Political Astrology Prediction 2024 General Elections: రానున్న ఎన్నికల్లో ఈ రాశుల రాజకీయ నాయకులు ధనం నష్టపోయినా గెలుపు పక్కా!

ఏటా ఉగాది నాటికి ఆదాయ వ్యయాలు, రాజపూజ్యం అవమానం సహా ఆ ఏడాది గ్రహసంచారం ఎలా ఉందో తెలుసుకుంటారు. మరి రాజకీయాల పరంగా చూస్తే ఏ ఏ రాశులవారిని విజయం వరిస్తుందో ఇక్కడ తెలుసుకుందాం...

Image Credit: Pixabay

Political Astrology Prediction 2024 General Elections :  త్వరలో జరగబోయే ఎన్నికల్లో ఏ రాశుల నాయకులకు గ్రహబలం అనుకూలిస్తోంది..గురుబలం ఎవరికి ఉంది? శని ఎవరికి అనుకూల ఫలితాలనిస్తాడు? ఈ ఎన్నికల్లో ఖర్చుపెట్టినందుకు ఫలితం దక్కేదెవరికి? ఏ రాశులవారు విజయం సాధిస్తారో ఇక్కడ తెలుసుకోండి. 

మేష రాశి

ఈ ఏడాది మేష రాశి రాజకీయ నాయకులకు శనిబలం వల్ల కలిసొస్తుంది. ఎన్నికల్లో పోటీ చేస్తే విజయం సాధిస్తారు. ప్రజల్లో, అధిష్టాన వర్గాల్లో మంచి గుర్తింపు లభిస్తుంది. మంచి పదవి పొందుతారు. అయితే ఆర్థికంగా సమస్యలు ఎదుర్కోకతప్పదు...

వృషభ రాశి

వృషభ రాశి రాజకీయ నాయకులకు క్రోధి నామ సంవత్సరం అనుకూల సమయం. ప్రజల్లో, అధిష్టాన వర్గాల్లోనూ మంచి పేరు సంపాదిస్తారు. ధనం మంచి నీళ్లలా ఖర్చవుతుంది కానీ ఉన్నత పదవులు లభిస్తాయి. మీ చుట్టూ ఉండేవారే మీకు అన్యాయం చేస్తారు జాగ్రత్త వహించండి.  

మిథున రాశి

మిథున రాశి రాజకీయ నాయకులకు శనిబలం కలిసొస్తుంది. ప్రజల్లో మంచి గుర్తింపు లభిస్తుంది.  పార్టీలో మంచి పదవి లేదా ఏదో ఒక నామినేటెడ్ పదవి పొందుతారు. ఎన్నికల్లో మంచి ఫలితాలు సాధిస్తారు. ప్రజల్లో, అధిష్టాన వర్గంలో మంచి పేరు ప్రఖ్యాతులు సంపాదిస్తారు. ధనం మంచి నీళ్లలా ఖర్చవుతుంది.

కర్కాటక రాశి  

ఈ రాశి రాజకీయనాయకులకు మంచి సమయమే ఇది. ప్రజల్లో, అధిష్టానంలో మంచి పేరు ప్రఖ్యాతులుంటాయి. ఎన్నికల్లో విజయం సాధిస్తారు, ఆశించిన పదవులు పొందుతారు. ధనవ్యయం ఉంటుంది. చాలా నూతన కార్యక్రమాలు చేపడతారు.

(ఉగాది 2024 - 2025  క్రోధి నామ సంవత్సరం  వృషభ రాశి వార్షిక  ఫలితాల కోసం ఈ లింక్ క్లిక్ చేయండి)

తులా రాశి

తులా రాశి రాజకీయ నాయకులకు శ్రీ క్రోధి నామ సంవత్సరం మహోన్నత సమయం. ప్రజల్లో మంచి ఆదరణ పేరు ప్రఖ్యాతులు పొందుతారు. ఏదైనా నామినేటెడ్ పదవి పొందుతారు. శత్రువులను మీ తెలివితేటలతో ఎదుర్కొంటారు. ఎన్నికల్లో విజయం సాధిస్తారు. 

(ఉగాది 2024 - 2025  క్రోధి నామ సంవత్సరం  మిథున రాశి వార్షిక ఫలితాల కోసం ఈ లింక్ క్లిక్ చేయండి)

ధనస్సు రాశి

ధనస్సు రాశి రాజకీయనాయకులకు మహోన్నత కాలం. ప్రజల్లో మంచి పేరు ప్రఖ్యాతులు సంపాదిస్తారు. సేవా కార్యక్రమాలు చేయడం వల్ల మీ ఫాలోయింగ్ పెరుగుతుంది. మీరు ఆశించిన పదవి కాకపోయినా ఏదో ఒక పదవి తప్పనిసరిగా లభిస్తుంది. ఎన్నికల్లో విజయం సాధిస్తారు. 

మకర రాశి

ఈ రాశి రాజకీయనాయకులకు శనిబలం వల్ల తిరుగులేదు. ప్రతి విషయంలోనూ మీదే పైచేయి. పార్టీలో, ప్రభుత్వంలో మీరు భాగమవుతారు. మిమ్మల్ని దెబ్బతీసేందుకు ప్రయత్నించినవారు ఫెయిల్ అవుతారు. ఎన్నికల్లో మీరు విజయం సాధిస్తారు..

మీన రాశి

మీన రాశి రాజకీయనాయకులకు మంచి కాలమే. గ్రహాల అనుకూల స్థానంలో సంచారం వల్ల మీన రాశి వారు ప్రజల్లో మంచి అభిమానం సంపాదించుకుంటారు. అధిష్టానం మీ సేవల్ని గుర్తిస్తుంది. ఎన్నికల్లో ధనవ్యయం అధికంగా ఉంటుంది కానీ విజయం మీ సొంతం అవుతుంది.

మీ నక్షత్రం, రాశి ఏంటో తెలియకపోతే...మీ పేరులో మొదటి అక్షరం ఆధారంగా మీ నక్షత్రం తెలుసుకునేందుకు ఈ లింక్ క్లిక్ చేయండి...

Note: జ్యోతిష్య శాస్త్ర పండితులు చెప్పిన వివరాలు, కొన్ని పుస్తకాల ఆధారంగా రాసిన వివరాలివి.. వీటిని ఎంతవరకూ పరిగణలోకి తీసుకోవాలన్నది పూర్తిగా మీ వ్యక్తిగతం. మీ వ్యక్తిగత జాతకంలో ఉండే గ్రహస్థితి ఆధారంగా కూడా ఫలితాలు మారుతాయి...