Friendship Astrology: ఈ రాశులవారికి ఫ్రెండ్స్ తక్కువ ఎందుకో తెలుసా!

ఈ రాశులవారికి స్నేహితులుంటారు కానీ ఉత్తమ స్నేహితులు ఉండరంటారు జ్యోతిష్య శాస్త్ర పండితులు. ఆ రాశులేంటో ఎందుకో ఇక్కడ తెలుసుకోండి....

Image Credit: Pixabay

Zodiac Signs Have Less Friends: ఆగష్టు మొదటి ఆదివారం స్నేహితుల దినోత్సవం జరుపుకుంటారంతా. కొందరికి జస్ట్ ఫ్రెండ్స్, మరికొందరికి ఫ్రెండ్స్, ఇంకొందరికి బెస్ట్ ఫ్రెండ్స్ ఉంటారు. అయితే ఇది కూడా మీ రాశిపై ఆధారపడి ఉంటుందంటారు జ్యోతిష్య శాస్త్ర పండితులు. ఈ  రాశులవారికి బెస్ట్ ఫ్రెండ్స్ ఉండరు, ఎందుకో తెలుసా....

మేష రాశి
ఈ రాశివారిది మంచి వ్యక్తిత్వం, దృఢ నిశ్చయంతో ఉంటారు. వీరికి ఉత్తేజకరమైన స్నేహితులుంటారు.  కానీ వీరి హఠాత్తు స్వభావం... అభిప్రాయాలు వెంటనే మారిపోతుంటాయి.  అందుకే వీళ్లతో స్నేహం కొనసాగించేవారి సంఖ్య తక్కువ. తాత్కాలిక స్నేహితులు ఉన్నప్పటికీ దీర్ఘకాలిక కనెక్షన్లు కొనసాగించడంలో వీరు వెనుకబడే ఉంటారు

మిథున రాశి
నేను అందరితో బాగుంటా నాకు అందరూ స్నేహితులే అన్నది మిథున రాశివారి భావన. వీరికి స్నేహితులు చాలామంది ఉంటారు కానీ క్లోజ్ ఫ్రెండ్స్ తక్కువే ఉంటారు. అందరితో కలసిపోయి సరదాగా ఉంటారు. ఎక్కువ మందితో స్నేహాలు, పరిచయాలు ఏర్పడతాయి కానీ నిజమైన స్నేహితులు వీరికి దొరకడం కష్టమే. ఎవ్వరితోనూ పూర్తిగా ఉండరు. స్నేహ విషయంలో అస్థిరమైన ధోరణి కలిగి ఉంటారు.

కర్కాటక రాశి
కర్కాటక రాశి వారు కుటుంబ బంధాలకు ఎక్కువ విలువ ఇస్తారు. ఏ మాత్రం టైమ్ దొరికినా కుటుంబ సభ్యులకే టైమ్ కేటాయిస్తారు. అందులోనే ఆనందం వెతుక్కుంటారు. సమాజంలో బాగానే కనెక్ట్ అవుతారు. ఎక్కువ మందితో పరిచయాలుంటాయి కానీ ఎవ్వరితోనూ క్లోజ్ గా ఉండరు. ఎవ్వరితోనూ ప్రత్యేక బంధాన్ని ఏర్పరుచుకోవడం వీరికి ఇష్టం ఉండదు. పైగా అంత సులభంగా ఎవ్వర్నీ నమ్మరు. అందుకే  ఈ రాశివారికి స్నేహాలు పెద్దగా సూటవ్వవు.

సింహ రాశి
సింహరాశి వారు ఆకర్షణీయంగా, నమ్మకంగా కనిపిస్తారు. వీళ్లతో స్నేహం చేయాలని అందరూ అనుకుంటారు కానీ వీళ్ల తీరు గమనించాక దూరమైపోతారు. వ్యక్తిగత లాభం కోసం పరిస్థితులను తారుమారు చేసే ధోరణి కలిగి ఉంటారు. అందుకే వీరితో స్నేహం చేసేందుకు వెళ్లినప్పటికీ అతి త్వరలోనే ఈ రాశివారికి దూరమైపోతారు. వీళ్లకి కూడా తాత్కాలిక స్నేహితులే కానీ శాశ్వత స్నేహితులు ఉండరంటారు జ్యోతిష్య శాస్త్ర పండితులు.

తులా రాశి
తులారాశి వారు సంబంధాలలో సామరస్యం కోరుకుంటారు. అయినప్పటికీ ఈ రాశివారిలో ఎక్కువ మంది అవసరం కోసం మాత్రమే స్నేహం చేస్తారట. నిజాయితీగా ఉండడం కన్నా ఎదుటివారితో వివాదాలు లేకుండా గడిచిపోతే చాలనుకుంటారట. అందుకే వీరికి పరిచయాలు, స్నేహాలు ఉంటాయి కానీ ఉత్తమ స్నేహితులంటూ ఉండరని అంటారు.

ధనస్సు రాశి
ధనుస్సు రాశివారు సాహసోపేతంగా ఉంటారు. స్వతంత్రంగా వ్యవహరిస్తారు. వీరిలో చంచలత్వం ఎక్కువ. శాశ్వత స్నేహం అంటే ఈ రాశివారికి సవాలే అని చెప్పాలి. ఈ రాశివారు దృఢమైన కనెక్షన్‌ కొనసాగించడం కన్నా వారి వ్యక్తిగత స్వేచ్ఛకు ప్రాధాన్యత ఎక్కువ ఇస్తారట. 

​కుంభ రాశి
కుంభ రాశి వారు చాలామంది అంతర్ముఖులు. అంటే ఏ విషయం బయటకు చెప్పకుండా లోపలే దాచేసుకుంటారు. ఏ విషయంలోనూ ఇతరుల ముందు ఓపెన్ అవరు. పైకి  స్నేహం చేస్తున్నట్లు ఉన్నా లోపల మాత్రం ఏదో విషయంలో ఆందోళన చెందుతారు. అందుకే ఈ రాశివారు తొందరగా ఎవ్వర్నీ నమ్మరు. ఎదుటివారు కూడా తమపై నమ్మకాన్ని కోల్పోతారనే భావనలో ఉంటారు. ఈ కారణంగా అందరితో స్నేహం చేస్తున్నట్టే ఉన్నా లోతైన స్నేహం కొనసాగించరు.

​మీన రాశి
మీన రాశి వారు కొంచెం ఎమోషనల్ గా ఉంటారు. ప్రతి విషయంలోనూ ఎక్కువగా ఆలోచిస్తుంటారు. చాలాసార్లు మరీ ఎక్కువగా ఆలోచించి పరిస్థితులను గందరగోళం చేసుకునే సందర్భాలూ వీరి జీవితంలో ఉన్నాయి. ఈ ఆలోచనల ప్రవాహం ఎక్కువగా ఉండటంతో వీరు ఇతరుల ముందు సులభంగా ఓపెన్ అవ్వరు. అందుకే వీరితో స్నేహం చేద్దామని ప్రయత్నించే వారు కూడా వీరి ధోరణి ఆర్థం చేసుకోలేక దూరమైపోతారట. అందుకే మీన రాశివారికి స్నేహాలు ఉంటాయి కానీ బలమైన స్నేహితులు ఉండరు.

గమనిక:.ఆయా ఫలితాలన్నీ ఒక్కరికే వర్తిస్తాయని భావించరాదు. మీ జాతకం, గ్రహస్థితి ఆధారంగా కూడా మారుతాయి. వ్యక్తిగత వివరాల కోసం జ్యోతిష్య పండితులను సంప్రదించగలరు.   ‘ఏబీపీ దేశం’, ‘ఏబీపీ నెట్‌వర్క్’ ఈ విషయాలను ధృవీకరించడం లేదని గమనించగలరు.