అక్టోబరు 01 రాశిఫలాలు - ఈ రాశులవారికి ఈ రోజు మంచి రోజే కానీ ఏదో ఒక విషయంలో కలత చెందుతారు!

Horoscope Prediction 1st October 2024 : గ్రహాల కదలిక, నక్షత్రాల ఆధారంగా జ్యోతిష్యులు రాశి ఫలితాలను అంచనా వేస్తారు. ఈరోజు రాశి ఫలాలు ఇక్కడ తెలుసుకోండి.

Horoscope Prediction 1st October 2024 (Image Credit: Pixabay)

Source : Pixabay

Daily Horoscope for 1st October 2024

మేష రాశి

ఇంటి వాతావరణం ఆహ్లాదకరంగా ఉంటుంది. మీరు చేపట్టే పనులకు కుటుంబ సభ్యుల నుంచి మద్దతు లభిస్తుంది. ఆధ్యాత్మిక కార్యక్రమాల పట్ల ఆసక్తి ప్రదర్శిస్తారు. ఉద్యోగులు, వ్యాపారులు శుభఫలితాలు పొందుతారు. 

వృషభ రాశి
 
ఈ రోజు మీకు మంచి రోజు అవుతుంది..కానీ..ఏదో విషయంలో మనసు కలతచెందుతూనే ఉంటుంది. కొత్త మూలల నుంచి ఆర్థిక ప్రయోజనం ఉండొచ్చు. అనారోగ్య సమస్యలు ఇబ్బందిపెడతాయి. చెడు ఆలోచనలు చేయవద్దు. 

మిథున రాశి

ఈ రోజు మీకు ముఖ్యమైన రోజు. ఊహించని ప్రయోజనం పొందుతారు. జీవిత భాగస్వామితో అనుబంధం బావుంటుంది. విద్యార్థులు కెరీర్ కి సంబంధించి కీలక నిర్ణయాలు తీసుకుంటారు. 

కర్కాటక రాశి 
 
ఈ రోజు మీరు ఓ సందిగ్ధ పరిస్థితిలో ఉంటారు. కుటుంబంలో సంతోషం ఉంటుంది. ఆత్మవిశ్వాసం పెరుగుతుంది. మీ పనిలో కొందరి జోక్యం వల్ల ఇబ్బంది పడతారు. అనారోగ్య సమస్యలున్నాయి జాగ్రత్తపడండి. పిల్లల కారణంగా సంతోషంగా ఉంటారు. 

సింహ రాశి

ఈ రోజు సింహరాశివారు స్థిరాస్తుల క్రయ, విక్రయాల్లో లాభపడతారు. పెద్ద పెద్ద ప్రాజెక్టులలో పెట్టుబడులు పెడతారు. అవివాహితులకు వివాహ సూచన ఉంది. నిరుద్యోగులకు ఇంకొంతకాలం నిరీక్షణ తప్పదు. ఏదో ఆందోళన ఉంటుంది.  తెలియని వ్యక్తుల పట్ల జాగ్రత్తగా వ్యవహరించండి. 

కన్యా రాశి

మీ మనోబలం తక్కువగా ఉంటారు. ఆరోగ్యం  బలహీనపడొచ్చు. ఉద్యోగులు పనిలో నిర్లక్ష్యంగా ఉండొద్దు..శత్రువులు పొంచి ఉన్నారు. అనుభవజ్ఞుల సలహాలు స్వీకరించకుండా వ్యాపారంలో భారీ పెట్టుబడులు పెట్టొద్దు. కుటుంబ సభ్యులతో మంచి ప్రవర్తన కలిగి ఉండండి. 

తులా రాశి

ఈ రోజు నూతన వ్యాపారంలో కొత్త ఒప్పందాలు కుదుర్చుకుంటారు. తరతరాలుగా చేస్తున్న వ్యాపారాల్లో లాభాలు ఆర్జిస్తారు. స్థిరాస్తుల నుంచి వచ్చే ఆదాయం పెరుగుతుంది. ప్రజాసంబంధాలు మెరుగుపడతాయి. ఉద్యోగులకు శుభసమయం.  

వృశ్చిక రాశి 

ఈ రోజు కార్యాలయంలో బిజీగా ఉంటారు. వ్యక్తిగత స్వార్థంతో మీతో సన్నిహితంగా వ్యవహరించేవారున్నారు జాగ్రత్తపడడండి. నూతన ఉద్యోగం ప్రారంభించేందుకు ఇదే మంచి సమయం. షేర్ మార్కెట్‌లో పెట్టుబడి పెట్టడం ద్వారా లాభాలను పొందుతారు. ఆరోగ్యం కొంత బలహీనంగా ఉంటుంది. కుటుంబ సమస్యలు పరిష్కారమవుతాయి.

ధనస్సు రాశి

ఈ రోజు మీకు కలిసొస్తుంది. మీ సక్సెస్ కుటుంబంలో సంతోషాన్ని పెంచుతుంది. విద్యార్థులు చదువు విషయంలో అప్రమత్తంగా ఉంటారు. నిరుద్యోగులు నూతన ఉద్యోగం సాధస్తారు. వ్యాపారంలో పెట్టుబడులు పెట్టేందుకు ఇదే మంచి సమయం. 

మకర రాశి

ఈ రోజు మీకుపనిపై ఆశక్తి ఉండదు. నూతన సౌకర్యాలను సద్వినియోగం చేసుకోలేరు. కొత్తగా పరిచయం అయినవారిని అతిగా నమ్మేయవద్దు. కార్మాగారాల్లో పనిచేసేవారు యంత్రాల వినియోగంలో అప్రమత్తంగా వ్యవహరించాలి. ఆధ్యాత్మిక కార్యక్రమాలపై శ్రద్ధ పెరుగుతుంది. 

కుంభ రాశి

ఈరోజు చాలా అద్భుతమైన రోజు అవుతుంది. మీ తెలివితేటల్ని, శక్తి సామర్థ్యాలను సక్రమంగా వినియోగించుకుంటే ఊహించని ప్రయోజనాలు పొందుతారు. వివాహం చేసుకోవాలి అనుకునేవారి నిరీక్షణ ఫలిస్తుంది. ప్రేమ సంబంధాలకు అనుకూలం. 

మీన రాశి

ఈ రాశివారు ఈ రోజు ముఖ్యమైనపనులను సకాలంలో పూర్తిచేస్తారు. కుటుంబంలో అశాంతి ఉంటుంది. ఆర్థిక లావాదేవీల విషయంలో జాగ్రత్తగా వ్యవహరించండి. ఉద్యోగులు పనితీరుతో ఉన్నతాధికారుల ప్రశంసలు పొందుతారు. వ్యాపారంలో లాభాలు ఆర్జిస్తారు.  

Note: ఓ రాశిలోని ఫలితాలు మొత్తం ఒక్కరికే వర్తిస్తాయని భావించరాదు..మీ జాతకంలో గ్రహస్థితి ఆధారంగా కూడా ఫలితాల్లో మార్పులుంటాయి.. వీటిని ఎంతవరకూ పరిగణలోకి తీసుకోవాలన్నది పూర్తిగా మీ వ్యక్తిగతం.