Budh Gochar 2023: కర్కాటక రాశిలో బుధుడి సంచారం - ఈ 5 రాశులవారికి అనుకూలం!

ప్రస్తుతం మిథున రాశిలో ఉన్న బుధుడు జూలై 8 నుంచి కర్కాటకరాశిలోకి ప్రవేశిస్తాడు. ఈనెల 25 వరకూ అంటే దాదాపు మూడు వారాల పాటూ కర్కాటక రాశిలోనే సంచరిస్తాడు. ఈ  ప్రభావం అన్ని రాశులపైనా ఉంటుంది.

Image Credit: Pixabay

Budh Gochar 2023: బుధుడు మేధస్సు, కమ్యూనికేషన్, సంపద, వాణిజ్యం మరియు చర్చల గ్రహంగా పరిగణిస్తారు. ప్రస్తుతం మిథున రాశిలో ఉన్న బుధుడు జూలై 8 నుంచి కర్కాటకరాశిలోకి ప్రవేశిస్తాడు. ఈనెల 25 వరకూ అంటే దాదాపు మూడు వారాల పాటూ కర్కాటక రాశిలోనే సంచరిస్తాడు. ఈ  ప్రభావం అన్ని రాశులపైనా ఉంటుంది. కొన్ని రాశులపై ప్రతికూల ప్రభావం ఉంటే కొన్ని రాశులవారిపై అనుకూల ప్రభావం ఉంటుంది. ముఖ్యంగా ఐదు రాశులవారికి కర్కాటకంలో బుధుడి సంచారం వల్ల మంచిజరుగుతుంది. ఆర్థికంగా నిలదొక్కుకుంటారు, ఉద్యోగ, వ్యాపారంలో పురోగతి ఉంటుంది. 

మేష రాశి

కర్కాటక రాసిలో బుధుడి సంచారం వల్ల మేష రాశి వారికి లక్ష్మీదేవి అనుగ్రహం కలుగుతుంది. ఎప్పటి నుంచో పెండింగ్ లో ఉన్న పనులు పూర్తవుతాయి. ఆదాయ వనరులు పెరుగుతాయి..ఖర్చులు తగ్గుతాయి, అప్పులు తీరుతాయి. వాహనం కొనుగోలు చేసే ఆలోచనలో ఉంటే ఆ కోర్కె నెరవేరుతుంది. ప్రేమ జీవితం,వైవాహిక జీవితం బావుంటుంది. ఆస్తి తగాదాల వల్ల కొంత చికాకుగా ఉంటుంది. ఆరోగ్యం విషయంలో జాగ్రత్త.

వృషభ రాశి

బుధుడి సంచారం వృషభ రాశి వారికి జీవితంలో పురోగతిని కలిగిస్తుంది. నిరుద్యోగులు మంచి ఉద్యోగంలో స్థిరపడతారు. ఉద్యోగులు ఉన్నతాధికారుల నుంచి ప్రశంసలు పొందుతారు. కుటుంబంలో సంతోషకర వాతావరణం ఉంటుంది. నూతన వాహనం కొనుగోలు చేస్తారు. ఆర్థిక పరిస్థితి మెరుగుపడుతుంది. విదేశాలకు వెళ్లాలి అనుకునేవారికి ఇది సరైన సమయం కాదు.

కర్కాటక రాశి

మీ రాశిలోని బుధుడు సంచరిస్తున్నాడు. ఫలితంగా కర్కాటక రాశివారికి ఆర్థిక ప్రయోజనాలుంటాయి. వ్యాపారం బాగానే ఉంటుంది. నిరుద్యోగులకు ఉద్యోగ అవకాశం లభిస్తుంది. ఎప్పటినుంచో చేతికిరాదు అనుకున్న డబ్బు అనుకోకుండా అందుతుంది. వెంటాడుతున్న సమస్యలకు ఫుల్ స్టాప్ పడుతుంది.  తప్పనిపరిస్థితుల్లో తప్ప దూరప్రయాణాలు చేయకపోవడమే మంచిది

కన్యా రాశి

బుధుడి సంచారం మీకు మంచి చేస్తుంది. ఉద్యోగం, వ్యాపారం పరంగా ఇదే అనుకూలమైన సమయం. తలపెట్టిన పనులకు కుటుంబ సభ్యుల నుంచి సహకారం లభిస్తుంది. ఉద్యోగులకు కూడా ఇది మంచి సమయం. నిరుద్యోగులు మంచి ఉద్యోగంలో స్థిరపడతారు. సహోద్యోగుల నుంచి సహకారం ఉంటుంది. ఆదాయం పెరుగుతుంది. ఊహించినదానికన్నా లాభం ఎక్కువగా ఉంటుంది.

తులా రాశి

బుధుడి సంచారం తులారాశివారికి జీవితంలో ఊహించని మార్పులు తీసుకొస్తుంది. అనుకున్న పనులు, అనుకోకుండా ప్రారంభించిన పనులు కూడా పూర్తవుతాయి. పనిపట్ల అంకితభావం మిమ్మల్ని ఉన్నత స్థానంలో నిలబెడుతుంది. ఆర్థికంగా ఓ అడుగు ముందుకు పడుతుంది.   కొత్త ఉద్యోగం సంపాదిస్తారు. మీ పనిపై శ్రద్ధ పెరుగుతుంది

గమనిక: వివిధ శాస్త్రాలు, గ్రంథాలు, పండితులు పేర్కొన్న కొన్ని అంశాలను ఇక్కడ యథావిధిగా అందించాం.ఆయా ఫలితాలన్నీ ఒక్కరికే వర్తిస్తాయని భావించరాదు. మీ జాతకం, గ్రహస్థితి ఆధారంగా కూడా మారుతాయి. వ్యక్తిగత వివరాల కోసం జ్యోతిష్య పండితులను సంప్రదించగలరు.   ‘ఏబీపీ దేశం’, ‘ఏబీపీ నెట్‌వర్క్’ ఈ విషయాలను ధృవీకరించడం లేదని గమనించగలరు.