Sun Transits Virgo 16 Sep till 17 Oct 2024: ఆగష్టు 17 నుంచి నెల రోజుల పాటూ ఈ 5 రాశులవారికి ఆర్థికనష్టం, అనుకోని సమస్యలు!

Sun Transits Virgo 2024: నెల రోజులకు ఓ రాశిలోకి పరివర్తనం చెందే సూర్యుడు ఆగష్టు 17న కన్యారాశిలోకి ప్రవేశిస్తున్నాడు. ఈ ప్రభావం అన్ని రాశులపైనా ఉంటుంది. ఈ 5 రాశులవారిపై ప్రతికూల ప్రభావం ఉంటుంది

Image Credit: Pixabay

Source : Pixabay

Sun Transits Virgo 16 Sep till 17 Oct 2024:  సింహరాశిలో సంచరిస్తున్న సూర్యుడు..ఆగష్టు 17న కన్యారాశిల అడుగుపెడుతున్నాడు. నెల రోజుల పాటూ ఇదే రాశిలో ఉంటాడు. ఏ గ్రహం రాశిమారినా ప్రభావం అన్ని రాశులవారిపై ఉంటుంది.. కొందరికి అనుకూల, మరికొందరికి ప్రతికూల, ఇంకొందరికి మిశ్రమ ఫలితాలుంటాయి. కన్యారాశిలో సూర్య సంచారం ఈ రాశులవారిపై మిశ్రమ ఫలితాలను చూపిస్తోంది.  

వృషభ రాశి

సూర్య సంచారం వృషభ రాశివారి వ్యక్తిగత, వృత్తిజీవితంలో ఉండే సంబంధాలలో సవాళ్లు తెచ్చి పెడుతోంది. వృత్తిపరమైన , సామాజిక ప్రతిష్టకు భంగం కలగవచ్చు. అనవసరస వాదనలకు దూరంగా ఉండడం మంచిది. పిల్లల ఆరోగ్యం గురించి శ్రద్ధ వహించండి. వ్యాపారులు లాభపడతారు కానీ నూతన పెట్టుబడులు పెట్టకపోవడమే మంచిది.  మానసిక , శారీరక దృఢత్వం కోసం యోగా , ధ్యానం ప్రాక్టీస్ చేయండి. 

మిథున రాశి

కన్యా రాశిలో సూర్య సంచారం మిథునరాశివారికి మిశ్రమ ఫలితాలనిస్తుంది. అహంకార ధోరణి తగ్గించుకుంటే వృత్తి జీవితంలో పురోగతి ఉంటుంది. పని ఒత్తిడి కారణంగా మానసికంగా అలసిపోతారు కానీ మీ బాధ్యతలు మీరు నిర్వర్తిస్తారు. మీ కుటుంబానికి సమయం కేటాయించండి. మీ ప్రియమైనవారితో ఆరోగ్యకర సంభాషణల వల్ల కొన్ని అపార్థాలు తొలగిపోతాయి. ఆరోగ్యంపై ప్రత్యేక శ్రద్ధ వహించాలి.  

మకర రాశి

సూర్య సంచారం మకర రాశివారికి మిశ్రమ ఫలితాలనిస్తోంది. ఈ సమయంలో మీకు సహనం చాలా అవసరం. కుటుంబానికి సమయం కేటాయిస్తారు కానీ మీ భావోద్వేగాలు షేర్ చేసుకోలేరు. ఇదే మరికొన్ని సమస్యలకు కారణం అవుతుంది. నూతన ప్రణాళికలు వేసుకుంటారు కానీ వాటిని చేరుకునేందుకు చాలా కష్టపడాల్సి ఉంటుంది. ఆత్మవిశ్వాసం తగ్గుతుంది. మీపై మీకు నమ్మకం లేకపోవడం వల్ల లక్ష్యసాధనలో వెనుకపడతారు. ఈ సమయంలో మానసికంగా బలహీనంగా ఉంటారు. 

కుంభ రాశి

కన్యా రాశిలో  సూర్య సంచారం కుంభ రాశివారి వ్యక్తిగత , వృత్తి జీవితంపై ప్రతికూల ప్రభావం చూపిస్తుంది. ఆర్థికంగా నష్టపోతారు. అనుకోని ఖర్చులుంటాయి. ఉద్యోగులకు కార్యాలయంలో ఇబ్బందులు తప్పవు. అనుకున్న లక్ష్యాలు నెరవేరవు, సమయానికి పనులు పూర్తిచేయలేరు. లేనిపోని వివాదాలుంటాయి. ఆత్మవిశ్వాసంతో ముందుకుసాగితే ప్రత్యర్థులకు చెక్ పెట్టొచ్చు. వ్యక్తిగతజీవితంలో ఉండే అపార్థాలను తొలగించుకునేందుకు ప్రయత్నించండి. అనారోగ్య సమస్యలు ఎదురవుతాయి 

మీన రాశి

కన్యా రాశిలో సూర్యుడి పరివర్తనం మీన రాశివారికి మిశ్రమఫలితాలనిస్తుంది. వ్యక్తిగత జీవితంలో అనుకోని అపార్థాలుంటాయి. ఉద్యోగులు కూడా కార్యాలయంలో ఆశించిన ఫలితాలు పొందలేరు. స్నేహితులు, సన్నిహితుల నుంచి సహాయం అడిగేందుకు మీ అహంకారం అడ్డొస్తుంది. భాగస్వామ్య వ్యాపారం చేసేవారికి వారి భాగస్వాములతో భిన్నాభిప్రాయాలొస్తాయి. వ్యక్తిగత జీవితంలోనూ చిన్న చిన్న ఇబ్బందులు తప్పవు.  

గమనిక: పండితులు సూచించిన విషయాలు, ఆధ్యాత్మిగ గ్రంధాల్లో పొందుపరిచిన వివరాల ఆధారంగా రాసిన కథనం ఇది. పైన సూచించిన నియమాలు అనుసరించాలా వద్దా అనేది పూర్తిగా మీ భక్తివిశ్వాసాలు, వ్యక్తిగత అభిప్రాయాలపై ఆధారపడిఉంటుంది..