Weather Updates: బంగాళాఖాతంలో మరో అల్పపీడనం.. ఆ జిల్లాల్లో భారీ వర్షాలు పడే అవకాశం

బంగాళాఖాతంలో మరో అల్పపీడనం ఏర్పడే అవకాశం ఉందని వాతావరణ శాఖ అంచనా వేస్తుంది. దీనితో తెలుగు రాష్ట్రాల్లో వర్షాలు కురిసే అవకాశం ఉంది.

ప్రతీకాత్మక చిత్రం

బంగాళాఖాతంలో మరో అల్పపీడనం ఏర్పడే అవకాశాలున్నాయని భారత వాతావరణ కేంద్రం అధికారులు అంచనా వేస్తున్నారు. ఈ నెల 13వ తేదీ నాటికి ఏర్పడే అల్పపీడనం విస్తారంగా వర్షాలు పడతాయని అంచనా వేస్తున్నారు.

బంగాళాఖాతంలో ఏర్పడే.. ఉత్తరాంధ్ర నుంచి రాయలసీమ దాకా అన్ని జిల్లాల్లోనూ మోస్తరు నుంచి అతి భారీ వర్షాలు కురిసే అవకాశం ఉందని వాతావరణ శాఖ హెచ్చరికలు జారీ చేస్తోంది. బంగాళాఖాతం మధ్య ప్రాంతంలో ఏర్పడే ఈ అల్పపీడనం ఆగ్నేయ దిశగా ప్రయాణిస్తుంది. ఒడిశా తీరం వైపు కదులుతుందని అధికారులు చెబుతున్నారు. ఈ అల్పపీడనంతో ఒడిశాలోని పలు జిల్లాలు, ఉత్తరాంధ్రపై ఉంటుందని అంచనా వేస్తున్నారు. వారం రోజుల్లో ఉత్తరాంధ్ర జిల్లాల్లో చాలా చోట్ల  వర్షాలు కురుస్తాయని వాతావరణ నిపుణులు చెబుతున్నారు. ఒకటి రెండు ప్రాంతాల్లో మోస్తరు నుంచి భారీ వర్షపాతం నమోదయ్యే అవకాశం ఉందని చెబుతున్నారు. అల్పపీడనం ప్రభావంతో ఒడిశాపై అధికంగా ఉంటుందని తెలిపారు.

Dated: 10.10.2021
Government of India
India Meteorological Department
Meteorological Center, Amaravati.
----------------------
Thunderstorm warnings for Andhra Pradesh for next 5 days valid from 08:30 IST of 10.10.2021 to 08:30 IST of 15.10.2021 for the districts Andhra Pradesh. pic.twitter.com/5ERIYelFmP

— MC Amaravati (@AmaravatiMc) October 10, 2021

 

ఈ నెల 13 నుంచి 16వ తేదీ వరకు ఉత్తరాంధ్ర, ఒడిశా దక్షిణ ప్రాంత జిల్లాల్లో ఉరుములు, మెరుపులతో కూడిన వర్షపాతం నమోదవుతుందని అంచనా వేస్తున్నారు. ఉరుములు, మెరుపులతో పాటు బలమైన ఈదురుగాలులు వీస్తాయని వాతావరణ శాఖ అధికారుల అంచనా.

తెలంగాణలోనూ అక్కడక్కడా వర్షాలు కురుస్తాయని వాతావరణ శాఖ అధికారులు అంచనా వేస్తున్నారు. ఆదిలాబాద్, కొమరం భీమ్ అసిఫాబాద్, ములుగు, రాజన్న, సిరిసిల్ల, ఖమ్మం, నల్గొండ, సూర్యాపేట, మహబూబాబాద్, జనగాం, సిద్దిపేట, యాదాద్రి భువనగిరి, రంగారెడ్డి, హైదరాబాద్, మేడ్చల్ మల్కాజ్‌గిరి, మెదక్, కామారెడ్డి, మహబూబ్ నగర్, నాగర్‌కర్నూల్, వనపర్తి, నారాయణపేట, జోగులాంబ గద్వాల జిల్లాల్లోని పలు చోట్ల వర్షాలు పడే అవకాశముంది.

pic.twitter.com/Mhv5q21uhl

— IMD_Metcentrehyd (@metcentrehyd) October 10, 2021