Chandrababu Naidu: అమెరికాకు వెళ్లిన చంద్రబాబు, ఐదారు రోజుల పాటు అక్కడే

AP Latest News: టీడీపీ అధినేత చంద్రబాబు వైద్య పరీక్షల కోసం చంద్రబాబు అమెరికాకు వెళ్లారు. ఓ ఐదారు రోజుల పాటు ఆయన పర్యటన ఉండనున్నట్లు తెలుస్తోంది.

చంద్రబాబు

TDP Latest News: ఎన్నికల హడావుడి, పోలింగ్ కూడా ముగియడంతో రాజకీయ పార్టీల అధినేతలు విశ్రాంతి పొందుతున్నారు. కొంత మంది విదేశాలకు వెళ్లి సేద తీరుతుండగా.. మరికొంత మంది దేశీయంగా వేర్వేరు ప్రాంతాలకు వెళ్తున్నారు. నిన్న సీఎం  జగన్ లండన్ పర్యటనకు వెళ్లగా.. నేటి నుంచి చంద్రబాబు అమెరికా పర్యటన కొనసాగనుంది. చంద్రబాబు శనివారం అర్ధరాత్రి హైదరాబాద్‌ నుంచి అమెరికా బయలుదేరి వెళ్లారు. ఆయనతో పాటు సతీమణి భువనేశ్వరి కూడా చంద్రబాబు వెంట ఉన్నారు.

వైద్య పరీక్షల నిమిత్తం ఆయన అమెరికా వెళ్లినట్లు పార్టీ వర్గాలు తెలిపాయి. ఆయన గతంలో కూడా ఒకసారి అమెరికాలో మెడికల్ టెస్టులు చేయించుకున్నారు. ఇప్పుడు మరోసారి వైద్య పరీక్షల కోసం వెళ్లారు. ఐదారు రోజుల్లో ఆయన తిరిగి రానున్నారు. ఆయన కుమారుడు లోకేశ్‌ కొద్దిరోజుల క్రితం కుటుంబంతో కలసి అమెరికా వెళ్లారు. ఎన్నికల ఫలితాలు వెలువడే నాటికి విడిదిలో ఉన్న వీరంతా తిరిగి రాష్ట్రానికి చేరుకోనున్నారు.