీస్ లేదా మరేదైనా పని మీద రోజూ తిరిగేవాళ్లకు ఇది చాలా మంచి సంఖ్య.
హీరో ప్యాషన్ ప్లస్, రోజువారీ ఉపయోగం కోసం చాలా ప్రాక్టికల్ & యూజ్ఫుల్ ఫీచర్లను కలిగి ఉంది. i3S టెక్నాలజీ, సెమీ-డిజిటల్ ఇన్స్ట్రుమెంట్ కన్సోల్, ట్రిప్ మీటర్, ఓడోమీటర్, ఇంధన గేజ్, USB ఛార్జింగ్ పోర్ట్ & సైడ్-స్టాండ్ ఇంజిన్ కట్-ఆఫ్ వంటి లక్షణాలు దీనిలో ఉన్నాయి. రైడర్ & కో-రైడర్ భద్రత కోసం ముందు & వెనుక చక్రాలకు 130 mm డ్రమ్ బ్రేక్లు ఇచ్చారు, ఇవి ఇంటిగ్రేటెడ్ బ్రేకింగ్ సిస్టమ్ ( IBS ) తో వచ్చాయి. ఈ బ్రేకింగ్ సిస్టమ్, బైక్ రైడింగ్ను మరింత సురక్షితంగా చేస్తుంది, బ్రేక్ వేసినప్పుడు స్థిరత్వం ఇస్తుంది.
ఇది ఏ బైక్లతో పోటీ పడుతుంది?
హీరో ప్యాషన్ ప్లస్, ప్రధానంగా Honda Shine 100 వంటి 100cc బైక్లతో పోటీ పడుతుంది. TVS Radeon & Bajaj Platina వంటి బైక్లు కూడా Hero Passion Plus కు ప్రత్యామ్నాయ మోటార్ సైకిళ్లు.
Before You Go
Auto Expo 2023 Day 1 Highlights: ఎంతో హైప్ తో మొదలైన ఆటో ఎక్స్ పో మొదటి రోజు హైలైట్స్
టాప్ హెడ్ లైన్స్
ట్రెండింగ్ వార్తలు
