Surya Gochar in Virgo 2024: కన్యా రాశిలోకి సూర్యుడు - ఆగష్టు 17 నుంచి ఈ 7 రాశులవారికి ఉద్యోగం, వ్యాపారంలో తిరుగులేదు!

Surya Gochar 2024: నెల రోజులకు ఓ రాశిలోకి పరివర్తనం చెందే సూర్యుడు ఆగష్టు 17న సింహరాశి నుంచి కన్యారాశిలోకి పరివర్తనం చెందుతాడు. ఈ ప్రభావం 12 రాశులపైనా ఉంటుంది.. ఈ 7 రాశులవారికి శుభఫలితాలున్నాయి

Image Credit: Pixabay

Source : Pixabay

Sun Transits Virgo 16 Sep till 17 Oct 2024: సింహరాశిలో సంచరిస్తున్న సూర్యుడు..ఆగష్టు 17న కన్యారాశిలోకి ప్రవేశించి సెప్టెంబరు 17 వరకూ ఇదే రాశిలో ఉంటాడు. కన్యా రాశిలో సూర్యప్రవేశం కొన్ని రాశులవారికి అద్భుతమైన ఫలితాలను ఇస్తోంది.

మేష రాశి

కన్యా రాశిలో సూర్య సంచారం మేష రాశివారికి వృత్తిపరంగా మంచి  ఫలితాలను ఇస్తుంది...అయితే ప్రత్యర్థులపట్ల జాగ్రత్త వహించాలి. అహంకారం కారణంగా గొడవలు, వ్యక్తిగత సంబంధాలలో సవాళ్లు ఉంటాయి. చేపట్టిన పనులు పూర్తిచేయడంలో సక్సెస్ అవుతారు. వ్యాపారాలు విస్తరిస్తారు. ప్రేమికుల మధ్య వివాదాలుంటాయి. విద్యార్థులు చదువుపై మాత్రమే దృష్టిసారిస్తే మంచి లక్ష్యాలు సాధిస్తారు.  ఆరోగ్యం బావుంటుంది..ఆహార నియమాలు అనుసరించండి.  

కర్కాటక రాశి

సూర్య సంచారం ఈ రాశివారికి వృత్తిపరమైన సవాళ్లను అధిగమించేందుకు సహాయపడుతుంది. వ్యక్తిగత సంబంధాలలో మంచి అవగాహన ఉంటుంది. ఆర్థిక స్థిరత్వం ఉంటుంది. ఉన్నత ఉద్యోగులు, సహోద్యోగులతో సంతోషంగా కలసిపోతారు. మీ ప్రియమైనవారితో మంచి అవగాహనతో కూడిన బంధాన్ని కలిగి ఉంటారు. అహంకార పూరిత ప్రవర్తన మీ బంధాలపై ప్రభావం చూపిస్తుంది. 

సింహ రాశి

సూర్యుడు మీ రాశి నుంచి కన్యారాశిలో ప్రవేశిస్తున్నాడు. ఈ సమయం మీకు ఆర్థిక స్థిరత్వానికి అనుకూల సమయం. అయితే వ్యక్తిగత, వృత్తిగత సంబంధాలలో మీరు ఆశించిన స్థాయిలో సహకారం ఉండదు. మీ మాటతీరుపై నియంత్రణ అవసరం. ఆర్థికపరిస్థితి అద్భుతంగా అనిపించినా ఖర్చుల విషయంలో జాగ్రత్తగా ఉండాలి. కుటుంబ సభ్యులతో అనవసర ఘర్షణలకు దూరంగా ఉండడం మంచిది. ఆరోగ్యంపై శ్రద్ధ అవసరం.  

కన్యా రాశి

సూర్య సంచారం మీ రాశిలోనే కావడంతో మీకు వృత్తి, ఉద్యోగం, వ్యాపారంలో ఆర్థిక స్థిరత్వం లభిస్తుంది. అయితే మీ వ్యక్తిగత బంధాల విషయంలో చాలా జాగ్రత్తగా ఉండాలి. మీ వైఖరి కారణంగా ఎదుటివారు బాధపడతారు. విదేశాలలో ఉద్యోగాలు చేసేవారు లాభపడతారు.  పనిభారం పెరుగుతుంది కానీ మంచి ఫలితాలు సాధిస్తారు. నూతన పెట్టుబుడులు పెట్టాలి అనుకుంటే అనుభవజ్ఞుల సలహాలు స్వీకరించడం మంచిది.

తులా రాశి

కన్యా రాశిలో సూర్య సంచారం తులారాశివారి జీవితంలో కొత్త వెలుగులు తీసుకొస్తుంది. ఉద్యోగం, వ్యాపారం బాగా సాగుతుంది. విదేశీ ప్రయాణాలు విజయవంతం అవుతాయి. కుటుంబంలో, కార్యాలయంలో ప్రశాంత వాతావరణం ఉంటుంది. అయితే మీ ప్రియమైనవారితో కమ్యూనికేట్ చేసేటప్పుడు మాటతీరుపై జాగ్రత్తలు అవసరం. ఆర్థిక లాభాలనిచ్చే వ్యక్తులతో పరిచయాలు ఏర్పడతాయి.  

వృశ్చిక రాశి 

ఆగష్టు 17 నుంచి నెల రోజులపాటూ వృశ్చికరాశివారి జీవితంలో కొత్తవెలుగులుంటాయి.  వృత్తిపరమైన శ్రేయస్సు ఉంటుంది..ఊహించని  ఆర్థిక లాభాలుంటాయి. ఇప్పుడు మీరుపడే కష్టానికి రానున్న రోజుల్లో మరిన్ని ప్రయోజనాలు పొందుతారు. ఆర్థిక పరిస్థితి ఆశాజనకంగా ఉంటుంది. తోబుట్టువులతో బంధం బావుంటుంది. వ్యక్తిగత సంబంధాలు స్నేహపూర్వకంగా ఉంటాయి.  

ధనస్సు రాశి

ధనుస్సు రాశి వారికి కన్యారాశిలో సూర్య సంచారం అన్నీ శుభఫలితాలనే అందిస్తోంది. వృత్తి జీవితం అద్భుతంగా ఉంటుంది. వ్యక్తిగత సంబంధాలు ఆనందాన్నిస్తాయి. ఏకాగ్రతతో అనుకున్న సమయానికి పనులు పూర్తిచేయగలుగుతారు. ఉద్యోగం మారాలి అనుకుంటే ఇదే మంచిసమయం. ప్రమోషన్ తో పాటూ జీతం పెరుగుతుంది. కుటుంబంలో సంతోషం ఉంటుంది. వ్యాపారాల్లో లాభాలు ఆర్జిస్తారు. ఆరోగ్యం బాగానే ఉంటుంది.  

గమనిక: పండితులు సూచించిన విషయాలు, ఆధ్యాత్మిగ గ్రంధాల్లో పొందుపరిచిన వివరాల ఆధారంగా రాసిన కథనం ఇది. పైన సూచించిన నియమాలు అనుసరించాలా వద్దా అనేది పూర్తిగా మీ భక్తివిశ్వాసాలు, వ్యక్తిగత అభిప్రాయాలపై ఆధారపడిఉంటుంది..