Ram Gopal Varma: ఆర్జీవీకి గట్టి షాక్ ఇచ్చిన ఫైబర్ నెట్ - డబ్బులన్నీ వడ్డీతో సహా కట్టాలని నోటీసులు

RGV: ఫైబర్ నెట్ నుంచి తీసుకున్న డబ్బులు కట్టాలని ఆర్జీవీకి ప్రభుత్వం నోటీసులు జారీ చేసింది. నిబంధనలకు విరుద్దంగా ప్రజాధనం తీసుకున్నారని ఫైబర్ నెట్ నోటీసుల్లో పేర్కొంది.

డబ్బులు తిరిగి ఇచ్చేయాలని వర్మకు నోటీసులు

Source : x

AP Government has issued notices to RGV to pay the money taken from fiber net: రామ్ గోపాల్ వర్మకు మరో షాక్ తగిలింది. ఆయన వ్యూహం సినిమా తీసి ఫైబర్ నెట్ లో విడుదల చేశారు.  అందు కోసం రూ. కోటి పదిహేను లక్షల రూపాయలు తీసుకున్నారు. ఆ మొత్తం తిరిగి పన్నెండు శాతం వడ్డీతో తిరిగి ఇచ్చేయాలని ఫైబర్ నెట్ నోటీసులు జారీ చేసింది. అసలు వ్యూస్ లేకపోయినా డబ్బులు తీసుకున్నారని నోటీసుల్లో తెలిపింది.

రామ్ గోపాల్ వర్మ గత ఎన్నికలకు ముందు దాసరి కిరణ్ కుమార్ అనే నిర్మాత  పెట్టుబడి పెడితే..  రెండు సినిమాలు తీశారు. రెండూ జగన్మోహన్ రెడ్డి ఎలా ఎదిగారు..ఎంత గొప్ప వ్యక్తి అన్నది చూపించడానికేనని ప్రకటించారు. వ్యూహం, శపథం అనే పేర్లతో ఈ సినిమాలు తీశారు. మొదటగా వ్యూహం రిలీజ్ చేశారు. ధియేటర్లలో పెద్దగా ఎవరూ పట్టించుకోలేదు.అయితే దాన్ని ఫైబర్ నెట్ లో రిలీజ్ చేశారు.దానికి తగ్గ ఒప్పందాలేమిటో కూడా బయటపెట్టలేదు.కూటమి ప్రభుత్వం వచ్చిన తర్వాత ..ఫైబర్ నెట్ లెక్కలు చూసినప్పుడు అసలు విషయం బయటపడింది.

ఫైబర్ నెట్ లో రిలీజ్ చేసినప్పుడు ఒక్క వ్యూకి రూ.వంద ఇవ్వాలని ఒప్పందం చేసుకున్నారని మొత్తంగా 1800 వ్యూస్స కూడా లేకపోియనా.. రూ. కోటి పదిహేను లక్షలకుపైగా చెల్లించారని రెండురోజుల కిందట నిర్వహించిన ప్రెస్ మీట్‌  ఫైబర్ నెట్ కొత్త చైర్మన్ జీ వీ రెడ్డి ప్రకటించారు. తదుపరి చర్యలు తీసుకుంటున్నామని చెప్పారు.ఆర్జీవీపై కేసులు పెడతారేమోనని అనుకున్నారు. అయితే అనూహ్యంగా ప్రభుత్వం నుంచి అక్రమంగా తీసుకున్న  డబ్బులను పదిహేను రోజుల్లోగా పన్నెండు శాతం వడ్డీతో చెల్లించాలని ఆదేశించడం ఆసక్తికరకంగా మారింది. 

వ్యూహం, శపథం సినిమాలను తీసింది దాసరి కిరణ్ కుమార్ అయితే ఆర్జీవీకి ఎందుకు డబ్బులు చెల్లించారన్నది కూడా విచారణ చేసే అవకాశం ఉంది. మొదట ప్రజాధనం రికవరీ చేయించుకుని..తర్వాత ఈ అంశంపై సమగ్ర విచారణ జరిపి కేసులు పెట్టే అవకాశాలు ఉన్నట్లుగా అంచనా వేస్తున్నారు. ఆర్జీవీకి ఇంకా పెద్ద మొత్తంలో నగదు ముట్టిందని అది ఏ డిపార్టుమెంట్ నుంచి ముట్టిందో ఆరా తీస్తున్నామని ప్రభుత్వ వర్గాలు చెబుతున్నాయి.                               

ఇటీవల సోషల్ మీడియాకేసుల్లో ఆర్జీవీపై కేసులు నమోదయ్యాయి.ఆయన కోర్టుకెళ్లి ముందస్తు బెయిల్ తెచ్చుకున్నారు. వైసీపీ అధికారంలో ఉన్నప్పుడు ఆనయ సోషల్ మీడియా ద్వారా తెలుగుదేశం,జనసేన నేతలపై అభ్యంతరకంగా ప్రచారం చేశారు.ఈ అంశంపై ఆయా పార్టీల  కార్యకర్తలుల చాలా చోట్ల ఫిర్యాదులు చేశారు.ఇప్పుడు ప్రభుత్వ సొమ్ము అక్రమంగా పొందడంపై విచారణ ప్రారంభమయింది.