YSRCP: చంద్రబాబు భవిష్యత్ భయంకరంగా ఉంటుంది- వైఎస్సార్సీపీ నేత సజ్జల రామకృష్ణారెడ్డి హెచ్చరిక
YSRCP :ఏపీ ముఖ్యమంత్రి చంద్రబాబు మారకపోతే భవిష్యత్ భయంకరంగా ఉంటుందని వైసీపీ నేత సజ్జల రామకృష్ణారెడ్డి వార్నింగ్ ఇచ్చారు. దీన్ని చంద్రబాబే మొదలు పెట్టారని ఆరోపించారు.
YSRCP Leader Sajjala Ramakrishna Reddy: ఆంధ్రప్రదేశ్లో కూటమి ప్రభుత్వ అరాచకాలు రోజురోజుకు పెరిగిపోతున్నాయని వైసీపీ నేత సజ్జల రామకృష్ణారెడ్డి ఆరోపించారు. ప్రశ్నించే వారందర్నీ జైల్లో పెట్టి భయపెట్టాలని చూస్తున్నారని అన్నారు. నెల్లూరు జైల్లో ఉన్న మాజీ మంత్రి కాకాణి గోవర్దన్ రెడ్డిని సజ్జల రామకృష్ణరెడ్డి కలిశారు. అనంతరం మీడియాతో మాట్లాడారు.
ఆంధ్రప్రదేశ్లోని కూటమి ప్రభుత్వం పూర్తిగా ఫెయిల్ అయిందని సజ్జల ఆరోపించారు. ప్రజలకు ఇచ్చిన హామీలు అమలు చేయకుండా వైసీపీ నేతలపై కక్ష సాధింపు చర్యలకు పాల్పడుతోందని అన్నారు. రాజకీయ పగతోనే నేతలపై వరుస పెట్టి కేసులు పెట్టి వేధిస్తున్నారని ఆగ్రహం వ్యక్తం చేశారు. ఆధారాలు లేకుండా కల్పిత కథనాలతో అలాంటి కేసే కాకాణిపై పెట్టారని మండిపడ్డారు. తప్పుడు కేసులు పెట్టి జైలుకు పంపించినంత మాత్రాన ఎవరూ భయపడిపోరని సజ్జల చెప్పుకొచ్చారు. జైలుకు వెళ్లిన వాళ్లంతా మరింత రాటుతేలుతారని చెప్పుకొచ్చారు.
కాకాణి గోవర్ధన్ రెడ్డి గారి కేసులో ఉద్దేశపూర్వకంగానే కొన్ని సెక్షన్లు యాడ్ చేసి అరెస్ట్ చేశారు
— YSR Congress Party (@YSRCParty) May 31, 2025
వైయస్ఆర్సీపీ నేతలకి ఒక కేసులో బెయిల్ రాబోతోందని తెలియగానే మరో కేసుతో రిమాండ్ కోరుతున్నారు
సోషల్ మీడియాలో పోస్టింగ్స్ సంబంధించిన కేసుకి కిడ్నాప్ సెక్షన్లు యాడ్ చేసి అరెస్ట్… pic.twitter.com/cwFKYMbRev
వైఎస్సార్సీపీలో ఉండే సీనియర్ నేతలను టార్గెట్ చేస్తారని తమకు ముందే తెలుసుఅన్నారు సజ్జల. తాము కూడా అన్నింటికీ సిద్ధంగానే ఉన్నామని జైలుకు వెళ్లడానికి రెడీ అన్నారు. ఇలా వ్యవస్థలను మేనేజ్ చేసి సిస్టమ్ను తప్పుదారి పట్టించి చేపట్టే ప్రక్రియ బాగాలేదన్నారు. అరెస్టు అనేది అల్టిమేట్ అని అన్నారు సజ్జల. కానీ అరెస్టు చేసిన తర్వాత కేసును పుటప్ చేస్తున్నారని మండిపడ్డారు.
చంద్రబాబు చేస్తున్న చర్యలు తిరిగి ఆయన మెడకు చుట్టుకుంటాయని హెచ్చరించారు సజ్జల. కచ్చితంగా దీనికి ఫలితం భయంకరంగా ఉంటుందని వార్నింగ్ ఇచ్చారు. ఒకసారి సిస్టమ్ దారి తప్పితే పరిణామాలు తీవ్రంగా ఉంటాయన్నారు. వైసీపీ అధికారంలో ఉన్నప్పుడు ఎప్పుడూ చట్టాన్ని ఎవరూ చేతులోకి తీసుకోలేదని అన్నారు. చంద్రబాబు, అచ్చెన్నాయుడు అందర్నీ సాక్ష్యాలతోనే అరెస్టు చేశామని గుర్తు చేశారు. ఇలా చేయాలనుకుంటే గెలిచిన మూడు నెలలకే చంద్రబాబును జైల్లో పెట్టే వాళ్లమని వ్యాఖ్యానించారు.
రెడ్ బుక్ రాజ్యాంగంతో రాష్ట్రంలోని అన్ని వ్యవస్థలనూ కూటమి ప్రభుత్వం భ్రష్టు పట్టించేసింది
— YSR Congress Party (@YSRCParty) May 31, 2025
ఎలాంటి ఆధారాలు లేకపోయినా కాకాణి గోవర్ధన్ రెడ్డి గారిని అరెస్ట్ చేయడం దారుణం @ncbn నాటుతున్న ఈ విత్తనం ఫలాలు రేపు ఎంత భయంకరంగా ఉంటాయో.. అతను ఊహించడం లేదు
-సజ్జల రామకృష్ణా రెడ్డి గారు,… pic.twitter.com/vCrGQEm5mX
మొదటి నుంచి చెబుతున్నట్టు రెడ్ బుక్ రాజ్యాంగం అమలు చేస్తూ భయభ్రాంతులకు గురి చేస్తున్నారని అన్నారు సజ్జల. తమకు సపోర్ట్ చేసే మీడియాలో కథనాలు రాయించడం, తర్వాత వాటి ఆధారంగా కేసులు పెట్టి ఎవరితోనో చెప్పించి కీలక నేతలను అరెస్టు చేస్తున్నారని అన్నారు. పబ్లిక్గానే పోలీసులు ప్రజలను కొడుతున్నారని తెలిపారు. సామాన్యులు భయపడిపోతున్నారని వివరించారు.
చంద్రబాబు తన రాజకీయ ఉనికి లేకుండా చేసుకుంటున్నారని అన్నారు సజ్జల. అధికారంలోకి వచ్చిన ఏడాదిలోనే ఇంత వ్యతిరేకత ఏ ప్రభుత్వంపై చూడలేదని అన్నారు. అందుకే ఈ ప్రభుత్వానికి పాడె కట్టేందుకు ప్రజలు సిద్ధమయ్యారని పేర్కొన్నారు.
Before You Go
Viral Video of a Man Wearing Leaf Helmet | ఎండ దెబ్బకి ఇతడేం చేశాడో చూడండి!
టాప్ హెడ్ లైన్స్
ట్రెండింగ్ వార్తలు
