Bajaj Pulsar Festive Offers: ఆంధ్ర-తెలంగాణలో బజాజ్ పల్సర్‌ ఫెస్టివ్‌ ఆఫర్లు ప్రారంభం - ఒక్కో బండిపై రూ.10,000 వరకు లాభం
Bajaj Pulsar festival offers 2025: దసరా సందర్బంగా, బజాజ్, తన పల్సర్‌ బైక్‌లపై హ్యాట్రిక్‌ ఆఫర్‌ ప్రకటించింది. క్యాష్‌బ్యాక్‌, ఇన్సూరెన్స్‌ కలిపి ఒక్కో బండిపై రూ.10,000 బెనిఫిట్స్‌ ఆఫర్‌ చేస్తోంది.
Pulsar Bike Discounts Andhra Telangana: బజాజ్ ఆటో, తన అత్యంత పాపులర్‌ బైక్‌లలో ఒకటైన పల్సర్‌ సిరీస్‌కు ప్రత్యేకంగా "హ్యాట్రిక్‌ ఆఫర్‌" (Bajaj Pulsar Hattrick scheme) ప్రకటించింది. ఈ ఫెస్టివ్‌ సీజన్‌ను దృష్టిలో పెట్టుకుని ఈ ఆఫర్‌ అందిస్తోంది, ఇది లిమిటెడ్‌ పీరియడ్‌ స్కీమ్‌. ఆంధ్రప్రదేశ్, తెలంగాణతో పాటు మహారాష్ట్ర, గుజరాత్‌, కర్ణాటక, ఒడిశా, పశ్చిమ బెంగాల్‌, త్రిపురా, అస్సాం రాష్ట్రాల్లోనూ ఈ ఆఫర్‌ వర్తిస్తుంది.
హ్యాట్రిక్‌ ఆఫర్‌లో మూడు రకాల లాభాలు
బజాజ్ ప్రకటించిన ఈ పథకంలో కస్టమర్లు రూ. 10,000 వరకు ప్రయోజనం పొందవచ్చు. ఆఫర్‌లో మూడు రకాల లాభాలు ఉన్నాయి.
క్యాష్‌బ్యాక్‌ ఆఫర్‌: ఎంట్రీ లెవెల్‌ పల్సర్‌ మోడళ్లపై రూ. 2,500 వరకు క్యాష్‌బ్యాక్‌ లభిస్తుంది. ప్రీమియం మోడళ్లైన పల్సర్‌ NS200, NS160 పై మాత్రం రూ. 5,000 వరకు క్యాష్‌బ్యాక్‌ అందుతుంది.
ఇన్సూరెన్స్‌ సేవింగ్‌: బైక్‌ కొనుగోలు సమయంలో ఇన్సూరెన్స్‌ ఖర్చుల్లో తగ్గింపు పొందే అవకాశం ఉంటుంది.
జీరో ప్రాసెసింగ్‌ ఫీ: సెలెక్ట్‌ ఫైనాన్సింగ్‌ స్కీమ్స్‌ ద్వారా బైక్‌ కొనుగోలు చేసినప్పుడు ఎలాంటి ప్రాసెసింగ్‌ ఫీ చెల్లించాల్సిన అవసరం ఉండదు.
తెలుగు రాష్ట్రాల్లో స్పెషల్‌ ఆకర్షణ
ఆంధ్రప్రదేశ్, తెలంగాణల్లో ఈ ఆఫర్‌ దసరా పండుగ కోసం ప్రారంభమైంది. పండుగ సీజన్‌లో కొత్త బైక్‌ కొనుగోలు చేయాలనుకునే వారికి ఇది మంచి అవకాశం. ముఖ్యంగా యువత, మోస్ట్‌ పాపులర్‌ పల్సర్‌ సిరీస్‌ను ఇప్పుడు మరింత ఆకర్షణీయమైన ఆఫర్లతో కొనుగోలు చేయవచ్చు.
ఆంధ్రప్రదేశ్‌లో...
| రాష్ట్రం | పల్సర్‌ మోడల్‌ | ఎక్స్‌-షోరూమ్‌ ధర | క్యాష్‌ బ్యాక్‌ |
| ఆంధ్రప్రదేశ్ | 125 Carbon Fibre | రూ. 93,613 | రూ. 4,000 |
| NS125 | రూ. 99,994 | రూ. 2,500 | |
| 150 Single Disc | రూ. 1,12,659 | రూ. 3,000 | |
| NS160 | రూ. 1,30,483 | రూ. 5,000 | |
| NS200 | రూ. 1,42,502 | రూ. 5,000 |
తెలంగాణలో...
| రాష్ట్రం | పల్సర్‌ మోడల్‌ | ఎక్స్‌-షోరూమ్‌ ధర | క్యాష్‌ బ్యాక్‌ |
| తెలంగాణ | 125 Carbon Fibre | రూ. 93,613 | రూ. 4,000 |
| NS125 | రూ. 99,994 | రూ. 2,500 | |
| 150 Single Disc | రూ. 1,12,659 | రూ. 3,000 | |
| NS160 | రూ. 1,30,675 | రూ. 5,000 | |
| NS200 | రూ. 1,42,893 | రూ. 5,000 |
రీజనల్‌ మార్కెట్లలో ప్రమోషన్‌
ఈ హ్యాట్రిక్‌ ఆఫర్‌ను, బజాజ్ ఆటో, వివిధ రాష్ట్రాల్లో పండుగల సందర్భానికి అనుగుణంగా అమలు చేస్తోంది. మహారాష్ట్రలో గణేశ్‌ చతుర్థి వేడుకలకు ముందే, గుజరాత్‌లో నవరాత్రి సందర్భంగా, పశ్చిమ బెంగాల్‌లో దుర్గాపూజకు అనుగుణంగా, కర్ణాటక, ఆంధ్రప్రదేశ్, తెలంగాణలో దసరా పండుగకు ఈ ఆఫర్‌ను ప్రారంభించింది.
ఆఫర్‌ ఎప్పటి వరకు?
బజాజ్, ఈ ఆఫర్‌కు ముగింపు తేదీని ఇంకా ప్రకటించలేదు. అయితే ఇది పూర్తిగా పండుగ సీజన్‌ను దృష్టిలో పెట్టుకుని తీసుకొచ్చిన స్కీం కావడంతో ఆగస్టు నుంచి అక్టోబర్ వరకు కొనసాగుతుందని అంచనా. కాబట్టి ఈ సమయంలో బైక్‌ కొనుగోలు చేసేవారికి మంచి లాభం దక్కుతుంది.
కొనేవాళ్లు గుర్తుంచుకోవాల్సిన విషయం
ఈ ఆఫర్‌ షరతులు, నిబంధనలు రాష్ట్రాన్ని బట్టి, మోడల్‌ను బట్టి ఒక్కోలా ఉండే అవకాశం ఉంది. కాబట్టి, మీరు బజాజ్ హ్యాట్రిక్‌ స్కీమ్‌ కింద బైక్‌ కొనాలనుకుంటే, మీ సమీపంలోని బజాజ్ షోరూమ్‌ను సంప్రదించి పూర్తి వివరాలు తెలుసుకోవడం మంచిది.
టాప్ హెడ్ లైన్స్
ట్రెండింగ్ వార్తలు
