Chandrababu Tours : శ్రీకాకుళం నుంచి ప్రారంభం - మే 4 నుంచి చంద్రబాబు జిల్లాల టూర్స్ !

మే నాలుగో తేదీ నుంచి జిల్లాల పర్యటనలకు వెళ్లాలని చంద్రబాబు నిర్ణయించారు. మొదట ఆముదాలవలస నియోజకవర్గం నుంచి ప్రారంభిస్తున్నారు.

మే 4 నుంచి జిల్లాల పర్యటనలకు చంద్రబాబు

తెలుగుదేశం పార్టీ అధినేత చంద్రబాబు ( Chandrababu ) మహానాడు కంటే ముందే జిల్లాల పర్యటనలు ప్రారంభించాలని నిర్ణయించారు. ఈ నెల 4వ తేదీన పర్యటనలు ప్రారంభిస్తున్నారు. ప్రస్తుతం రాష్ట్రం వ్యాప్తంగా తెలుగుదేశం పార్టీ ( TDP ) పెరిగిన ధరలు, పెంచిన పన్నులకు వ్యతిరేకంగా "బాదుడే బాదుడు" ( Badude Badudu ) పేరుతో ఆందోళన కార్యక్రమాలను నిర్వహిస్తోంది. ఈ నిరసనల్లో పాల్గొనేందుకు మొదటగా జిల్లాల్లో పర్యటించాలని చంద్రబాబు నిర్ణయించారు.  మే 4వ తేదీ శ్రీకాకుళం జిల్లా ఆముదాలవలస ( Amudala Valasa ) నియోజకవర్గం దల్లావలస గ్రామంలో చంద్రబాబు పర్యటన ఉంటుంది. 5 వ తేదీ భీమిలి ( Bhimili ) నియోజవర్గం తాళ్లవలస గ్రామంలో, 6వ తేదీ ముమ్మడి వరం నియోజవర్గం కోరింగ ( Koringa ) గ్రామంలో బాదుడే బాదుడు కార్యక్రమంలో చంద్రబాబు పాల్గొంటారు. 

ప్రభుత్వ పన్ను పోటు, బాదుడు పై ఇప్పటికే రాష్ట్ర వ్యాప్తంగా టీడీపీ  నిరసనలు ( TDP Agitations ) చేపడుతుంది. అందులో భాగంగా చంద్రబాబు కూడా పలు జిల్లాలలో స్వయం గా ఆ కార్యక్రమం లో పాల్గొననున్నారు. రాష్ట్రం లోని మూడు ప్రాంతాలలో ఈ పర్యటనలు ఉండేలా ప్రణాళిక సిద్దం చేశారు. మహానాడు వరకు పలు జిల్లాలలో చంద్రబాబు పర్యటించనున్నారు. సొంత నియోజకవర్గమైన కుప్పం లో  ( Kuppam ) కూడా చంద్రబాబు పర్యటన ఉంటుంది. తెలుగుదేశం పార్టీ పరాజయం పాలైన తర్వాత మొదట్లో జిల్లాల పర్యటనకు వెళ్లాలనుకున్న ప్రభుత్వం వివిధ రూపాల్లో అడ్డుకుంది. ఓ సారి విశాఖ ఎయిర్‌పోర్టులోనే నిర్బంధించి వెనక్కి పంపారు. 

ఆ తర్వాత కరోనా పరిస్థితుల కారణంగా  పర్యటనలు సాధ్యం కాలేదు. ఇప్పుడు కరోనా ఆంక్షలు ( Corona ) లేకపోడవం.. ఎన్నికల వేడి పెరగడంతో ఇక నుంచి జిల్లాల్లో నిరంతరాయంగా పర్యటించాలని నిర్ణయించారు. ముందుగా ఉత్తరాంధ్ర నుంచి ప్రారంభిస్తున్నారు. మహానాడులోపు ( Mahanadu ) మూడు ప్రాంతాల్లోనూ పర్యటిస్తారు. మరో వైపు లోకేష్‌తో పాటు అచ్చెన్నాయుడు కూడా రాష్ట్ర వ్యాప్తంగా విస్తృత పర్యటనలు చేయాలని ఇప్పటికే నిర్ణయంచారు.