Hero MotoCorp First Flex Fuel Car: హీరో మోటోకార్ప్ తొలి ఫ్లెక్స్ ఫ్యూయల్ బైక్ లాంచ్: పెట్రోల్ తో పాటు ఇథనాల్ తో నడిచే సరికొత్త మోడల్స్.. 3న అఫీషియల్ ఎంట్రీ
ఇండియాలోనే అతిపెద్ద టూ వీలర్ల తయారీ సంస్థ హీరో మోటోకార్ప్ తన మొదటి పర్యావరణ హిత ఫ్లెక్స్ ఫ్యూయల్ బైక్ను జూన్ 3న అఫీషియల్ గా లాంచ్ చేయనుంది.
Hero MotoCorp First Flex Fuel Motorcycle Launch Confirmed : ఇండియన్ టూ వీలర్ మార్కెట్లో సరికొత్త రికార్డులు సృష్టిస్తూ దూసుకుపోతున్న ప్రముఖ సంస్థ హీరో మోటోకార్ప్ (Hero MotoCorp) క్లీన్ ఎనర్జీ వైపు అడుగులు వేస్తోంది. జూన్ 3న కంపెనీ తన మొదటి ఫ్లెక్స్ ఫ్యూయల్ మోటార్ సైకిల్ను ఇండియాలో గ్రాండ్ గా రిలీజ్ చేయడానికి ఏర్పాట్లు పూర్తి చేసింది. ఈ మెగా లాంచ్ ఈవెంట్కు కేంద్ర రోడ్డు రవాణా, రహదారుల శాఖ మంత్రి నితిన్ గడ్కరీ, కేంద్ర పెట్రోలియం, సహజ వాయువు శాఖ మంత్రి హర్దీప్ సింగ్ పూరి ముఖ్య అతిథులుగా హాజరు కానున్నారు. ఇండియాలో తక్కువ కాలుష్యంతో నడిచే ప్రత్యామ్నాయ ఇంధనాల వాడకాన్ని ప్రోత్సహించడంలో ఈ కొత్త బైక్ లాంచ్ ఒక మైలురాయిగా నిలవనుంది.
అసలు ఫ్లెక్స్ ఫ్యూయల్ వెహికల్ అంటే ఏమిటి?
ఫ్లెక్స్ ఫ్యూయల్ వాహనాల్లో అమర్చే ఇంటర్నల్ కంబషన్ ఇంజన్ కేవలం పెట్రోల్ మాత్రమే కాకుండా, పెట్రోల్ తో పాటు ఇథనాల్ కలిపిన ఏ బ్లెండ్ తోనైనా ఈజీగా రన్ అవుతుంది. 85 శాతం ఇథనాల్ మిశ్రమంతో కూడిన ఈ85 (E85) ఇంధనంతో సహా అంతకంటే ఎక్కువ మోతాదు ఉన్న ఇంధనాలతో కూడా ఇవి నడుస్తాయి. ప్రస్తుతం ఇండియా మార్కెట్లో ఈ20 (E20) ఇంధనానికి సపోర్ట్ చేసే వాహనాలు అందుబాటులో ఉన్నాయి. భవిష్యత్తులో ఈ ఫ్లెక్స్ ఫ్యూయల్ వాహనాల ద్వారా ఈ100 (E100) అంటే 100 శాతం ప్యూర్ ఇథనాల్ ఇంధన వినియోగాన్ని అందుకోవడమే ప్రభుత్వ మెయిన్ టార్గెట్.
స్ప్లెండర్ లేదా హెచ్ఎఫ్ డీలక్స్ లలో సరికొత్త ఇంజన్ టెక్నాలజీ
హీరో మోటోకార్ప్ ఈ ఫ్లెక్స్ ఫ్యూయల్ ఇంజన్ తో వస్తున్న తన మొదటి బైక్ పేరును ఇంకా అఫీషియల్ గా అనౌన్స్ చేయలేదు. అయితే ఆటోమొబైల్ నిపుణుల అంచనాల ప్రకారం కంపెనీకి మోస్ట్ పాపులర్ కమ్యూటర్ మోడల్స్ అయిన స్ప్లెండర్ (Splendor) లేదా హెచ్ఎఫ్ డీలక్స్ (HF Deluxe) బైక్స్ లోనే ఈ కొత్త టెక్నాలజీని తీసుకురానున్నారు. భారత్ మొబిలిటీ గ్లోబల్ ఎక్స్పో 2025 లో హీరో సంస్థ ప్రదర్శించిన మొదటి ఫ్లెక్స్ ఫ్యూయల్ మోడల్ కూడా హెచ్ఎఫ్ డీలక్స్ ఆధారంగానే డిజైన్ కావడం గమనార్హం. సాధారణ మిడిల్ క్లాస్ బైక్ కస్టమర్లను టార్గెట్ చేస్తూ హీరో ఈ ప్రయోగానికి రెడీ అయింది.
మార్కెట్లో ప్రస్తుత ఫ్లెక్స్ ఫ్యూయల్ వాహనాల రేస్
ప్రస్తుతం ఇండియా టూ వీలర్ మార్కెట్లో సుజుకి మోటార్ సైకిల్ సంస్థకు చెందిన జిక్సర్ ఎస్ఎఫ్ 250 (Gixxer SF 250) మోడల్ మాత్రమే ఫ్లెక్స్ ఫ్యూయల్ ఆప్షన్ తో లభిస్తోంది. 249 సీసీ సింగిల్ సిలిండర్ ఇంజన్ తో వస్తున్న ఈ బైక్ ఎక్స్-షోరూమ్ ధర రూ. 1.98 లక్షలుగా ఉంది. గతంలో హోండా సంస్థ లాంచ్ చేసిన సీబీ300ఎఫ్ ఫ్లెక్స్ ఫ్యూయల్ మోడల్ ఆ తర్వాత మార్కెట్ నుంచి డిస్కంటిన్యూ అయింది. ఫోర్ వీలర్ల విభాగంలో చూస్తే ప్రముఖ సంస్థ మారుతి సుజుకి జూన్ 5న ప్రపంచ పర్యావరణ దినోత్సవం సందర్భంగా వ్యాగన్ఆర్ (WagonR) ఫ్లెక్స్ ఫ్యూయల్ వెర్షన్ను లాంచ్ చేయడానికి ప్లాన్ చేస్తోంది.
Before You Go
Auto Expo 2023 Day 1 Highlights: ఎంతో హైప్ తో మొదలైన ఆటో ఎక్స్ పో మొదటి రోజు హైలైట్స్
టాప్ హెడ్ లైన్స్
ట్రెండింగ్ వార్తలు
