ఫిబ్రవరి 23 ప్రేమ రాశిఫలాలు: ఈ రాశివారి వైవాహిక జీవితంలో ఆనందం, ఆ రాశివారికి ప్రేమలో బ్రేకప్

Love Rasi Phalalu Today 23 February 2023 :ఆయా రాశిలో ఫలితాలన్నీ ఒక్కరికే వర్తిస్తాయని భావించరాదు. మీ జాతకం, గ్రహస్థితి ఆధారంగా కూడా మారుతాయి. వ్యక్తిగత వివరాల కోసం జ్యోతిష్య పండితులను సంప్రదించగలరు

Image Credit: Pixabay

మేష రాశి 

ఈ రాశివారు చికాకుతో ఏదో మాట్లాడుతుంటారు. ఇలాంటి మూడ్ లో ఉన్నప్పుడు మాట్లాడేముందు ఆలోచించండి. ముఖ్యంగా జీవిత భాగస్వామితో కానీ, ప్రేమించినవాతో అయినా మాట్లాడేటప్పుడు చిరాకు ప్రదర్శించవద్దు. బంధం బలహీనమవుతుంది. 

వృషభ రాశి

ఈ రాశి ప్రేమికులు, వివాహితులు ఏదో ఒకటి చేయాలనుకుంటారు. కుటుంబంలో వివాహం ప్రస్తావన తీసుకొచ్చే అవకాశం ఉంది...సమాధానం సిద్ధంగా ఉంచుకోండి. ప్రేమ వివాహాలు జరిగే అవకాశం ఉంది. 

మిథున రాశి

మీరు ఇష్టపడే వారిని కలవడానికి ప్లాన్ చేసుకోండి. ఇది మీ సంబంధాన్ని మెరుగుపరుస్తుంది. ఒంటరిగా ఉండేవారు జంటను వెతుక్కోవడంలో సక్సెస్ అవుతారు.నాలుగు గోడల మధ్య పరిమితం కాకుండా బయటకు అడుగుపెట్టడం ద్వారా మీకు ప్రశాంతత పెరుగుతుంది. 

కర్కాటక రాశి

ప్రేమ సంబంధాలకు సంబంధించి ఈ రోజు యువతకు అనుకూలంగా ఉంది. ప్రేమికులు కూడా తమ ప్రేమ విషయంలో సీరియస్ గా ఉండాలి. పెళ్లి చేసుకోవాలనుకునే వారు ఆ దిశగా అడుగేయడం మంచిది

సింహ రాశి

ఈ రోజు మీ భాగస్వామితో ఇంట్లో గడపడానికి బదులు బయటకు వెళ్లేందుకు ప్లాన్ చేసుకోండి. వివాదాలకు దూరంగా ఉండడం వల్ల బంధం మరింత బలపడుతుంది. వివాహితులు జీవిత భాగస్వామికి, అవివాహితులు ప్రేమించినవారికి సర్ ప్రైజ్ గిఫ్ట్ ఇచ్చేలా ప్లాన్ చేసుకుంటే ఆనందం రెట్టింపు అవుతుంది. 

కన్యా రాశి

ఈ రోజు ఈ రాశివారి ఆలోచనలు రొమాంటిక్ గా ఉంటాయి. మీరు ప్రేమలో ఆత్మవిశ్వాసంతో ఉంటారు. ఉద్యోగానికి సంబంధించి భాగస్వామి నుంచి శుభవార్త వింటారు. అవివాహితుల పెళ్లి ప్రయత్నాలు ఓ కొలిక్కి వస్తాయి. కుటుంబంతో సమయం గడుపుతారు.

తులా రాశి 

మీకు మీ భాగస్వామికి మధ్య గొడవలు జరుగుతుంటే ఈ రోజు పరిష్కారం దిశగా అడుగేయడం మంచిది. వారితో కూర్చుని మాట్లాడటం ద్వారా చాలా సమస్యలకు చెక్ పెట్టొచ్చు. ముందు మీరు ప్రశాంతంగా ఆలోచించండి

వృశ్చిక రాశి 

ఈ రాశివారు ప్రేమించిన వ్యక్తితో మంచి బంధాన్ని కలిగి ఉండలేరు. ఈ రోజు ఒత్తిడితో కూడుకున్నది అవుతుంది. ఖర్చులు పెరుగుతాయి. వైవాహిక జీవితం బావుంటంది. ఇద్దరి మధ్యా సయోధ్య పెరుగుతుంది. ఉద్యోగంలో ఎక్కడో ఒక చోట సమస్యలు వస్తాయి.

ధనుస్సు రాశి 

మీ భాగస్వామి మీకు ఏదైనా చెబితే చెడుగా తీసుకోకండి, ఎందుకంటే వారు ఆ విషయంలో ఉన్న అనుభవంతో చెబుతున్నారని అర్థం చేసుకోండి. అనవసర వాదనకు దిగొద్దు. మీ బంధాన్ని బలహీనపరిచే విషయాలను అస్సలు పొడిగించవద్దు.

మకర రాశి

ఈ రాశి ప్రేమికులకు మంచిరోజు. మీ భాగస్వామితో గతంలో సంతోషంగా గడిపిన క్షణాలు గుర్తుచేసుకుంటారు. వివాహేతర సంబంధం కారణంగా ఇబ్బందులు ఎదురవుతాయి. భాగస్వామి కొన్ని అసాధ్యమైన డిమాండ్లు చేయవచ్చు. కుటుంబం నుంచి మీకు అండ ఉంటుంది. 

కుంభ రాశి

ఈ రోజు ఈ రాశివారు కార్యాలయంలో ఏదో సమస్యతో ఇబ్బంది పడతారు కానీ కుటుంబం కారణంగా రిలీఫ్ పొందుతారు. జీవిత భాగస్వామితో సంతోషంగా ఉంటారు. ప్రేమికులకు అనుకూలమైన రోజు. 

మీన రాశి 

అందరి దృష్టి మీ ప్రేమ సంబంధంపై పడుతుంది. మీరు నోరు తెరిచి మాట్లాడకుండానే అపార్థాలు ఏర్పడతాయి.  ప్రేమికుల మధ్య బ్రేకప్ జరిగే అవకాశం ఉంది. తల్లిదండ్రుల నుంచి ప్రయోజనం పొందుతారు. త్వరగా భావోద్వేగానికి లోనవుతారు భార్యాభర్తల మధ్య పాత కలహాలు సమసిపోతాయి.