Weekly Horoscope March 03 to 09: ఈ వారం (మార్చి 03 - 09) ఈ రాశులవారికి ప్రశంసలు అందుకునే సమయం

Weekly Horoscope : గ్రహాల కదలిక, నక్షత్రాల ఆధారంగా ఓ రాశివారి ఫలితాలని అంచనా వేస్తారు జ్యోతిష్యులు. ఈ వారం రాశిఫలితాలు ఇక్కడ తెలుసుకోండి....

Image Credit: Pixabay

Weekly Horoscope  March 3rd  to march 9th : ఈ వారం మీ రాశిఫలితం...

మేష రాశి 

మేషరాశి వారికి ఈ వారం శుభ ఫలితాలున్నాయి. వృత్తి వ్యాపారాలు ఆశాజనకంగా సాగుతాయి. మీ ప్రయత్నాలు సఫలం అవుతాయి. చేపట్టిన పనిని మధ్యలో వదిలేయకుండా పూర్తిచేసేందుకు ప్రయత్నించాలి. ఆర్థిక పరిస్థితి బావుంటుంది. ఖర్చులు అదుపుచేయడంపై ప్రత్యేక దృష్టి సారించాలి. మంచి నిర్ణయాలు తీసుకుంటారు..స్నేహితుల నుంచి సహకారం అందుతుంది. 

వృషభ రాశి

వృషభ రాశి వారికి ఈ వారం కుటుంబంలో సంతోషకరమైన సమయం.   ఆరోగ్యం బాగుంటుంది. ఆర్థిక సంబంధిత విషయాల్లో మరోసారి ఆలోచించి నిర్ణయం తీసుకోవాలి. గతంలో ఆగిపోయిన పనులు ఈ వారం పూర్తిచేస్తారు. నూతన ఆదాయ మార్గాలపై దృష్టి సారిస్తారు. ఉద్యోగు, వ్యాపారులు, విద్యార్థులు మంచి ఫలితాలు పొందారు. 

మిథున రాశి

మిథున రాశివారికి ఈ వారం పనిలో పురోగతి ఉంటుంది. మీ లక్ష్యాలపై ప్రత్యేక దృష్టి సారించాలి. కుటుంబ సభ్యులు, స్నేహితుల కోసం సమయం వెచ్చించాలి. ఆర్థిక లావాదేవీల విషయంలో ప్రత్యేక శ్రద్ధ తీసుకోవాలి. పట్టుదలతో ఏ పని ప్రారంభించినా అడ్డంకులు ఎదురైనా పూర్తిచేయగలుగుతారు. కొన్ని అపోహలు మీనుంచి తొలగిపోతాయి..దూరమైనవారు మళ్లీ దగ్గరవుతారు. ఆరోగ్యంపై ప్రత్యేక శ్రద్ధ అవసరం. 

కర్కాటక రాశి 

కర్కాటక రాశి వారికి ఈ వారం మిశ్రమ ఫలితాలున్నాయి. కుటుంబ సభ్యులతో ఉన్న వివాదాలను కూర్చుని మాట్లాడుకోవడం ద్వారా పరిష్కరించుకునే ప్రయత్నం చేయాలి. ఈ వారం ఆరోగ్యం విషయంలో జాగ్రత్త. వృత్తి ఉద్యోగ వ్యాపారాల్లో ఇబ్బందికర సమస్యలు ఎదురవుతాయి. గ్రహబలం మీకు అనుకూలంగా లేదు..అందుకే ప్రయత్నంలో లోపం రానివ్వొద్దు. ఓ విషయంలో మాత్రం విజయం సాధిస్తారు.

సింహ రాశి

సింహ రాశి వారికి ఈ వారం ఆర్థిక పరిస్థితి  మరింత మెరుగుపడుతుంది. నూతన పెట్టుబడులపై శ్రద్ధ వహించాలి. ఈ వారం మీ కెరీర్‌లో పురోగతి సాధించే అవకాశం ఉంది. కుటుంబ సంబంధాలను దృఢంగా ఉంచుకునేందుకు ప్రత్యేక శ్రద్ధ వహించాలి. సహనంతో కాలాన్ని సద్వినియోగం చేసుకోవాలి. పక్కనే ఉండి ఇబ్బంది కలిగించేవారున్నారు.. ఊహించని సంఘటనలు ఎదురవుతాయి. 

కన్యా రాశి

ఈ రాశివారికి ఈ వారం విజయవంతమైన కాలం. విద్య , విజ్ఞాన రంగాలలో ఉండేవారు మంచి ఫలితాలు పొందుతారు. ప్రారంభించిన పనులు పూర్తవుతాయి. స్నేహితుల నుంచి అవసరమైన సహకారం అందుతుంది. నూతన సమాచారం అందుకుంటారు. ఆరోగ్యం విషయంలో ప్రత్యేక శ్రద్ధ అవసరం. ఆర్థిక పరిస్థితి మీరు ఊహించనంతగా మెరుగుపడుతుంది. 

తులా రాశి

తులా రాశి వారికి ఈ వారం సంతోష సమయం. కుటుంబానికి సమయం కేటాయించాలి. వివాదాలకు దూరంగా ఉండాలి. ఆర్థిక పరిస్థితి బావున్నప్పటికీ ఖర్చులు పెరుగుతాయి. ఆదాయ మార్గాలు మెరుగుపర్చుకునేందుకు ఇదే మంచి సమయం. ముఖ్యమైన నిర్ణయాలు తీసుకునేటప్పుడు పెద్దలతో సంప్రదించాలి. పనులు వాయిదా వేయవద్దు. వ్యాపారం, ఉద్యోగంలో మిశ్రమ ఫలితాలున్నాయి. 

వృశ్చిక రాశి 

వృశ్చికరాశి వారికి ఈ వారం వృత్తిపరమైన పురోగతికి అవకాశం ఉంది. మీరు మీ పనికి ప్రాధాన్యత ఇవ్వాలి లక్ష్యాల వైపు దృష్టి పెట్టాలి.  స్నేహితులు   కుటుంబ సభ్యులతో సమయాన్ని వెచ్చించండి. ఆర్థిక ప్రణాళికలను నిర్వహించాల్సి రావచ్చు. ఇప్పుడు తీసుకునే నిర్ణయాలు భవిష్యత్ లో మంచి విజయాన్నిస్తాయి. ప్రయత్నాల్లో స్పష్టత వస్తుంది. ఆశించిన ఫలితాలు సిద్ధిస్తాయి.  వ్యాపారంలో లాభాలున్నాయి. నూతన ప్రయత్నాలు ఫలిస్తాయి. పెట్టుబడులు కలిసివస్తాయి.  

ధనుస్సు రాశి

ఈ వారం ధనుస్సు రాశి వారు వృత్తి, వ్యాపారాల్లో విజయం సాధిస్తారు. కష్టపడి ప్రయత్నించిన తర్వాతే మీ లక్ష్యాలను చేరుకోగలుగుతారు. అనుకున్న సమయానికే పనిని పర్తిచేయాలి. మీ ఆర్థిక పరిస్థితిని మెరుగుపరుచుకోవాల్సి ఉంటుంది..ఖర్చులు అదుపుచేయాలి. ఉద్యోగులు పై అధికారుల నుంచి ప్రశంసలు పొందుతారు. నిరుద్యోగుల ప్రయత్నాలు సఫలం అవుతాయి. స్థిరాస్తులు, వాహనం కొనుగోలు చేయాలనే ప్రయత్నాలు అనుకూలిస్తాయి. 

మకర రాశి 

మకర రాశి వారికి కుటుంబంలో సంతోషకరమైన సమయం ఇది. వివాదాల్లో రాజీకి ప్రయత్నించడమే మేలు. ఆర్థికంగా కలిసొచ్చే సమయం ఇది.. ఖర్చులు అదుపుచేస్తే మరింత మంచి జరుగుతుంది. వ్యాపారంలో నూతన పెట్టుబడులు పెట్టేందుకు శుభసమయం. వ్యాపార భాగస్వాముల కారణంగా లాబపడతారు. ఉద్యోగులకు చిన్న చిన్న ఇబ్బందులున్నా వాటిని అధిగమిస్తారు. 

కుంభ రాశి 

ఈ వారం కుంభ రాశి వారికి విద్య , విజ్ఞాన రంగాలలో విజయవంతమైన కాలం. ఉద్యోగులు, వ్యాపారులకు మిశ్రమ ఫలితాలున్నాయి. విద్యార్థులు కష్టపడి చదివితే కానీ మంచి ఫలితాలు పొందలేరు. నూతన ప్రణాళికలు అమలు చేసేముందు సన్నిహితుల నుంచి సలహాలు సూచనలు తీసుకోవడం మంచిది. మీ చుట్టూ ఉండేవారిలో మీకు హానిచేసేవారున్నారు గుర్తించండి..అప్రమత్తంగా వ్యవహరించండి. ఆరోగ్యంపై శ్రద్ధ వహించాలి   క్రమం తప్పకుండా వ్యాయామం చేయాలి. 

మీన రాశి 

మీన రాశివారుఈ వారం ఆర్థిక విషయాలపై ప్రత్యేక శ్రద్ధ వహించాలి. న్యాయ సంబంధిత వ్యవహారాల్లో ఫలితం మీకు అనుకూలంగా వస్తుంది. ఉద్యోగులు ఉన్నతాధికారుల నుంచి ప్రశంసలు అందుకుంటారు. నూతన బాధ్యతలు చేపట్టే వీలుంది. ఆత్మవిశ్వాసంతో ఉండండి. ప్రేమ సంబంధిత విషయాల్లో సంతోష సమయం. ఇద్దరి మధ్యా ఉండే చిన్న చిన్న వివాదాలను కూర్చుని మాట్లాడుకోవడం ద్వారా పరిష్కరించుకోవాలి.

గమనిక: ఓ రాశిలో ఫలితాలన్నీ ఒక్కరికే చెందుతాయని భావించరాదు. మీ జాతకం, గ్రహస్థితి ఆధారంగా కూడా మారుతాయి. వ్యక్తిగత వివరాల కోసం జ్యోతిష్య పండితులను సంప్రదించగలరు.