Maha Shivaratri Horoscope 8th March 2024: ఈ రాశులవారిపై శివుడి అనుగ్రహం పుష్కలం, మార్చి 08 రాశిఫలాలు

Horoscope Today: గ్రహాల కదలిక, నక్షత్రాల ఆధారంగా ఓ రాశివారి ఫలితాలని అంచనా వేస్తారు జ్యోతిష్యులు. ఈ రోజు రాశిఫలాలు ఇక్కడ తెలుసుకోండి....

Image Credit: Pixabay

Today Horoscope 8th March 2024

మేష రాశి
మీ ఆలోచనలు సరైన మార్గంలో ఉన్నాయి వాటిని అమలు చేయడానికి ఇదే మంచి సమయం. అయితే పెద్దల సలహాలు స్వీకరించడం ద్వారా మరిన్ని మంచి ఫలితాలు పొందుతారు. కుటుంబ బంధాల విషయంలో నిర్లక్ష్యంగా ఉండొద్దు. స్నేహితులతో కమ్యూనికేషన్ మెరుగుపర్చుకునేందుకు ప్రయత్నించండి. 

వృషభ రాశి

ఈ రాశి ఉద్యోగులు పనిలో ఏకాగ్రత వహించాలి. ఉన్నతాధికారులను మెప్పించాలంటే కష్టపడాల్సిందే. స్నేహితుల నుంచి అవసరమైన సహకారం లభిస్తుంది. ఆదాయం, ఆరోగ్యం బాగానే ఉంటుంది. ఆధ్యాత్మిక చింతన పెరుగుతుంది. 

మిథున రాశి

రోజంతా మీరు సంతోషంగా ఉంటారు. మిమ్మల్ని సంతోషంగా ఉంచేందుకు మీ కుటుంబ సభ్యులు ప్రయత్నిస్తారు. మీ జీవితంలోకి కొత్త వ్యక్తికి ఆహ్వానం పలికేందుకు సిద్ధంగా ఉండాలి. అవివాహితులకు పెళ్లి సంబంధం కుదురుతుంది. ఉద్యోగులు, వ్యాపారులు పనిలో సీరియస్ గా ఉండాలి. 

కర్కాటక రాశి

ఆర్థిక విషయాల్లో నిర్లక్ష్యాన్ని వీడండి. భవిష్యత్ కోసం ఆలోచన చేసేందుకు ఇదే మంచి సమయం. సొంతింటి నిర్మాణం గురించి కుటుంబంలో చర్చలు జరుగుతాయి. కొన్ని కీలక నిర్ణయాలు తీసుకోగలుగుతారు.మీలో ఆత్మవిశ్వాసం పెరుగుతుంది. 

సింహ రాశి

ఈ రాశివారికి కార్యాలయంలో, కుటుంబంలో చిన్న చిన్న వివాదాలు ఇబ్బంది పెడతాయి. మీడియా రంగంలో ఉండేవారికి శుభసమయం. పూర్వీకుల ఆస్తి తగాదాలు తీరిపోయి మీకు లాభం చేకూరుతుంది. ఉద్యోగం, కుటుంబ జీవితం మధ్య సమతుల్యతను పాటించాలి. 

కన్యా రాశి

ఎప్పటి నుంచో ఉన్న సమస్యల పరిష్కారానికి ప్రయత్నించాలి. ఈ రోజు మీపై పరమేశ్వరుడి అనుగ్రహం ఉంటుంది. మీరు చెప్పాలి అనుకున్న విషయాన్ని స్పష్టంగా తెలియజేయండి. ఇతరులపై మీ ఇష్టాన్ని రుద్దవద్దు. అవివాహితులకు వివాహ సూచనలున్నాయి. వ్యాపారులు భారీగా పెట్టుబడులు పెట్టొచ్చు. ఆదాయం పెరుగుతుంది. ఓ శుభవార్త వింటారు. 

తులా రాశి

ఈ రాశివారు నూతన ప్రాజెక్టుల గురించి సహోద్యోగులతో చర్చిస్తారు. ఉద్యోగులు, వ్యాపారులకు కలిసొస్చే సమయం. ప్రేమికులు పెళ్లి దిశగా అడుగేసేందుకు మంచి సమయం. వివాహితుల జీవితం సంతోషంగా ఉంటుంది. రియల్ ఎస్టేట్ లో పెట్టుబడులు పెట్టేందుకు ఆలోచన చేయండి. కుటుంబ వాతావరణం సంతోషంగా ఉంటుంది.

వృశ్చిక రాశి 

ఈ రాశివారు ప్రణాళికలను అమలు చేసేందుకు ఇదే మంచి సమయం. ఉద్యోగులు, వ్యాపారులు, విద్యార్థులు కష్టానికి తగిన ఫలితం పొందుతారు. కొన్ని విషయాల్లో రిస్క్ చేయడం ద్వారా మంచి ఫలితాలు పొందుతారు. కుటుంబానికి సమయం కేటాయించాలి. పిల్లల కారణంగా సంతోషంగా ఉంటారు. మీ లక్ష్యాలను పక్కనపెట్టేయవద్దు...

ధనుస్సు రాశి

ఈ రాశివారు రోజంతా బిజీగా ఉంటారు. కుటుంబ జీవితం బావుంటుంది. అవివాహితులకు వివాహ ప్రతిపాదనలు వస్తాయి. విద్యార్థులకు శుభసమయం. వ్యాపారులు నూతన పెట్టుబడులు పెట్టేముందు అనుభవజ్ఞుల సలహాలు స్వీకరించిన తర్వాతే ముందడుగు వేయాలి. నిరుద్యోగులకు ఉద్యోగ అవకాశాలు వస్తాయి. ఆరోగ్యం బావుంటుంది. ఆత్మవిశ్వాసం కోల్పోవద్దు. 

మకర రాశి

మీ కృషి ఫలిస్తుంది. పనిలో ఇతరుల కన్నా మీరు ప్రశంసలు అందుకుంటారు. నూతన ఆదాయ మార్గాలు వెతుక్కోవడంలో సక్సెస్ అవుతారు. వ్యాపారం మెరుగుపడుతుంది.  ఆస్తి సంబంధిత సమస్యలు పరిష్కారమవుతాయి. స్థిరాస్తి కొనుగోలు చేయాలనే ఆలోచన కార్యరూపం దాల్చే అవకాశం ఉంది. ప్రేమికులకు శుభదినం.

కుంభ రాశి
 
భవిష్యత్ కోసం ఆలోచించాల్సిన సమయం ఇది. ఆర్థిక విషయాల్లో నిర్లక్ష్యంగా ఉండొద్దు. అనవసర చర్చలకు, వివాదాలకు దూరంగా ఉండడం మంచిది. నిరుద్యోగుల నిరీక్షణ ఫలిస్తుంది. ఆరోగ్యం బావుంటుంది. కుటుంబంతో సంతోష సమయం గడుపుతారు. శివారాధన చేయండి ప్రశాంతత లభిస్తుంది. 

మీన రాశి

ఈ రాశివారు వృత్తి పరమైన లక్ష్యాలపై దృష్టి సారించాలి. ఆర్థిక పరిస్థితి ఇప్పుడిప్పుడే గాడిన పడుతోంది..అదనపు ఖర్చులు అదుపు చేయడం మంచిది. చిన్న చిన్న సమస్యలు మినహా ఆరోగ్యం బావుంటుంది. ఉత్సాహంగా ఉండేందుకు ప్రయత్నించండి. విద్యార్థులు, వ్యాపారులు మిశ్రమ ఫలితాలు పొందుతారు..

గమనిక: ఓ రాశిలో ఫలితాలన్నీ ఒక్కరికే చెందుతాయని భావించరాదు. మీ జాతకం, గ్రహస్థితి ఆధారంగా కూడా మారుతాయి. వీటిని ఎంతవరకూ పరిగణలోకి తీసుకోవాలన్నది పూర్తిగా మీ వ్యక్తిగతం